الموضوع: حدث مع والدتي البارحة

بسم الله الرحمن الرحيم

السلام عليكم ورحمة الله وبركاته


يؤسفني وانا اكتب هذه الكلمات وانا في بالغ الحزن والأسف ان تكون كل قوتي هي الصمت البائس !!

كما يعرفني البعض من اخواني هنا في المنتدى انني شخصية فكاهية وسلبية لدرجة كبيرة من الناس اللي بتمشي جوة الحيط !! ليس خوفا من شئ ولكن تفاديا لوجع القلب !!
ولكن حدث التالي هي والقشة التي قصمت ظهر البعير ..

اسكن انا واخي ووالدتي في مدينة الرحاب ..

كانت والدتي متجهة الى منزلها في يوم 8\1 الموافق الأحد في تمام الساعة 1 بسيارتها الخاصة !!

وفي لجنة متواجدة دوما هناك على الطريق معروفه لرواد هذا الطريق امام المدرسة البريطانية !!

وكل يوم ببساطة والدتي بتمر من هذا الكمين في نفس التوقيت ومن غير اي توقيف لها !! ولكن فوجئت اول البارحة بملازم اول يستوقفها يوطلب الرخص !!
هو: فيه فاميه على الزجاج
هي: مثبت عند حضرتك في الرخصة !!
--------------------------------------------
وانتهى الحوار !!
حتى يوم البارحة

هي: تقترب من الكمين وتهدئ من سرعتها !!
هو : رخصك واركنيلي على جنب !!
فسألت والدتي عن سبب موافقتها عن ركنها على الجنب فقالت : انا كنت شاكة اني بجري على الدائري واتلقطت رادار فقولت انزل استفهم بدال ما اعطل الناس اللي ورايا
هو : بطاقة حضرتك ومشيرا للأمناء والعساكر بتفتيش السيارة !!

طبعا في حالة من الذهول منها وهي راكبة العربية والعساكر بيفتحوا العربية يفتشوا العربية !! نزلت مفجوعة من السيارة ولمن لا يعرف فأمي مبقالهاش في مصر اكثر من 5 شهور على بعض !!
فنزلت للضابط
هي : هوة فيه حاجة يا حاضرة الزابط ؟
هو : انا مش قولتلك تجيبي بطاقتك !!
فصممت واعطته البطاقة الشخصية
هو : ممسكا بالاسلكي وواضعا الرشاش على شنطة السيارة
" الو عمليات , استعلملي عن صاحبة البطاقة رقم xxxxxxxxxxx مخدرات وآداب"
وفي هذه اللحظة انفجرت امي في وجهه تاركة كل الأعراف والقوانين التي يمكن تحول بين سيدة ورجل "ان كان يجوز ان نسميه رجلا من اساسه"
هي : مخدرات وهي يا روح ....
عيب يبني اللي انتا بتقوله ده انا ابني اكبر منك !! انتا عشان علقت دبورة منهم ها تيجي على ست زيي فيه ايه طيب استنى يبقوا اتنين واعرف اقف على ايديك حتى !!
هو : انتي لو مسكتيش انا ها اركبك البوكس واعلمك مصيبة في القسم !!
هي : لالا متجيش على نفسك قوي كده !! هي واضح اني غلطت لما نزلت وعملت لعيل بـ... زيك قيمة من الأول !!
وشيل مسدس المية بتاعك ده من على شنطة عربيتك بدال ما اعملك تهمة ترويع مواطن !!
هو : شال رشاشه على كتفه واخد البطاقة والرخصة متجها للجنة !!
في خضم كل ده العساكر اللي في اللجنة وكل زملائه مش قادرين يمسكوا نفسهم من الضحك على اللي اتعمل فيه !!
نزل واحد من سيارته من آخر الكمين !!
وصرخ في والدتي !! : روحوا يا عالم يا زبالة منكوا لله انتوا اللي بتتطاولوا على اسيادكم يا كـ.. انتوا اللي ضيعتم البلد انتم انتم
وللأمانة المطلقة اشار الضباط للراكب المغفل بركوب سيارته صارخين فيه بأنهم لم يأذنوا له بالنزول من سيارته !!
فرب سيارته وجلست امي في سيارتها منتظرة ايصال بسحب الرخص بالرغم من تأكيد كل الأمناء على ان السيارة لم تكن تحتوي على اي مواد خارجة على القانون سوى البتنجان الأبيض !!
فأتى نقيب من مباحث القسم وحاول الإعتذار لوالدتي وقدم لها الرخص واعتذر لها بشدة عن انه الضابط التاني لسة صغير وعديم الخبرة وانه مزاجه مش كويس النهاردة !! واشار لها بأنها ممكن تتحرك !! فنادى الملازم مرة اخرى
هو : انا قولتلك تمشي ؟
هي : بس يا حبيبي بس يا بابا !!
هو : العربية دي مش ها تمشي الا لما تتفتش !!
ضابط المباحث : بس العربية اتفتشت والأمناء اكدوا انه مفيش فيها حاجة !!
هو : انا بنفسي اللي ها افتشها !!
هي : ولا تزعل نفسك يا حبيبي اهو فتشها تاني انتا تقريبا معلموكش حاجة في الكلية غير تفتيش العربيات !! والله لو احمد ابني كان هنا كان قالك ابن امك فتش العربية "اصل احمد اخويا قصة تانية تماما "
انتهى من تفتيش السيارة وكل حاجة !!
ركبت امي سيارتها متجهة للنيابة فورا رافضة التنازل عن حقها !! واتصلت بمحامي الأسرة لملاقاتها هناك !1

