تحزير ..اسلوب جديد لقطاع الطرق في وصله بورسعيد!!

**فادى محمد** · 10-01-2012 06:50 AM

السلام عليكم ورحمه الله وبركاته..
امبارح كنت راجع من القاهره لدمياط بالليل عن طريق الاسماعيليه الصحراوي وعند وصله بورسعيد لقيت عربيه سوزوكي تمن مقلوبه علي جنبها اليمين وعليها اشوله مرميه في الارض والعربيه مشغله الانتظار يعني الحادث لسه حاصل حالا..طبعا ده كان كمين!!!!!!

-زرار الانتظار في السوزوكي زي مسوجر الباب علشان يشتغل محتاج جهد ومكانه علي قطمه الدركسيون مش منطقي انه اشتغل لوحده او السواق ايده جت فيه شغلته انما المقصود لفت نظر المسافرين
-العربيه حمولتها كانت متوزعه علي الارض بطريقه غير منطقيه المفروض معظمها يقع علي ناحيه الانقلاب مش ورا العربيه
-مفيش علي الاسفلت اي اثار فرامل او ازاز مكسور
-مكان انقلاب العربيه اساسا برده مش منطقي علي طرف الاسفلت الطبيعي انها تنزل علي الاقل 5 متر في الملاحات ده لو كان جاي بسرعه حتي 60 كم .
-كان في تريللا قدامي وطبعا الراجل شايف المنظر من الدور الرابع عنده وهدي السرعه لكن ماوقفش فيبدو انه شاف حد مستخبي او حاجه
-الفايده ان ماحدش يقف في الحالات دي الا لو كان في ناس كتير واقفه وربنا يكفينا جميعا شر المصائب

**احمد المصرى** · 10-01-2012 08:40 AM

والله الواحد من كتر ال بيسمعه وبيشوفه وبيقول مش هقف لحد فى الطريق مهما كان بس المشكله ان ممكن يكون فى واحد فعلا محتاج مساعده ومش هيلاقى اى حد يساعده اطلاقا مهما حصل علشان كله خايف

معادله صعبه جدااااااااااا بس ملهاش حل فى الزمن دا

**Elawany13** · 10-01-2012 12:00 PM

الله اعلم ممكن تكون حادثه حقيقية وممكن تكون مخاوفك فى محلها

**saadelden** · 10-01-2012 05:59 PM

اعتقد التصرف السليم دلوقتي تبلغ البوليس يبعتو دوريه لو لقيت حاجه زي كدا
و قولهم طبعا انك شاكك فيهم و مارضيتش تقف

**Hyper3G** · 10-01-2012 07:58 PM

اشكرك على التحذير

**mrghost** · 10-01-2012 09:12 PM

المشاركة الأصلية كتبت بواسطة saadelden

اعتقد التصرف السليم دلوقتي تبلغ البوليس يبعتو دوريه لو لقيت حاجه زي كدا
و قولهم طبعا انك شاكك فيهم و مارضيتش تقف

+1111111111111111111

**moh19227** · 11-01-2012 02:07 AM

فعلا الموضوع بقي صعب اليومين دول الواحد يخاف يقف ينفضوه ومش بعيد يخلصوا عليه
تحذير حضرتك ف محله ومن رايي لو في ناس بردو متنزلش مهو ممكن يكونوا هما قطاع الطريق :)

**mahmoud_anwar** · 11-01-2012 02:21 AM

انا قررت امش في طريقي ومقفش لي حد ابدآآآآ والي هيقف في وشي هحطة علي كبوت عربيه وههدس امه حتي لو بيعدي السكه ومش قصده لي سبب دلوقتي كماينن الشرطة بتقفل من بعدالساعه 10 بليل مابتشفش لاظبطولا حاجة ولغايه دولوقتي مسمعتش انهم وقعه عصابة كذا قبضو علي كذا

-

الموضوع: تحزير ..اسلوب جديد لقطاع الطرق في وصله بورسعيد!!

LinkBack

أدوات الموضوع

عرض

تحزير ..اسلوب جديد لقطاع الطرق في وصله بورسعيد!! - انشر الموضوع فى :

-

-

-

-

المواضيع المتشابهه

اسلوب جديد بس متخلف

مكتسبات ثورة ولا اسلوب جديد للشحاتة !!

جيل جديد من أجهزة الرادار علي الطرق المصرية

عدو جديد علي الطرق أسمه الرادار

الكلمات الدلالية لهذا الموضوع

المفضلات

المفضلات

ضوابط المشاركة