الطريقة السليمة لحماية سيارتك من أمطار الشتاء العنيفة ؟

**Xlance2010** · 08-01-2012 08:52 PM

غالبا مانعانى من امطار الشتاء وما تتركه من أثار خصوصا بعد الثورة وانهيار منظومة النظافة فى مصر - على اساس ان كان فيه منظومة نظافة فى شوارع مصر أصلا - ففى الاسكندرية وبعد اى شوية مطر بتلاقى الشوارع بتغرف والطين بيبقى للركب وده فى ارقى شوارع اسكندرية كنتيجة طبيعية ، لذلك خطر هذا السؤال على خاطرى ..

:w_022:

ماهى الطريقة السليمة لحماية سيارتى من امطار الشتاء العنيفة ؟

هل نغسل ونشحم زى اى عربية من العربيات القديمة ؟
هل نزور التوكيل للقيام بالغسيل والتشحيم هناك ؟
هل يؤثر غسيل البودى الخارجى على عمر السيارة وخاصة الهيكل الخارجى ؟

فى انتظار اجابات الاخوة الافاضل وتعليقاتهم وتجاربهم الشخصية خاصة الاخوة الاسكندارنية

ولكم ارق تحية

المدون طارق الجيزاوى

**amr.elsayed** · 09-01-2012 01:31 AM

احسن حاجة طبقة بوليش وشمع وبكدة تحمى الدهان وبالنسبة للغسيل الخارجى عادى زى ما تحب
ولما فصل الشتا يخلص ابقى اغسلها من تحت فى اى بنزينة

**Xlance2010** · 09-01-2012 05:58 PM

المشاركة الأصلية كتبت بواسطة ringoo

احسن حاجة طبقة بوليش وشمع وبكدة تحمى الدهان وبالنسبة للغسيل الخارجى عادى زى ما تحب
ولما فصل الشتا يخلص ابقى اغسلها من تحت فى اى بنزينة

اشكرك للنصحية وجزاكم الله خيرا

**A.Saad** · 10-01-2012 10:18 AM

الغسيل لازم تنشف العربية بعده كويس
منعاً للبارومة
الغسيل فى اى بنزينة نضيفة مش التوكيل

**amr.elsayed** · 11-01-2012 01:10 AM

المشاركة الأصلية كتبت بواسطة Xlance2010

كنت سمعت ان التشحيم فى اى محطة بنزين ممكن يسيح شحم الفابريقة من اللوجان . ياترى الكلام ده صحيح ؟

ايه شحم الفبريقة دة .... دة غير الشحم العادى ؟؟؟
ولو انت مش عايز حاجة تسييح قول للراجل اللى بيغسل يغسل بمياه بس من غير جاز
لكن مش حتنضف كويس .. هو المفروض بيغسل بمياه وبعد كدة مياه وجاز وبعد كدة بمياه
وبعدين يرش زيت = تشحيم ... وكل دى حاجات عادية العربيات كلها بتعملها مافيش منها قلق
وربنا يباركلك فى لوجى يا اكس لانس

بحس ان انا مليونير وانا بتكلم معاك

**Super_Star_h** · 11-01-2012 02:34 PM

انا عن نفسى مبقتش بغسل العربيه خلاص فى الجو ده
لما الجو يتعدل كل فتره ابقى اغسلهاا احسن
لكن كده الغسيل مالوش لزوم لا فوق ولا تحت

**Xlance2010** · 11-01-2012 02:43 PM

المشاركة الأصلية كتبت بواسطة ringoo

ايه شحم الفبريقة دة .... دة غير الشحم العادى ؟؟؟
ولو انت مش عايز حاجة تسييح قول للراجل اللى بيغسل يغسل بمياه بس من غير جاز
لكن مش حتنضف كويس .. هو المفروض بيغسل بمياه وبعد كدة مياه وجاز وبعد كدة بمياه
وبعدين يرش زيت = تشحيم ... وكل دى حاجات عادية العربيات كلها بتعملها مافيش منها قلق
وربنا يباركلك فى لوجى يا اكس لانس

بحس ان انا مليونير وانا بتكلم معاك

شكرا جزيلا للاضافة وحضرتك ادرى الناس بالجو فى اسكندرية والمطر

والطين فى الارض عامل ازاى علشان كده الواحد خايف يشحم او يغسل العربية تحصل مشاكل زى اللى بيشكى منها الزملاء فى المنتدى من اصوات فى العفشة ومشاكل اثناء السير ، وبعدين حضرتك اللى مليونير ياباشا

**Xlance2010** · 11-01-2012 03:11 PM

المشاركة الأصلية كتبت بواسطة Super_Star_h

انا عن نفسى مبقتش بغسل العربيه خلاص فى الجو ده لما الجو يتعدل كل فتره ابقى اغسلهاا احسن لكن كده الغسيل مالوش لزوم لا فوق ولا تحت

والله وانا من رأيك

باحاول انى اقلل غسيل العربية قدر الامكان خوفا من المياه ، كفاية المطر

**dr_mohamed16** · 12-01-2012 02:57 PM

ايه علاقة الثورة باللى بيحصل فى الاسكندرية !!!!!!
هى الثورة هى اللى كانت عامله البنية التحتية اللى المخلوع سايبهلنا !!!!!!
واللى كانت بتنهب فلوسنا اللى مفروض كان يتعمل بيها صرف و اسفلت و شوارع و رصفان !!!!!

-

الموضوع: الطريقة السليمة لحماية سيارتك من أمطار الشتاء العنيفة ؟

LinkBack

أدوات الموضوع

عرض

الطريقة السليمة لحماية سيارتك من أمطار الشتاء العنيفة ؟ - انشر الموضوع فى :

-

-

-

-

-

-

المواضيع المتشابهه

الطريقة السليمة و الصحيحة للتعامل مع البطارية السائلة

الطريقة السليمة للتظاهر

الكلمات الدلالية لهذا الموضوع

المفضلات

المفضلات

ضوابط المشاركة