وبالفعل المحامي قابلها هناك واكد انه عشان تكون فيه شكوى لازم تكون فيه حاجة حصلت ولكن ما حصل كله يعتبر في نظر القانون المصري اختلاف في وجهات النظر !!
وقال بالحرف الواحد " قولي انه سحبك من العربية بقوة"
ولكنها رفضت !! وحتى وعند الدخول لوكيل النيابة وهو بالمناسبة لا يعرفنا ولا اي حاجة اصر على اخذ اسم الضابط وبدء اشارة احضار له لمقر النيابة للتحقيق معه فيما حدث ولكن المحامي اكد لوالدتي انه الموضوع لن يزيد عن لفت نظر !! ومفيش اي حاجة ها تحصله بالمرة !!
للأمانة الكاملة !! انا ابن عمي كان على بعد 75 متر من الواقعة وهو في معسكر مبارك للأمن وقائد قوة الأمن المركزي ورفضنا اي تدخل من سلطة اعلى ولا واسطة ولا محسوبية والموضوع يمشي قانوني بالكامل ولكن للأسف اكتشفت انه من الألف الى الياء لو مشيت قانوني مش ها اعرف اخد حقي !! وعيل زي ده عرف يعلي صوته على والدتي ويفرج الناس عليها !! فللأسف اطريت نلجأ لطريقة اخرى وهي ان والدتي اتجهت في صباح اليوم الى سفارة "بدون ذكر اسماء" لتقديم شكوى ما دام ان مصريتها لم تكن كافية بأن تأتي لها بحقها !! مشكلتي بأكملها ليست في ما حدث لوالدتي فأنا اعلم علم اليقين ان والدتي قد اخذت حقها منه بالكامل !! ولكن المشكلة ان ما حدث هذا كان يمكن ان يحدث لأم اي واحد منا او لأخته او لزوجته !! واعلم علم اليقين ان تمالك الأعصاب في موقف كهذا يستحيل ان ترى اقرب الناس اليك في موقف كهذا مع شخص مريض بالسلطة كهذا !!
ولكن وكما قلت الحق في حق الضابط الغير الملتزم وجب ان اشكر ضابط المباحث اللذي اصلا منذ اول لحظة على مشي العربية وعدم اجراء اي شئ بشئنها خصوصا وانه يرى انه لا داعي لأي نوع من انواع الشبهات !!
الى هنا ونقطة وتنتهي الحدث !!