الف مبروك عروسة ربنا يحميهالك ربنا يعطيك خيرها و يكفيك شرها
رقم العضوية : 14187
تاريخ التسجيل : 05Jul2008
المشاركات : 465
النوع : انثى
الاقامة : https://t.me/pump_upp
السيارة: 86135344989
السيارة[2]: Ibiza,Jeep,Accord
دراجة بخارية: hawjuang7
الحالة :
السلام عليكم
الموضوع ده متاخر عن معاده اكتر من شهر وده لانى فعلا مكنشى معايا فلوس عشان اظبط العربيه عشان اقدر احكم عليها
القصه انا كنت قايلها فى موضوع تانى ومجملها انى اشتريت عربيه ابيزا من غير مكنه فيها فتيس من غير مجموعه الدبرياج والصاج من بره واخد سكينه معجون من غير ذمه بس مفيهاش خبطات خالص
حاله الدواخل ممتازه العربيه مرفوعه 4 سنوات عداد 158 الف مش اكيد قوى العربيه سى ال اكس تانى فئه فاضيه من غير باور او تكييف جنوط بس سبور 13 وعداد الكيلومتر انالوج مش ديجيتال
الحاله العامه ما شاء الله واقفه على حيلها ومش محتاجه مصاريف كتير من جوه ده بالنسبه للحاله اول ما جبتها .
بالنسبه للتسقيط
هى كان فيها مكنه 1.3 هاف انجيكشن او spi رشاش واحد وبصراحه انا معرفشى اداؤه فالمقارنه هتكون بعربيات ركبتها فى نفس سنه الصنع ,
المهم دورت على مكنه تكون عدله ومش محتاجه تغيير فى القواعد عجبتنى ال 1.4 الفول انجيكشن او mpi تقريبا 65 او 75 حصان مش متاكد بالظبط بس هى اعلى من اللى فيها مش اقل من 15 حصان
المكنه من غير فتيس بتركيبها بالكنترول بنص ضفيره من ناحيه الموتور ب3500 عند ملك الجولف فى الهرم و فى الحرفيين ممكن تقل عن كده بس المشوار علقه وفى ناس شكرت فى ملك الجولف
بالاضافه الى 300 جنيه مجموعه دبرياج دسك واسطوانه وبليه وكمان جبت حبه حاجات زى البوجيهات وبطاريه جديده وقلب طرمبه بنزين المهم الموضوع دخل فى 4300 وده لان كان فى حاجات فى العربيه ناقصه كان لازم اكملها الاول
وقت التسقيط كان تقريبا اسبوعين بس كان لظروف المفروض الموضوع ياخد اسبوع واحد
الانطباع الاول :
بصراحه انا ركبت جولف 1 مكنه 2000 وركبت بعديها جيب رانجلر مكنه تويوتا 2000 وركبت هوندا si 1600 مكنه فى تك وميجان 2006 1600 ستيبترونيك
المهم انه كنت عمرى ما ركبت عربيه بموتور صغير وبصراحه الابيزا كنت بحتقرها وكنت فاكرها عربيه لعبه وبتاعت بنات لما جيت اتفرج عليها وهى مركونه نظرتى اتغيرت خالص وخصوصا بعد ما شفت سمك الباب اللى قدام وحجمه ومتانه الصاج وتقريبا كانت زى الجولف اللى معايا من حيث اماكن الزراير وطريقه استخدام العربيه
بشكل عام نظرتى اتغيرت وبعد ما كنت هجيب بى ام شارك قلت افكر فى دى شويه واتوكلت على الله مع انى مكنتش مقتنع قوى
الانطباع التانى :
سيات ابيزا الموديل ده بالذات مخدشى من سيات غير العلامه لانه تقريبا كل حاجه معموله فيها تكنولوجى المانى يخليك تحس باحساس الجولف بالظبط واكتشفت حبه حاجات فيها بعد ما اخدتها من صاحبها خلتنى احبها جدا وده هيبان لما اتكلم عن تجربه القياده فى شارع زحمه
تجربه القياده قبل ظبط المكنه :
العربيه انا استلمتها وكنت المفروض اكون هادى عليها شويه لاننا منعرفشى المكنه اتركنت قد ايه المهم كنت بمشى بيها تاتا تاتا ومبحاولشى اقرص خالص عليها وبريحها فى الغيارات
