استفسار لمنع الحيرة

**besso33** · 01-01-2012 11:21 AM

اليوم جيت ادور السيارة بتاعتي وهي بالمناسبة نوبيرا 2005 لقيت كل حاجة فيها من الناحية الكهربائية تمام بس لما اجي ادور مفيش ولا حتي تكة مارش مع ان البطارية لسه جديدة وقيست الخرج بتاعها لقيته تمام وكان معايا واحد زميلي قاللي يمكن العيب من طلمبة البنزين رديت عليه وقولتله وهي لو طلمبة البنزين فيها مشكلة ميحصلش حتي ولو تكة مارش عند التدوير ، المهم قاللي تعال نجرب اديك زقة وبعدين نبقي نسال عن السبب وفعلا يادوب زقة بسيطة جدا العربية دارت ، فياريت الاخوة يقولولي ايه السبب في اللي حصل ده ولكم جزيل الشكر وعام جديد سعيد علينا جميعا يارب

**more_try2** · 01-01-2012 11:27 AM

بص على سلك اللقط الخاص بالمارش اكيد واقع

**besso33** · 01-01-2012 11:47 AM

شكرا اخي الفاضل علي الرد بس لو السلك واقع العربية تدور معايا ازاي لأن الموضوع ده حصل معايا امس واليوم دورت العربية كذا مرة في اماكن متفرقة وكانت بتدوربسهولة ، بس ميمنعش اني اقول لحضرتك اني من فترة بلاحظ ان ترس المارش ربما يكون فيه سنة مكسورة بيرتل في الدوارة احيانا فهل ممكن يكون ده سبب ولا ايه وشكرا مرة تانية

**more_try2** · 01-01-2012 11:51 AM

يعنى هى بعد ما بتدور زق بدور مارش عادى بعد كده اصل السلك ده لو واقع يبقى استحاله تدور مارش انما لو الموضوع انه بيعلق يعنى ساعات وساعات يبقى ممكن يكون ترس البندكس او شربون عايز يتغيربس ترتيل ده يبقى شربون ياباشا ودا ب20 جم

**HOSSAM99** · 01-01-2012 11:52 AM

المشاركة الأصلية كتبت بواسطة more_try2

بص على سلك اللقط الخاص بالمارش اكيد واقع

المارش قاطع

**more_try2** · 01-01-2012 11:57 AM

كده طقم شربون جرب مره لو قطع معاك خبط على المارش بالصليبه او دراع مسامير العجل ودور هتلاقى المرش اشتغل ودارت طقم الشربون ده من 15 الى 20 جم وفك وتركيب زيهم

**besso33** · 01-01-2012 12:24 PM

يعني الموضوع حضراتكوا لخصتوه في الشربون يبقي ان شاء الله الحيرة كده انتهت بس عايز اعرف هل الشربون لو مش سليم العربية من زقة بسيطة جدا حوالي متر واحد تدور وكمان هي طبيعي بتدور معايا من اول تكة ، معلهش تعبتكم معايا ولو فيه اسباب اخري محتملة ارجو توضيحها

**more_try2** · 01-01-2012 12:52 PM

تدور يا فندم من اول زقه لانك لغيت المارش بالزق وممكن تدور من تكه لان الشربون بيبقى بغزاله بس ممكن يبقى ولا الهوا يعنى لو قاعدت للصبح ميدورش

**elnakshabandy** · 01-01-2012 11:00 PM

حصلت معايا وهزيت كابل البطارية العربيه دارت
قطاش البطاريه كان مملح ونظفته
جرب وقولنا عملت ايه

**ahmed.zahra** · 02-01-2012 03:28 PM

هو كده لازم تطلع المارش و يتبص عليه كله ( الأوتوماتيك و ترس البندكس و الشربون و الجلب) يفضل تعمل له صيانه كامله و ده مش مكلف و بيبقى كأنك اشتريت مارش جديد. أنا شخصيا عملت كده من حوالي شهر

الموضوع: استفسار لمنع الحيرة

LinkBack

أدوات الموضوع

عرض

-

-

-

-

-

المواضيع المتشابهه

هموت من الحيرة

يا جماعة انا في قمة الحيرة!

أنا فى قمة الحيرة

ياربى على الحيرة

الحيرة القاتلة

الكلمات الدلالية لهذا الموضوع

المفضلات

المفضلات

ضوابط المشاركة