أسعار السيارات المستعملة .... في اليابان

**A_H_M_A_D** · 04-01-2012 11:46 AM

بالصدفة دلوقتي و أنا قاعد على الفيسبوك لقيت إعلان جانبي عن عربيات مستعملة , فتحته لقيته موقع ياباني بيعلن عن العربيات الياباني المستعملة في اليابان موديلات التسعينات و لغاية دلوقتي

المفاجأة بقى في الأسعار , بتبدأ من 500 دولار (يعني 3000 جنيه) و إنت طالع , أغلى حاجه شفتها لغاية دلوقتي كانت ب 1500 دولار

صني موديل 96 أوتوماتيك ب 790 دولار
سيفيك موديل 2000 أوتوماتيك ب 885 دولار

ده اللينك بتاع الموقع للي عايز يتفرج و يتحسر شوية على حالنا

All search results - Japanese used cars exports and Japan car import / PayTrade / Sort by : Price - Low to High / Page. 1 [ tradecarview ]

**Elawany13** · 04-01-2012 12:00 PM

هوه ده العادى فى معظم دول العالم تقريبا

**el_nahal2004** · 04-01-2012 01:25 PM

نسبة وتناسب الجديد عندهم رخيص
فبالتالى القديم ارخص كتير جدا

**شاهين - بنز** · 04-01-2012 02:10 PM

ياه يعني تخيلوا سعر المستعمل عندنا بزيادة ١٠٠٠% عن اليابان يعني الصني تعملها ٧٩٠٠' دولار يعني ٤٧ ألف جنيه وده سعرها تقريبا هنا والسيفيك موديل ألفين بعد زيادة العشر أضعاف تعملها ٥٣ ألف جنيه

**el_nahal2004** · 04-01-2012 02:50 PM

المشاركة الأصلية كتبت بواسطة شاهين - بنز

ياه يعني تخيلوا سعر المستعمل عندنا بزيادة ١٠٠٠% عن اليابان يعني الصني تعملها ٧٩٠٠' دولار يعني ٤٧ ألف جنيه وده سعرها تقريبا هنا والسيفيك موديل ألفين بعد زيادة العشر أضعاف تعملها ٥٣ ألف جنيه

عمار يا اوكرانيا

**Land_Cruiser** · 04-01-2012 03:11 PM

معظم الدول كمان مبيوجعوش دماغهم بالتصليح اصلا و تجديد عربيات بقالها ٣٠ او ٤٠ سنه ماشيه و حرفيين و بيشتروا جديد اسهل و التسهيلات عندهم كتيره بالاضافة الى ان سعر الجديد اصلا رخيص لان مفيش جمارك و حتى لو فى بتبقى حاجه معقوله و ممكن كمان البلد نفسها تكون بتنتج سيارات فيخلى سعرها رخيص اصلا علشان الحكومه بتقولك هناك شجع اليابانى و لا الامريكى اللى هو جودته عاليه فعلا مش بيشحتوا عليه زى عندنا :) . اعتقد بعد كل ده لازم تبقى الأسعار عندهم اقل مننا بمراحل على اساس اننا عكس الكلام ده بالضبط.

**A_H_M_A_D** · 04-01-2012 03:44 PM

المشاركة الأصلية كتبت بواسطة hpxp

والله انا شايف ان الواحد يجيب حاجه من دول ويدفع جمركهابس هتبقي رخيصه عليه اوي اوي اوي صح ولا غلط

غلط يا باشا للأسف

عشان القوانين عندنا بتمنع إستيراد المستعمل إلا في حالات قليلة قوي زي سيارات المعاقين أو إنها تكون بتاعتك من و هي زيرو و نازل بيها مصر