سرقة عيني عينك

**jericho** · 01-01-2012 04:10 PM

يا جماعة خلي بالكو علشان التوكيل بيقولك ضمان المساعدين 6 شهور او 10000 كيلو ايهما اقرب يعني موضوع ال 3 سنين وال 100 الف كيلو مش شغالين علي المساعدين ولما تسال بقولك رينو هيا الي محددة المدة دي طبعا محش قال الكلام ده واحنا بنشتري انا غيرت مساعد والعربية عاملة 9065 كيلو يعني لسه زيرو غيرتو علي حسابي بسبب الموضوع ده وبصراحة انا فقدت الثقة فيهم وحاسس انهم بيضحكوا علينا بالموضوع ده وبفكر اشتكي لجهاز حماية المستهلك ايه رايكوا يا جماعة ؟؟؟؟؟؟؟؟؟؟؟؟؟

**elgohary** · 01-01-2012 05:32 PM

وليه غيرته على حسابك حتى ولو كان الامر كما تقول كده عربية حضرتك لسه محصلتش 10000 كيلو ومن حقك يتغير فى الضمان الا اذا كان سوء استخدام او التلف كان بسببك عموما ربما يحفظك انت وعربيتك ومتحتاجش التوكيل ف حاجة

**lord777** · 01-01-2012 10:39 PM

جديدة المعلومة دى

**walidzakzok** · 01-01-2012 10:48 PM

المشاركة الأصلية كتبت بواسطة elgohary

وليه غيرته على حسابك حتى ولو كان الامر كما تقول كده عربية حضرتك لسه محصلتش 10000 كيلو ومن حقك يتغير فى الضمان الا اذا كان سوء استخدام او التلف كان بسببك عموما ربما يحفظك انت وعربيتك ومتحتاجش التوكيل ف حاجة

ممكن يكون عدى عليها 6 شهور

**amriar** · 01-01-2012 11:35 PM

هو في حد يعرف ايه ضمانه ايه؟؟
يعني تفصيله الضمان لكل حاجه علي حده عشان مش بس المساعدين اللي ليه مده مختلفه...
لو في حد عنده ملعومات يشاركها معانا من فضلكم

**zkralla** · 01-01-2012 11:53 PM

المساعد بالذات مفيش ضمان عليه فى اى عربية لمدة ثلاثة سنين لانه ببساطه ممكن وأنت مروح بالعربية تلبس مطب جامد المساعد يبوظ والعربية تكون ما عملتش 200 كيلوا حتى
ومعلومة المساعد ديه انا عارفها من ساعة ما جبت العربية وكمان الضمان فى الاول كان 3 شهور او 10000 كيلو لكن هتلاقى مثلا ضمان المقصات 3 سنين او 100000 لانها مش معرضه للتلف السريع زى المساعد

**Egyzizo** · 02-01-2012 03:21 AM

وفى أقوال أخرى من المقطم : ضمان المساعد 3 شهور فقط.
أنا المساعد عندى جاب زيت بعد 4 آلاف ، وغيرته فى صيانة الـ 5 جوه الضمان بالعافية.

راجع الموضوع التالى :

http://www.nilemotors.net/Nile/138081-5000.html

**jericho** · 02-01-2012 04:24 PM

المشاركة الأصلية كتبت بواسطة walidzakzok

ممكن يكون عدى عليها 6 شهور

فعلا كان عدي عليها 6 شهور كمان انا بتكلم في عدم الشفافية بتاعتهم وكمان حركة مش حلوة ده منصور بيغير المساعدين حتي لو العربية عاملة 30 الف كيلو مش 9000 يبقي رينو ميغيرش وكمان ميعرفكش ايه النصب ده