ضرور جدا ...عايز اعدل موتور230 مو 79 الي 200

**sameh2012** · 04-01-2012 04:17 PM

كيفية تعديل موتور 230 موديل 79 الي 200 وما هو افضل موديل استبدله اجيب موديل 80 اواكتر ولا اشتري موتور 79 ايضا 200 وبكام التكلفة ومنين من بورسعيد

**sameh2012** · 04-01-2012 04:18 PM

الردود يا جماعة

**sameh2012** · 04-01-2012 04:59 PM

المشاركة الأصلية كتبت بواسطة sameh2012

كيفية تعديل موتور 230 موديل 79 الي 200 وما هو افضل موديل استبدله اجيب موديل 80 اواكتر ولا اشتري موتور 79 ايضا 200 وبكام التكلفة ومنين من بورسعيد

وهل التعديل سيؤثر علي العربية في امور فنية مثلا ولا ذللك

**MASERATI** · 04-01-2012 07:10 PM

السلام عليكم و رحمة الله و بركاته

أنا ماعملتش الموضوع ده قبل كده, بس كنت بفكر أجيب عربية 230 موديل 84 و أغير المكنة بتاعتها بواحدة 200, لكن جت ظروف سفر و بتاع و ماعملتش الموضوع ده.

اللى أنا أعرفه, أنك ممكن تحط مكنة زلمكة 200 موديل لحااااااااااااااااااااد 6-1993, الموديل اللى بعد كده ماينفعكش لأنه بيكون المكنة ال 111.

أحسن حاااااااااااااااااااجة, أنك تنزل مرة بورسعيد فى الحتة اللى عند بنك الاسكان هناك و تاخد لفة و تسأل على المواتير بتاع الزلمكة موديلات بعد ال90, لأنى على ماعرف أنها ممكن تتسقط فى عربيتك عادى, بتبقى المكنة السودا, أنت المكنة اللى عندك, أكيد المكنة البيضا, المكنة السودا بتنزل فى المرسيدس المعدلة من أول 1981 لحاااااااااااااااد 6-1993.

و بالمرة, لو كانت العربية مش مكيفة, هات المكنة بالتكييف و الفتيس بتاعها راكب عليها.

أنا من سنة كده, كنت سألت واحد تاجر فى بورسعيد بالتليفون, كان اسمه طارق البحراوى, على الموضوع ده و قاللى ينفع و قاللى المكنة ال2000 CC بتاع زلمكة 1993 بالتكييف و الفتيس المانوال 6 سرعات ب 9000 جنيه قبل أى فصال و أى حاجة, السعر ده من بقه و قاللى ركب و روح قيس فى الشركة, زى ماقلتلك, الأفضل أنك تنزل بورسعيد مشوار كده و تعرف الدنيا عالطبيعة و تشوف مكن ايه اللى موجود و حالته ايه و بكام, أنت مش هتسقط كل يوم موتور.

و لاااااااااااااااااااااااا زم, تبقى تقولنا عملت ايه عشان نستفيد من خبراتك

.

**Tarek218** · 04-01-2012 08:44 PM

هل الفرق شاسع بين ال 230 و 200 الأوتوماتيك موديل 1980 فى حرق البنزين؟
بغض النظر عن الضريبة الى بتتدفع فى المرور

**sameh2012** · 05-01-2012 12:59 PM

اشكرك علي الرد السريع ودائما في تقدم ان شاء الله

**mik_e30** · 13-01-2012 05:40 PM

حرام انك تعمل كدا انت هتضيع قيمة العربية
اشتري 200 علطول لو خايف من ضريبتها

**monorozgana** · 27-01-2012 10:38 PM

في بورسعيد المواتير بتتباع بالفتيس ع طول ومتتكلمش ع اي كلام غير كده عشان ميشتغلكش ويقولك الفتيس سعر لوحده ، وبعدين بالنسبه للاسعار المكنة السودا بتركب عادي في منها انجيكشن بتعمل حوالي 6000 جنية واتوماتيك كمان ومنصحكش بيه عشان بيعطل كتير واي حاجه ف البنزين بتوقف العربيه خالص ، وخاصة بقي احنا ف مصر بنزينا زباله ، وبالنسبه للكاربيرتير دي بتكون ب 9000 واتوماتيك بردو وخد بالك من حاجه مهمة جدا انهم هناك بيحولو المكنة الانجيكشن الي كاربيرتير وبيبعوها ب 9000 ودي تعرفها لما تلاقي الرداخ بتاع المكنة خارج مضايق سلك الاكسيرتاير وخد بالك كمان انهم بيركبو فيتيس المكنة ال 230 علي المكنة ال 200 السودا وده بيقلل عزم العربيه وبيخليها طالعه المطالع بالعافية