الموضوع: يلا بينا نساعد بايدينا فى بناء صناعه سيارات وطنيه

يا جماعه قريت خبر تعيين م. رأفت مسروجه رئيسا لمجلس الادارة وعضوا منتدبا للشركة الهندسية للسيارات والنصر للسيارات

مسروجة الرئيس الجديد للهندسية والنصر للسيارات : نبحث عن سيارات جديدة لانتاجها والشركتين تقرر ضمهما معا

وفى وسط الخبر عرفت انهم فى مرحله البحث عن موديلات جديده لتجميعها فى شركه النصر خلفا فى طريق اعاده احياء الشركه الوطنيه الاقدم على مستوى الشرق الاوسط

وبما انى بتوسم فى منتدانا الجميل انه بيجمع غالبيه خبراء السيارات والمهتمين بالمجال ده من كل الفئات والاعمار اللى بتمثل نسبه كبيره من بلدنا العظيمه ، وبما اننا بدانا بعد ثورتنا المجيده مرحله اننا بنبنى بايدينا وبعقولنا مش مجرد قرايه خبر زى زمان كان بهدف الشو وهما بيخصخصوا فى ثرواتنا التى لا تقدر بزمن

فى نفس اليوم اللى قريت مقال عن تجربه البرازيل الرائده فى النمو الى ان حلت محل المملكه المتحده كسادس اكبر اقتصاد فى العالم

دراسات�-�ملفات�-�البرازيل.. القوة الصاعدة من أميركا اللاتينية

هل ممكن نوصل للى وصله الايرانين اللى عليهم عقوبات الدنيا وكمان عقوبات اللى بيساعدهم وبالرغم من كده وصلوا لتقدم محترم فى المجال ده

كونا : صناعة السيارات في ايران تطمح للتنافس في الاسواق العالمية - الصناعة - 15/01/2010

انا بدعو كل اعضاء المنتدى باننا نساعد بخبرتنا والعلم اللى ربنا وفقنا ليه فى مساعده اللجنه اللى بتختار الموديلات اللى بتتجمع تانى لشركه النصر

ياريت كل واحد ميبخلش بنصيحه ويشارك فى اختيار الموديلات اللى هتتصنع عندنا فى بلدنا وياريت يبقى ارائنا علميه ومدعمه ببعض الرؤى الاقتصاديه وجدوى الموديلات والشركات المختاره وامكانيه موافقتها على نقل الخبرات والتكنولوجيا

اختيارتنا هتساعد اللجنه وهنمضمن اننا منبقاش مجبرين نركب اللادا او اللى شبها لمده 30 سنه جايين كمان فى حاله اختيار حاجه كده لا قدر الله

ارجو من اداره المنتدى وم. كريم منير تبنى هذه الدعوه ومحاوله التواصل مع لجنه شركه النصر وادارتها الجديده لنقل نتيجه الاقتراحات ليهم والوصول للحل الامثل

نفسى ولادنا يفتخروا بينا بعض 3 او اربع اجيال بدل ما كل اللى بنفتخر بيه احنا واجدادنا واولادنا حضاره الفراعنه وبس

هل ممكن نعمل حضاره اعظم؟؟ ، ومنبقاش بس مجتمع استهلاكى بيركز على الموارد والموازنه علشان يأمن اكله وشربه وبس .

اتمني والله اشوف انجاز زي ده بيتحقق في مصر و اتمني برضه ميقتصرش علي السيارات فقط و لكن يشمل كل شئ في مختلف المجالات و الصناعات
يعني اللي بنصنعه هنا بلاش نستورده من بره طالما بنفس الكفاءة
مثال بسيط جدا : الكبريت فيه منه المصري و الهندي و السويدي طالما المصري بنفس الكفاءة يبقي خلاص نمنع استيراد الباقي و نشغل المصري اللي ارباحه هتكبر بكتير و يتوسع و يشغل عمال اكتر و يصدر و هكذا في باقي الصناعات الاخري