التقرير اللي كان مفروض انه هيبقي قنبله

**zeznia** · 05-01-2012 10:08 PM

بسم الله الرحمن الرحيم
كان نفسي يبقي تقرير قنبله بس شكله هايطلع بمبه
نخش في الموضوع
بعد يوم الصيانه العالمي لصقور نيسان في اوتو ايجبت حصلت علي توصيه بتغير الكاوتش لان بصراحه دا الكاوتش اللي كان جاي في العربيه وماشي عليه 59000 كلم والحمد الله
فور ماخرجت من المركز ماكنشي في دماغي غير اني اغير الكاوتش وفورا بدات اعمل اتصالاتي
طبعا كنا يوم31-12-2011 السبت وعلي يوم الاثنين لقيت واحد من معارفي بتصل بيقول انت كنت عاوز كاوتش جديد قلتله ايوه
قلي تعالي فورا قلت ماشي
ورحت وعينك ماتشوف الا النور
لقيته مجهزلي 4 فرد كاوتش بجنوط سبور بحالت الزيرو
خالعهم من عربيه نوبيرا لسه شاريها وهيبعها لزبون
اصل هو تاجر عربيات
الكاوتش ستار ماكس توركي سرعات بنقشه شيك قوي ومقاسه195-55-15 والجنط اندونيسي مروحه جامد لونه فاميه ميتالك فاجر
ماطولش عليكما رحت قايله قصر وعايز كام من الاخر
2500 جندي
2000 جندي
2250 جندي
قلتله حلال عليك
رحت شايلهم وماشي
تاني يوم رحت لبتاع الكاوتش عشان كان في فرده فيها مسمار
قام مصلح الفرده وجينا نركب ..........................
اوباااااااااااااااااااااا اا
ده مش هيركب يابيه
لييييييييييييييييييه
طلع محور الجانط صغير عالطنبوره بتاعة الصني
واتاري ان ابعاد المسامير بتاعة الكوري بتبقي اصغر من الياباني
فالتحيا اليابان
المهم جالي اكتأب وادايقت خاص
وبعدين بيني وبنكم قلت قدر الله وماشاء فعل
هي العمليه مش ناقصه حسد
ممكن لو كانوا ركبوا كنت اتفقعت عين من اياهم تمام
وبعدين لو كانوا ركبو كانت العربيه هتهبط عالاقل 10 سم
والعمليه مش ناقصه حك في المطبات
المهم خدتهم ورجعتهم لصاحبي وانا لازعلان ولا مبسوط
النهارده بقي نزلت الزقازيق ولفيت علي كذا واحد بتاع كاوتش وسعرت كذا نوع
gt اندونيسي 350 تعبان
goldفرنساوي خط اندونيسي 450 وده كان حلو
roadstonكوري 475 غالي عالفاضي
المهم زهقت لف في الزحمه لما وصلت لواحد لسه فاتح جديد بس عامل شغل عالي قوي فقلت اخش اسعر برضو
المهم لقيت صاحب المحل واد شباب عسل وبياع شاطر
قلتله عالمقاس195-65-15 ورانج الفلوس حوالي 400 جنيه
فقلي انت احسن حاجه ليك الجود يير البولندي ب450 جنيه
وقلي انه زي الالماني ابو 550 جنيه
المهم قلتله اشوفه فقام بنفسه ببدلته وجرفتته الشيك وطلع الفرده من كوم كاوتش
فطلع في ايده فرده جود يير الماني اصلي
ودهالي علي انها البولندي
انا اول ما مسكت الفرده وعاينتها وقريت اللي عليها وحسيت ان الفرد حلوه قوي وفيها ليونه مش طبيعيه قلتله بس هو ده طلبي
بس دي مكتوب عليها الماني
قلي لا معلش البولندي هي دي
فعاينت البولندي حسيت انها زي الحجر وهتدوشني في العربيه
فقلتله لا انا عايز الالماني ماتزبط السعر قلي هامشيها 500
وعشان انا امي دعيالي خد بالي من تاريخ الانتاج 10\36
فقلتله دي فات علي انتاجها سنتين
يمين شمال خلاص 475 جنيه وتركب وتحط نيتروجين وترصص الاربعه علي حساب المخيل
قلتله استبينا
1900 جندي عدا ونقدا وعشره جنيه بقشيش الصنايعيه
التجربه بعد التركيب
بصراحه حاجه غريبه
1 السحب اتغير خالص العربيه مش بتفرك عالفاضي
2 العربيه زي مايكون ماكنشي فيها فرامل قبل الكاوتش
3 نعومه لاتوصف في المطبات وهدوء في صوت العفشه
4 خفه في الباور
5 عالسرعات العاليه الكاوتش مالوش صوت زي ماكنت خايف لاني كنت ماكد عالراجل في حكاية الصوت
اخيرا عايز اعرف ايه رايكوا في الاسعار والتجربه واهم حاجه رايكوا في موضوع تاريخ انتاج الكاوتش الاسبوع 36 لسنه 2010
هل كده يعتبر قديم وممكن ياثر علي عمر الكاوتش
ولا كده يعتبر في رانج حديث الانتاج
معلش صدعتكوا بس كئني قاعد مع اخواتي بندردش

