الموضوع: علبة شكمان اللوجان برا التوكيل بكام ؟؟

كنت عملت موضوع من حوالي شهرين عن الحادثة اللي عملتها و الحمدلله ربنا سترها معايا جدا و العربية اتصلحت
بعد ما استلمت العربية من مركز الخدمة بحمد الله و كانت زي الفل في نفس اليوم بالليل سمعت صوت زنة غريبة جاي من تحت العربية وهي دايرة عالسلانسيه انا قلبي وقع في رجلي و تخيلت انه من الموتور و لكن بعد التدقيق و التمحيص اتاكدت ان الصوت من علبة الشكمان الوسطانية و ما بيظهرش غير عند ار بي ام معين
نزلت تحت العربية ولقيت العلية مخبوطة جامد و ملوووحة بس مش مخرومة
انا تخيلت ان العلبة بتلامس الصاج الحراري الي حواليها و بتعمل الزنة دي و فضلت احاول ابعدهم عن بعض و اتاكدت انهم بعيد تماما عن بعض ولكن مازال الصوت موجود
علي فكرة الصوت بيختفي و انا ماشي بالعربية و ممكن يظهر و انا بنقل الغيار و الا ربي ام بينزل بس بيختفي اما اشد بالعربية و السحب كويس جدا
طبعا انا كشفت عليها عند واحد بتاع شكمانات و بص عليها و نزل تحتها و خبط خبطتين و قالي جرب و الصوت اختفي تمتما
و قاللي العلبة واخدة خبطة جامدة و المصفاية اللي جواها اتكسرت و هي اللي بتزن و قالي لو الصوت رجع تاني او العربية سخنت او حسيت ان العربية مكتومة وما تسحبش يبقي العلبة لازم تتغير

انا سألت علي العلبة في التوكيل و عرفت انها ٧٨٠ جنيه بالضريبة
وعرفت منهم ان علبة الشكمان الاخيرة ب ١٥٠٠ تقريبا و علبة البيئة ب ٥٥٠٠
يعني العلبة الوسطانية ارخصهم

حد يعرف سعر علبةالشكمان الوسطانية برا كام و هل ممكن الاقي علبة اصلية زي بتاعة التوكيل و لا كله تقليد و ممكن يخلي صوت العربية مش مظبوط

المشاركة الأصلية كتبت بواسطة yoko

ركب علبه تيواني في النص وخلاص لإن علبه النص تأثيرها مش كبير قوي في صوت العربيه

طيب دي فين الاقيها و بكام و هل هي مخصوصا للوجان و لا إيه

وايه تأثيرها علي صوت المكنة هل ممكن تعليه او تخشنه و لا زيها زي البلي نازله في العربية

هل فيه منها تركي و لو فيه حضرتك ترشحه و لا لا

و معلهش سؤال أخير عند مين ممكن أركبها و يك ن صنايعي شاطر عنده ضمير.

متشكر جداً لحضرتك