محتاجة مساعدة بسرعة بليييييييز

**MSGenni2012** · 03-01-2012 07:04 PM

أنا من أسكندرية و عاوزة أروح شارع التسعين فى التجمع الخامس بس عن طريق القطار لأن العربية بايزة و محتاجة أروح بكرة الساعة 11 الصبح أكون هناك عشان عندى مقابلة شغل فبليييز محتاجة مساعدة ضرورى..............

**mohamed_selim** · 03-01-2012 07:13 PM

ميزانيتك للمواصلات كام؟ اسهل حاجه بس مكلفه هو تاكسى ... غير كده هتاخدى ميكروباص للحى العاشر و من هناك هتلاقى موقف التجمع و تركبى حاجه للمكان اللى انت عايزاه

**Land_Cruiser** · 03-01-2012 07:24 PM

حضرتك هتنزلى من القطار تركبى تاكسى للتجمع الخامس و شارع التسعين ده الشارع الرئيسى فى التجمع الخامس يعنى هتلاقى كل الناس تعرفه و خط سيره فى اكتر من طريق بس هيطلع كوبرى اكتوبر و ينزل من منزل مدينه نصر و يكمل على طول من جنب المنصه لحد الاخر و بعد كده يدخل طريق السويس و يكمل عليه لحد فتحه الطريق الدائرى و يمشى عليه و عند النفق التانى يدخل يمينه و تلفى الصينيه و بكده هتكونى فى شارع التسعين.

**ahmed_1** · 03-01-2012 10:22 PM

زى ما الأخوة قالو
فى برضك حل وسط انك تاخدى ميكروباص بيروح الحى السابع و تنزل تاخدى تاكسى من هناك هياخد فى حدود 30-25 على حسب الطريق
و فى الحالتين خدى التاكسى الابيض علشان بعداد و محدش يضحك عليكى