وبعد اسبوع حاولت اقرص عليها بس للاسف لقيت العربيه بتكتم وكانى مش دايس بنزين اصلا حسيت منها ان المكنه مش مظبوطه مش عطل كبير يعنى المهم مشيت بيها على كده بس استنتجت الاتى
1- العربيه دى صغيره وممكن تدخل فى اى ركنه
2- فى حاله زياده خبره السواقه عن سنتين فموضوع ان العربيه تتخبط ده مستحيل لانها فعلا عربيه صغيره
3- تحكم ممتاز وخصوصا ان العربيه مفيهاش باور وممتعه فى الغرز لان الدركسيون بيوسطن تانى بسرعه كان فيه سوسته
4- العربيه مع الحموله المتوسطه ثابته وادائها جيد
5- مع زياده الحموله ووجود حمل فى الشنطه بحس ان العربيه بتموت وبتدعى عليا
6- العربيه عاليه نسبيا مقارنه بالسيفيك بس اى حموله فى الشنطه بتفقدك الميزه دى
7- الشكمان بايت فى جسم العربيه بشكل مثالى ومفيش خوف لو العربيه اتحكت فى مطب ولا حاجه الا لو من قدام لازم تبص مكان الخبطه
8- مساحه التخزينيه للعربيه عاليه جدا واكتر من العربيه اللى بشنطه وده فى حاله انك تتنى الكنبه وتشيل فبره السماعات اللى ورا تقدر تحط فيها تلاجه غير ان الشنطه لما بتفتح لفوق بتدى وسع رهيب وده عن تجربه
تجربه القياده بعد ظبط المكنه :
بعد ما فضلنا محتارين مين اللى بايظ يا ترى طرمبه البنزين ولا فلاتر ولا ايه احمد صاحب الورشه ظبطلى المكنه وقاللى اطلع جرب وكانه داس على زرار يلا اشتغلى :) العربيه اتظبطت ولان عداد الكيلومتر والاربى ام فيهم مشاكل فانا هتكلم تقريبيا
1- الطلعه فرقت والاولانى فكرنى بفتيس الجولف طلعه ممتازه مع عمر طويل للغيار
2- التانى والتالت بينقلك العربيه لسرعه محترمه مع عمر طويل بس التالت يزيد شويه
3- الغيارات سلسه والعربيه لما بشبعها وبديها الغيار اللى بعده بتكمل جرى طبيعى من غير كتمه
4- العربيه فى الغيارات من اول التالت فيما فوق على عدد لفات موتور اقل مش بتدى عزم كويس بس لما العربيه صوتها بيعلى بتفتح بدون مبالغه وببقى مش عارف المها
5- طلعلى كلب بيعدى الشارع اتفاجئت بيه لانى كنت طالع من ورا تاكسى حاولت اتفاداه اضطريت اضرب فرامل وكسرت شمال فجأه الحمد لله كان الطريق فاضى وبسرعه لميت نفسى وكانت ملاحظاتى كالاتى :
أ- العربيه لما دوست فرامل وحاولت اكسر العجل جابت معايا وكنت تقريبا فى نص الغيار التالت
ب- لما العربيه كسرت شمال وصلت لحد نص الحاره اللى جنبى وده شئ هايل لانها لو كانت زودت شويه كنت طلعت على الرصيف
ج- لما سبت الدريكسيون العربيه عدلت نفسها ومشيت طبيعى فوق خط الحارات بالظبط
د- الاربع عجلات فضلوا لمسين الارض ومحصلشى زحلقه خالص
6- التجميع على غيار عالى محتاج صبر بس بعد 3 ار بى ام اظن العربيه بتبقى عايزه تطير
7- العربيه بقت تفرك بسهوله بعد ما كنت متعقد منها ههههههههههههههه
8- احسن وقت تجرى فيه لما عداد الحراره يكون فى النص بالظبط بتلاقى العربيه سلسه ومطاوعاك
مقارنه بينها وبين السيفيك ال1600 الاوتوماتيك :
1- السحب فى السرعات البطيئه قريب جدا مع ملاحظه وزن العربيه بتحس ان السيفيك تقيله شويه
2- بعد التالت السيفيك بتروح بعيد بس منقدرشى نقول ان الابيزا بطيئه
3- حجم العربيه بيطمنك فى الغرز جدا والعربيه بتلم نفسها بسرعه
4- العربيتين مكلبشين فى الارض بس السيفيك هايله فى الملفات زى ما الابيزا هايله فى الغرز
استهلاك البنزين لا يقارن بالعربيتين وده لفرق الموتور ونوع الغيار
