الموضوع: المتهم البريء !

كلام سليم بس موضوع الوزن مختلف فيه معاك لان في حاجه اسمها قصور زاتي وكده والكلام ده انا درسه سنه كامله تقريبا بس دا ميمنعش ان الفرامل برده وحشه ودا راجع من الطنابير صغيره نسبيا وغير كده حاجه لاحظتها ان الفرامل اللي وره ضعيفه يعني لو اللي قدام افشت هتلاقي اللي ورا بتلف عادي جدا فنا فلمواقف الحرجه بشد الهاند بريك
بلنسبه لنقطه الانغلاق فدي بتختلف من نوع كوتش للتاني ومن طريق للتاني فنته لو لقيت العجله بتقفش ودي تعرفها من الصوت تشيل رجلك سنه من علي الفرامل
وللعلم سيارات السباقات مفهاش ايه بي اس لانه فعليا بيزود مسافه التوقف ومش زي ملناس فكره بلعكس بس هما بينزلوه للسائق العادي عشان لو حصل ظرف طارق تلقائيا الواحد بيجيب اخير الفرامل

المشاركة الأصلية كتبت بواسطة ashraf_ibrahim

ازيكم يا شباب اخباركم ايه
يارب تكونوا جميعا بخير
النهردة حابب اتكلم عن المتهم البريء!
فرامل الفيرنا -والكلام دا ينطبق على اي فرامل تقدر توصل لمرحلة الانغلاق التام complete blocking!
*للأسف يا شباب بنظلم الفيرنا بقصة الفرامل دي
ايه مواصفات الفرامل القوية؟!
انك لما تضغط الفرامل لحد آخرها العربية تزحف منك ويحصل انغلاق تام complete blocking
طب هل دا بيحصل في الفيرنا؟!
ايوة بيحصل ودا ان دل بيدل على ان منظومة الفرامل قوية
طيب ايه المشكلة بقا؟!
المشكلة ان وزن العربية خفيف فمع قوة الفرامل دي بتخليك تشعر ان الفرامل مش فعالة اوي
وطبعا هتقولولي ازاي فرامل قوية وعربية خفيفة يعني المفروض تقف اسرع !
الكلام دا سليم عمليا طول مانت موصلتش لدرجة الفرملة اللي تخلي الكاوتش يقفش منك او يزحف
كدة عربيتك تقف اسرع
لكن اللي بيحصل في المواقف المفاجئة اننا بنكبس فرامل للنهاية فالكاوتش بيقفش والعربية تزحف في الاسفلت ونلاقينا هوب قمنا لابسين في اللي قدامنا ونيجي نشتكي ونقول فيرنا !
ولو كان وزن العربية اكبر كانت الفرامل هتعاني عشان توصل لنقطة الانغلاق التام وبالتالي تقف اسرع !
ودا اللي بيحصل معانا لما بيكون معانا حمل كبير في العربية بنلاقي اننا بنضطر نضغط فرامل اكتر عشان نوصل لفرامل كويسة وهنا وزن العربية بدون ما نشعر -رغم اننا شايفينه عيب- بيخلينا نتوقف احسن من ان العربية تبقا فاضية في المواقف المفاجئة ! :o_stupid[1]:
العيب مش في العربية العيب في اللي سايق انه معرفش يطلع أقصى استفادة من الفرامل
استخدام الفرامل مهارة زيها زي السواقة ويمكن اهم من مهارة السواقة بكتير لأنك لو بتعرف تستخدم الفرامل كويس هتعرف امتى وازاي تقف
طيب عايز استفيد من الفرامل اعمل ايه؟!
*أولا لما تيجي تفرمل متضغطش دبرياج عشان متفصلش منظومة الفتيس وتخلي التروس متعشقة ودا هيساعدك انك تقف اسرع ولو لقيت ان دا مش هيسعفك تقدر تسقط نقلة عكسية يعني تنزل نقلة من الخامس للرابع او للتالت حسب سرعتك وترفع رجلك مفاجيء من على الدبرياج وانت ضاغط فرامل هتلاقي انخفاض كبير في سرعة العربية
*ثانيا متفرملش لنهاية الفرامل عشان متوصلش ان الفرامل يحصلها انغلاق تام
ولكن اوصل لل threshold بتاع الفرامل والللي عندها بتخلي الفرامل بتاعت عربيتك تشتغل كأن فيها abs نظام مانع انغلاق ! طب ازاي؟!
وظيفة نظام مانع الانغلاق ان الكاوتش ميقفشش وبالتالي العربية متزحفش ولو انت في موقف صعب تقدر تحرك الدروكسيون بكل سهولة وانت متحكم في العربية وهو بكدة بيوصل أقصى قوة فرملية ومبيعملش انغلاق تام
هل نقدر نعمل دا في عربياتنا بصورة مانيوال؟! -يدوية-
ايوة طبعا نقدر بس محتاجة شوية تدريب وتبقا عارف النقطة دي في عربيتك امتى وفين!
فرمل وجرب انك تفرمل بأقصى حاجة بس الكاوتش ميقفشش وشوف هتقف في قد ايه وعلى نفس السرعة فرمل تاني وخلي الكاوتش يقفش وشوف هتقف في قد ايه !
قطعا في حالة ان الكاوتش ميقفشش هتقف اسرع
يبقا :-
*نخلي الفتيس معشق
*منوصلش للانغلاق التام في الفرامل ولكن نوصل لأقصى استفادة منها بدون ما تكسح معانا
*نسقط نقلة عكسية لو كان الموقف مستدعي
*نضبط النفس عشان منتصرفش تصرف غلط يخلينا نخبط في المواقف الحرجة !
وربنا يوفقكم جميعا

100 % ..... تمااااام

موضوع جميل, الله ينور عليك يا دكتور
هو فعلا المفروض ندرب على ضغطة الفرامل بحيث انها متقفشى بس دى صعب تطبقها فى كل الظروف يعنى لو انت بدوس ضغطة معينة على الطريف الاسفلت بحيث العربية متزحفش نفس الضغطة لما تدوسها على طريق فى رملة او مياة ممكن تزحف
بس على فكرة انا كنت بقول زيك فرامل الفيرنا كويسة جدا لحد ما سوقت كيا سيراتو sx... سعتها عرفت ان فرامل الفيرنا مش اد كدة... تقدر تقول هى كويسة فى الفئة السعرية بتاعتها لكن عند مقارنتها بفئة سيارات اعلى و فيها abs المفروض بقى الناس ما تظلمش الفيرنا و اللانوس و تقارنها بفئات سيارات اعلى

كلامك معظمه صح بس انا مش معاك في نقطة
حضرتك بتقول ان العربية لما بيحصل lock للفرامل بتتزحلق و كدا ..دا بسبب ان الكواتش مش كويس و مفيش ABS ...لو على الأقل الكواتش كويس مش هيحصل ان الكاوتش "يتزحلق" كدا... جرب ركب المرة الجاية لو تعرف بريدجستون او بيريللي و يا سلام لو تعرض الكاوتش مقاس هتلاقي فرق جامد

العربية بتقف حلو اوي لو انت لواحدك او حمولتك خفيفة ..لكن لو مليانة مش بتبقى مش لذيذة و اللوك مبيحصلش بسهولة معرفش لية


الخلاصة كواتش نضيف او abs تبقى فلة