**ShekeeS** · 05-01-2012 10:18 PM

تقرير جميل , وفى تشويق للاحداث خاصة فى شراء الكاوتش بالجنوط بعد كدة رجعوا
مبروك عليك الكاوتش الجديد وكدة افضل ان شاءالله والفرق انت حاسس بيه كويس

**zeznia** · 05-01-2012 10:24 PM

المشاركة الأصلية كتبت بواسطة shekees

تقرير جميل , وفى تشويق للاحداث خاصة فى شراء الكاوتش بالجنوط بعد كدة رجعوا
مبروك عليك الكاوتش الجديد وكدة افضل ان شاءالله والفرق انت حاسس بيه كويس

شكرا لمرورك ياباشا والله يبارك فيك

**Dr'AhmZZong** · 05-01-2012 10:24 PM

ألف ألف ألف مبروك يا zeznia بيه ..
عموما الكاوتش متخفش لسة جديد .. لإن المفروض مايعديش عليه سنتين .. ولسة معداش عليه سنتين الحمد لله
مبروك عليك الصني الجديدة هههههههههه ..
تحياتي ليك يا باشا ..

صحيح أنا كان نفسي واللهِ اركب جنط .. بس مش عارف اجيب ايه وبكام ؟؟ .. لا افقه شيء فهم !! هههه

**Dr'AhmZZong** · 05-01-2012 10:37 PM

المشاركة الأصلية كتبت بواسطة zeznia

نسية اقلكم ان الكاوتش اسمه
جود يير اسنشيال 195-65-15 91h الماني

ده اعرض من اللي كان فيها صح ..

**goudamahdy** · 05-01-2012 11:02 PM

الف مبروك يا باشا ع الكاوتش.....

بس الجنوط الرياضية مش أحسن من اللي نازلة ف العربية .... اللي نازل في العربية بيكون انعم وحنين ع العفشة ,,, على عكس أي جنط رياضي بياخد الخبطة مباشرة ع العفشة والدليل علي نشفانه انه لو كل مطب جامد شوية بيقطم علطول ....

فبلاش الجنوط الرياضية إلا لو نازل في العربية زي السوبر صالون....

**Youssef.Awad** · 05-01-2012 11:04 PM

التقرير مميز كالعادة بس مش قنبلة .. لييييييه ياعم خالد ؟
عشان من غير صور كالعادة
http://www.nilemotors.net/Nile/264509-a.html

المشاركة الأصلية كتبت بواسطة zeznia

الكاوتش ستار ماكس توركي سرعات بنقشه شيك قوي ومقاسه195-55-15 والجنط اندونيسي مروحه جامد لونه فاميه ميتالك فاجر

.......................
هي العمليه مش ناقصه حسد
ممكن لو كانوا ركبوا كنت اتفقعت عين من اياهم تمام
وبعدين لو كانوا ركبو كانت العربيه هتهبط عالاقل 10 سم
والعمليه مش ناقصه حك في المطبات

بعد مراجعة موقع المقارنة بين الكاوتشات التالى:
Visual Tyre Size Calculator | Kouki Tech
الفارق بين المقاس الاستوك 185/65-15 واللى كنت ناوى تركبه 195/55-15 هاتكون فرق حوالى 4% نقص فى السرعة المقروءة ع العداد يعنى لو ماشى على 100 هاتبقى سرعتك 96 مش 100
وكمان ارتفاع جوانب الكاوتش هايقل 2 سم يعنى فوق وتحت حوالى 5 سم وده كتير فى الصنى وهاتحك يعنى هاتحك وتبدأ تاخد مطبات بالجنب والحاجات الوحشة دى بتاعة العربيات الكورى
والافضل فى المقاس بعد اللى موجود فى العربية يكون 195/60 وده هايعمل فرق 1% ناقص و195/65 اللى (انا مركبه) وهايعمل 2% زيادة فى سرعة العداد وهايرفعها حوالى واحد سم (نص فوق ونص تحت)
وبخصوص موضوع ضرب العين والحسد ده .. كفاية اللى انت فيه