- يارب يكون افدت فى الموضوع ده واسف على الاطاله
-دى صور للعربيه قبل وبعد الدوكو وهنزل ان شاء الله صور تانيه من زوايا مختلفه
https://t.me/pump_upp
رقم العضوية : 99666
تاريخ التسجيل : 19May2011
المشاركات : 297
النوع : ذكر
الاقامة : Egypt
السيارة: Vectra A
السيارة[2]: ibeza
دراجة بخارية: لا
الحالة :
الف مبروك عروسة ربنا يحميهالك ربنا يعطيك خيرها و يكفيك شرها
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
الف مبروك عليك تظبيط العربية و التسقيط و صدقني العربيات دي رائعه بمعني الكلمة و المحرك اللي انت سقطته ده لو 16 فالف (2 كامه) هيكون 75 حصان و ده يخلي العربية دي ممتازة ولو 8 فالف هيبقي 60 حصان
ربنا يباركلك فيها و بالتوفيق دائما
م / إيهاب منصور
SEAT CORDOBA 2002 1.0 16V AVZ
رقم العضوية : 14187
تاريخ التسجيل : 05Jul2008
المشاركات : 465
النوع : انثى
الاقامة : https://t.me/pump_upp
السيارة: 86135344989
السيارة[2]: Ibiza,Jeep,Accord
دراجة بخارية: hawjuang7
الحالة :
ربنا يكرمك يا رب وشكرا للرد
ربنا يبارك فيك يا بشمهندس ايهاب وبالنسبه للموتوراظن انه 8 صباب مش 16 بس بصراحه بعد تجربه تانيه ليها ما شاء الله السحب بيتغير كليا كل ما الاربى ام يعلى وفعلا بتنقلنى لسرعه مختلفه بس لما العربيه بتكون بارده عند اول شرطه حراره واكبس مره واحده الاقى مفيش رد فعل ولما بتسخن تمام عن الشرطه اللى فى النص الموضوع بيتحسن بنسبه 80% والاقى العربيه عايزه تسحب بس بتبرجل سنه واول ما الار بى ام يعلى الاقيها فتحت ممكن يكون لسه فى سنه كهربا ؟ ده فى حاله انى اكبس قوى كأنى بدوس كيك دون كده انما لما بسايسها بتدينى اللى انا عايزه بصراحه
https://t.me/pump_upp
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
ده طبيعي لأني من خلال استخدامي لمحركات فولكس بتحسها تتكتم لما تضغط علي الدواسة بقوة زيادة ولكن لما تسايسها تلاقيها أفضل كتييييييير و تديك اللي انت عايزه
حابب العربية تسحب معاك صح غير الغيارات علي 3 الي 4 ار بي ام هتلاقيها وحش و لكن متكونش دي طبيعتك في السواقة عشان تحافظ علي المحرك لكن لما تحتاج كده اديها ومش هتقول لأ
اهم شيء تهتم بالسيرفيس المنتظم (فلاتر و بوجيهات محترمة أصلية ) و تأكد من ان الأسبراتير عندك مضبوط صح و تأكد من نوع الزيت اللي بتستخدمه ولو ينفع يتحطلها زيت تخليقي (ال 10000 كم)حطه لأنه هيفرق معاك كتييييييييير جدا في السحب و النعومه و الاستهلاك و دائما حطلها بنزين 92 و نظف بوابة الانجيكشن دوريا كل ست شهور مثلا او سنة و بس و عيش حياتك و صدقني مش هتفكر تروح لميكانيكي ولا عمرها تقف منك ان شاء الله في اي مكان
وربنا يستر طريقنا جميعا يارب
م / إيهاب منصور
SEAT CORDOBA 2002 1.0 16V AVZ
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
الف مبروك يا احمد
انا فعلا لسة شايف عربيتك من حوالي اسبوع او 10 ايام عند احمد حامد ملك الجولف وكانت لسة بالمعجون
انا كمان سقطت مكنة 1400 8 صباب بتاعة بولو
وفعلا كل ملاحظاتك صح علي العربية واضح انك كنت قاعدلها بالمرصاد
فعلا العربية اداءها بيختلف لما تسخن صح
فعلا التاني مشواره طوييييييييييييييييييل اوي الله اكبر و كمان التالت وعلي عكس المواتير الألماني الي بتكون اقوي عزم علي الغيار التالت فقط
