رشاشات الميه بتاعت النترا 2007 الزجاج مش شغاله

**samihanwar** · 03-01-2012 01:58 PM

انا لاقيت مره واحده رشاشات الميه بتاعت النترا 2007 بتاعت الزجاج مش شغاله
ايه الحل

**ahmedfd** · 03-01-2012 03:24 PM

أعتقد إنه العيب مش هيخرج عن خمس حاجات:
1- عيب طرمبة مياه المساحات.
2- الفيوز اللي بيشغل طرمبة مياه المساحات.
3- المياه خلصت من القربة.
4- فتحات المياه مسدودة.
5- الخرطوم اللي رايح للفتحات مقطوع.

طبعاً أكيد إنت كشفت على الميه في قربة المساحات بس أهو سبب برضه و لازم يذكر.
أعتقد الفيوزات سهل الكشف عليها و ممكن بعد كدة التحقق من سلامة الطرمبة بالسمع لإن ليها صوت زن و بيكون مسموع.

**samihanwar** · 03-01-2012 05:41 PM

شكرا جزيلا يا استاذ أحمد على الرد
القربه فيها ميه
وانا مبسمعش صوت زنه الطرمبه
والفتحات تمام
والخرطوم تمام
يبقى الفيوز او الطرمبه باظت
هو الفيوز بتاعها فين واسمو ايه ويكون لك جزيل الشكر