هاااااااام جدا... نيسان ولا لانسر

**dr_mostafa** · 06-01-2012 02:47 AM

السلام عليكم
من فصلكم يا اخوانى ده اول مشاركه ليا فى المنتدى الرائع ده بس بدايه باشكر كل الاعضاء على المجهود الرائع والمعلومات القيمة اللى بيقدموها .
اننا محتار جدا بين النيسان صنى سوبر صالون 2009 وبين لانسر فوق 2007 يا ترى ايه رايكم ايهما الافضل من حيث كل حاجة الجوده والتصنيع واسعار قطع الغيار واعادة البيع واستهلاك البنزين و؟؟؟؟؟؟؟ معلش قدامى نيسان سوبر صالون 2009 كامله اتوماتيك عامله 66 الف كيلو حالتها كويسه ياترى تعمل كام؟

**م/محمد** · 06-01-2012 01:12 PM

بص انا شخصيا معرفش في الاسعاراوي بس اكيد في حد هيفيدك ان شاء الله
بالنسبه للعربيتين من وجهه نظري الشخصيه خد النيسان مش علشان احسن بس علشان هتشتري مستعمل هتبقي قطع غيارها احن و طبعا الكمال لله وحده مفيش عربيه هتلاقي فيها كل حاجه انت كاتبها فوق بس لو حددت اهم حاجه عندك نقدر نقارن ساعتها
ده غير ان مفيش فرق جوهري انت هتحس بيه - في فروق كتير طبعا - مع العلم ان السوبر صالون كماليات اكتر من اللانسر
وده طبعا بعد راحتك انت النفسيه ودي اهم عامل

**Dr'AhmZZong** · 06-01-2012 04:21 PM

لو عايز جودة و قطع غيار معمرة جدا مثال تيل الفرامل الأصلي بيتغير على 45000 كيلو .. و اعرف واحد من أسود قسم نيسان لسة ماغيروش وعامل 60000 كيلو وهو نفسه عامل موضوع عن استهلاك البنزين للصني اللي الناس كلها بتشتكي من الموضوع ده .. هو بقى نفى كل ده على مدار سنة ونص و 60000 كيلو .. شوف الموضوع و قول رأيك
http://www.nilemotors.net/Nile/265021-a.html

اعادة البيع بقى زي بعد بالظبط ..

**M.Nabeeh** · 06-01-2012 07:04 PM

متابع

**beckeryahia** · 08-01-2012 03:04 AM

النيسان , بس مش عشان انا معايا نيسان , النيسان عربية دكر والحمد للة من ساعة ما جبتها من سنة ونص ماغيرتش فيها اي قطع غيار خاااااااالص بلا مبالغة غير فلتر الزيت , وعمري ما فكيت مسمار من عجلة حتي وماشي بيها 20000