ولو انت علي الخامس وهديت لأي سبب من الأسباب دقنك هتطول علي ما تجمع تاني لازم تنزل علي الرابع او التالت
الثبات الله اكبر عليه بس خانتني في ملف كدة لا مكان لذكره هنا
انا ساكن جمب احمد حامد وبعدي عليه في الرايحة والجاية يا ريت تكلمني ونتقابل وكمان في العضو gasser جارنا في ترسة كنت لسة معاه امبارح عند عصام ملك الفولكس كله مش الجولف بس
ربنا يباركلك فيها ويديلك خيرها ويكفيك شرها
الله اكبر عليها واقفة فعلا علي حيلها بس انا ليا شوية ملاحظات
اللون فاتح شوية عن اللون الأولاني تحس كأنه اللون بتاع الأوبل فيكترا 94 وليس الأحمر بتاع الأبيزا
ثانيا الشبكة كانت عايزة تكون بنفس اللون وليس اسود او كان ممكن تعمل الداير من برة احمر والقلب بتاعها اسود
بس عموما شكلها حلو ماشاء الله
الف مبروك
والله المستعان
،
،
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 14187
تاريخ التسجيل : 05Jul2008
المشاركات : 465
النوع : انثى
الاقامة : https://t.me/pump_upp
السيارة: 86135344989
السيارة[2]: Ibiza,Jeep,Accord
دراجة بخارية: hawjuang7
الحالة :
استاذ ايهاب كلامك مظبوط 100% وموضوع السيرفيس هو اللى جديد عليا لان العربيات اللى قبل كده كنت بغير الحاجه لما تبوظ لكن الوضع اختلف دلوقتى طبعا شكرا لتشجيعك يا بشمهندس
استاذ سيد انت غنى عن التعريف انت والمهندس ايهاب والمشاركات تحكم
استاذ سيد بالنسبه لموضوع اللون انا اضطريت افتحه شويه لان اللون الاصلى مخلوط فانا حبيت اجيب لون جاهز وتانى حاجه اللون ده بيفكرنى بالجولف الحبيبه الاولى
بالنسبه للشبكه هى اصلا مكسوره ومفيهاش الشبكتين اللى قدام وكنت هرميها واشترى غيرها بس الراجل راشها اسود وقاللى امشى بيها مش هتخسر حاجه وخلاها سوده عشان الجنبين اللى تحت الكشافات مكسورين يعنى هو موضوع نصيب وانا ناوى اجيب شبكه ان شاء الله
ياريت تقولنا على الموقف اللى خانتك فيه عشان نخلى بالنا برضه
موضوع ان احنا نتقابل حدد الزمان والمكان ممكن نتقابل عند احمد حمدى لو تحب
https://t.me/pump_upp
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
بالنسبة للشبكة الأمامية انت يا اما تعملها فيبر او تقفل الهوايتين بسلك شبك بقلاوة من عند اي حد بتاع حدايد وبويات او تغيرها خالص من عند ايمن وكمان عنده الفوج لايت بتوعها
والله هي خانتني في ملف بس بأمانة ملف عاصي اوي كنت خدته علي 80 والعربية عومت مني ولبست بيها في سور الكوبري
انشاء الله لما نيجي نتقابل بأذن الله هنعمل موضوع منفرد بيها وانشاء الله نتقابل في مكان في الهرم بعيد عن احمد حامد
ربنا يباركلك فيها
والله المستعان
،
،
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 78189
تاريخ التسجيل : 21Aug2010
المشاركات : 2,570
النوع : ذكر
الاقامة : 6 october
السيارة: Nissan Sunny 2013
السيارة[2]: Lanos 2008
دراجة بخارية: no
الحالة :
ربنا يحميهالك
رقم العضوية : 14187
تاريخ التسجيل : 05Jul2008
المشاركات : 465
النوع : انثى
الاقامة : https://t.me/pump_upp
السيارة: 86135344989
السيارة[2]: Ibiza,Jeep,Accord
دراجة بخارية: hawjuang7
الحالة :
المفضلات