المشاركة الأصلية كتبت بواسطة zeznia

فقلي انت احسن حاجه ليك الجود يير البولندي ب450 جنيه
وقلي انه زي الالماني ابو 550 جنيه
المهم قلتله اشوفه فقام بنفسه ببدلته وجرفتته الشيك وطلع الفرده من كوم كاوتش
فطلع في ايده فرده جود يير الماني اصلي
ودهالي علي انها البولندي
انا اول ما مسكت الفرده وعاينتها وقريت اللي عليها وحسيت ان الفرد حلوه قوي وفيها ليونه مش طبيعيه قلتله بس هو ده طلبي
بس دي مكتوب عليها الماني
قلي لا معلش البولندي هي دي
فعاينت البولندي حسيت انها زي الحجر وهتدوشني في العربيه
فقلتله لا انا عايز الالماني ماتزبط السعر قلي هامشيها 500
وعشان انا امي دعيالي خد بالي من تاريخ الانتاج 10\36
فقلتله دي فات علي انتاجها سنتين
يمين شمال خلاص 475 جنيه وتركب وتحط نيتروجين وترصص الاربعه علي حساب المخيل
قلتله استبينا
1900 جندي عدا ونقدا وعشره جنيه بقشيش الصنايعيه

كويس انك اخدت بالك من التاريخ والصناعة والفرق بين الاتنين والسعر كويس اوى دى فردة البريدجستون اليابانى دلوقت b250 وليس b391 زى اللى راكبه فى الزيرو عاملة 600ج والموجود انتاجه من سنة فاتت
وكده قريبة من اللى كنت مركبها من 3 شهور 195/65-15 كونتيننتال فرنساوى الفردة كانت عاملة 500ج وانتاج اخر 2010 برضه تقريبا الاسبوع ال48 يعنى وقت التركيب كان فات عليها 10 شهور منهم 3-6 شهور شحن واستيراد وما تنساش ايام الثورة البلد كانت واقفة
وبعدين انت استهلاكك كبير زيى يعنى كبيرك كمان سنة ونص وتجيب اخرهم فلو هى دلوقت 3610 يعنى 9-2010 وعمر اى كاوتش 3-4 سنين من عمر الانتاج فهاتغيرهم باذن الله قبل ما تتم العمر ده ما تقلقش وكويس انك جبتهم المانى مش بولندى لأنه سيىء جدا وحرام فيه الفلوس
الخوف بس من طرق التخزين السيئة من التجار لأنها بتقصف عمر اى كاوتش حتى لو دانلوب ولا كونتيننتال المانى

المشاركة الأصلية كتبت بواسطة zeznia

التجربه بعد التركيب
بصراحه حاجه غريبه
1 السحب اتغير خالص العربيه مش بتفرك عالفاضي
2 العربيه زي مايكون ماكنشي فيها فرامل قبل الكاوتش
3 نعومه لاتوصف في المطبات وهدوء في صوت العفشه
4 خفه في الباور
5 عالسرعات العاليه الكاوتش مالوش صوت زي ماكنت خايف لاني كنت ماكد عالراجل في حكاية الصوت

شوفت جالك كلامى ان مشكلة الفرامل عندك كانت كاوتش مش تيل وطنابير وده سبب فى تآكل التيل واحتياجك لعمل re facing للطنابير

المهم 1000 مبروووووووووووووك يا معلم
وتدوبهم على اسفلت الشرقية على خير

-

-

-

الموضوع: التقرير اللي كان مفروض انه هيبقي قنبله

LinkBack

أدوات الموضوع

عرض

التقرير اللي كان مفروض انه هيبقي قنبله - انشر الموضوع فى :

-

-

المواضيع المتشابهه

الصني اللي مفروض كانت تنزل مصر ... حسبي الله :((

اشتريت مازدا 3 ,اية اللي مفروض اخد بالي منة

هيبقي فية مشكلة ولاايــــــــــــــــة !!!!!

ايه اللي مفروض اعمله و انا بستلم العربية

هو ايه الورق اللي مفروض اخده من المعرض لما اخلص الاقساط؟

الكلمات الدلالية لهذا الموضوع

المفضلات

المفضلات

ضوابط المشاركة