سؤال الى مالكى سانديرو 2011

**foxtronics** · 09-01-2012 01:48 PM

السلام عليكم جميعا
من فضلكم انا معايا سانديرو 2011 وكنت عايز اعرف هل انا الحاله الوحيده كدا ولا فيه حاجه غلط
لما استلمت الرخصه لقيت مكتوب فيها اسم العربيه لوجان ف طبعا عشان يوم المرور بيبقى اغلس يوم فى السنه ف قررت انى مسألش او ارجع بالرخصه حتى قرب نهايه مدتها والتجديد وطبعا انا خلاص قربت اجدد على شهر 2 كدا نظرا لانى بقسط ومينفعش اجدد اكتر من سنه فى المرة ف قولت اسأل ملاك سانديرو هل اطلب اغير اسمها فى الرخصه ولا هيا كدا مظبوطه وشكرا ليكم جميعا

**ahmedeg1** · 09-01-2012 04:09 PM

أطلب ورق الإفراج الجمركى و شوف اسمها ايه و أعتقد هتلاقى مكتوب لوجان سانديرو

**foxtronics** · 09-01-2012 04:54 PM

متشكر جدا

**mostmoh** · 22-01-2012 05:34 AM

البنك رفض الرخصة لأن مكتوب فيها لوجان ، وطلبو منى أجيب الرخصة ومكتوب فيها سانديرو أو أعمل شهادة بيانات ، ورجعت المرور ودوخونى يومين، وكتبوها على الرخصة بخط اليد سانديرو بجانب كلمة لوجان.

**wassim_nasser** · 22-01-2012 08:44 AM

كانت عندي المشكله دي لما رخصت اللوجان وكنت جايبها 2011 واكتشفت انهم كاتبينها ف الرخصه 2010 .. رحت واخد ورق العربية كله ورحت المرور للي بيراجع الملف راح واخده للظابط وكتبولي ورقه نرجو تصحيح الخطأ و رحت بيها لموظف الكومبيوتر طلعلي رخصه جديدة وأخد القديمة

**legallypink** · 25-01-2012 02:26 AM

انا عضوة جديدة يا جماعة...و بجد السنديرو عاجبانى جدا...بس الناس و الميكانيكية بالذات بيخوفونى منها و بيقولوا انها مابتتصلحش غير فى التوكيل و ما فيش ميكانيكى بيفهم فيها..الكلام دة صح؟و سعر اعادة البيع بيقولوا بيبقى وحش جدا!!!!!please helpppppp

**foxtronics** · 25-01-2012 04:27 AM

متشكر جدا ليكم يا جماعه على الاهتمام دا وبالنسبه للأخت اللى خايفه من العربيه عشان كلام الناس ودا طبعا حقها انا بقولك ان السانديرو هيا هيا اللوجان مع الاختلاف فى الشكل الخارجى وطبعا معروف مدى انتشار اللوجان وكمان معروف انها مفيهاش شغل معقد وان فيه ميكانيكه كتيييييير جدا بقوا شغالين فيها
بس طبعا فكرى كويس جدا قبل الشراء

**ahmedeg1** · 25-01-2012 07:00 PM

المشاركة الأصلية كتبت بواسطة ahmedmohamed7

اول مرة رخصت كان مكتوب فى الرخصة لوجان سانديرو....بعد كده الرخصى ضاعت و عملت بدل فاقد لقيتهم كاتبين رينو سانديرو من غير لوجان :)

يا فندم بتوع الفته كتير جدا بلاش تسمعى كلامهم انا بعمل صيانه لعربيتى بنفسى
ممكن تشوفى الموضوع ده و تقريه يمكن يفيدك فى القرار
http://www.nilemotors.net/Nile/249863-a.html

**legallypink** · 04-02-2012 05:54 AM

متشكرة جدا على الرد...انا اصلا ميالة جدا للعربية دى..وان شاء اللة هتوكل على اللة و اشنريها

-

الموضوع: سؤال الى مالكى سانديرو 2011

LinkBack

أدوات الموضوع

عرض

-

-

-

المواضيع المتشابهه

محتاج آرائكم - سانديرو 2011 فول اوبشن مانول بالإنذار تركيب التوكيل

سانديرو 2011 فول اوبشن مانول بالإنذار تركيب التوكيل

نصيحه من مالكى كارينز 2011

اسكندرية-مطلوب لوجان او سانديرو مستعملة 2010 او 2011

الحمد لله حجزت الجميله سانديرو 2011

الكلمات الدلالية لهذا الموضوع

المفضلات

المفضلات

ضوابط المشاركة