البطاريات كلها بتنام

**BLEEDER** · 05-01-2012 04:57 PM

السلام عليكم يا جماعه

الفيرنا اللي عندي موديل 2004 اتوماتيك

3 بطاريه اجربها فيها و لو سبت الكابل بتاع البطاريه يومين من غير حركه تنام

و احيانا بابقى مخلص بيها مشاوير كتيره و اطفيها و اجي ادورها بعد 3 دقايق مثلا تنام !!

و قست الدينامو لقيته بيشحن كويس !!

اعمل ايه ؟

**Land_Cruiser** · 05-01-2012 05:22 PM

وديها لكهربائى كويس يشوف ليكون فى سلك ملمس و لا حاجه

**ahmed_mido1889** · 05-01-2012 05:28 PM

كده حاجه بتسرب الكهربه

**Land_Cruiser** · 05-01-2012 05:34 PM

حاول توديها بسرعه للكهربائى يراجعلك على الكهرباء زى ما قلت لك علشان لو حاجه ملمسه و بتسرب ممكن لاقدر الله تعمل ماس

**original** · 05-01-2012 06:08 PM

1- طيب يا ترى لو فصلت البطارية مش بتنام؟؟
2- لو فيها إنذار ممكن لو الحساسية بتاعته عالية وبيشتغل على طول يكون بيفضيها
3- ممكن تكون وحدات رفع الزجاج معلقة!!
4- ممكن أنواع البطاريات مش كويسة!!
5- ممكن يكون الدينامو بيبوظ بطاريات!!

**ehab98** · 05-01-2012 06:18 PM

و ديها للكهربائي و هو ها يعرف علي طول لو في حاجة بتسحب كهربا من البطارية بيبقي معاه لمبة صغيرة كدة اللمبة دي بتنور عليطول

و هو ها يعرف السبب ممكن الارضي بيسحب الكهربا ممكن زراير الازاز بتعلق ممكن زي ما الاعضاء افادت الانزار او وحدات الرفع ممكن لمبة الفرامل

حجات كتير و الكهربائي ها يعرفهم لان دة شغلة

**mouraddesk** · 17-01-2012 01:16 PM

حصلت معايا فى جيتز 2011 و كنت خلاص رايح اشترى بطارية بس رحت التوكيل الاول لانها كانت فى الضمان و قلت لهم على المشكلة قالوا مش بطارية المهم غيروا السى دى من غير ما ادفع جنية و قالوا ان فى مشكلة فى السى دى و بيعمل سيريا و يفضى البطارية مع انها ماكانتش عاملة غير 16000 بس انا شايف ان عربيتك 2004 شوف لو فيها الكاسيت و الا ال سى دى هونداى ممكن تكون نفس المشكلة