هل تعتقد مثلى ان من الممكن الان انتاج سياره تعمل بوقود ارخص بخلاف البترول بشكل عام

**hossam_elwani** · 17-01-2012 11:59 PM

بمناسبه ازمة البنزين والسولار هل تعتقد مثلى ان من الممكن الان انتاج سياره تعمل بوقود ارخص بخلاف البترول بشكل عام لجميع المركبات وخاصاً لسيارات الركوب ولكن اباطرة البترول فى العالم مسيطرين على مراكز اتخاذ القرار فى اوروبا وامريكا لانتاج مثل هذه السيارات بشكل كبير عملى ليظل معدل الربح الرهيب فى تصاعد مستمر فى ارصدتهم الماليه ....... صعب اصدق ان كل الابحاث والتجارب والنتائج الى بنسمع عنها من تسيير بلماء وخلافه م ابتكارات وصعب تنفيذها على ارض والواقع الا اذا كان حائط الصد هم اصحاب الكروش الكبيره فى العالم...................

**AkramArafa** · 18-01-2012 12:31 AM

طيب اول حاجه خلينا متفقين ان امريكا عاوزه تخلص البترول اللي عند العرب (انا مش عمر مصطفي ) لكن ديه الحقيقه
عشان كده معظم العربيات الامريكاني بتكون ذات سعه لتريه كبيره و الطاقه اللي خارجه منها بتكون مش كبيره اوي و بتستهلك بنزين كتير
لكن في الواقع في بدائل كثيره جدا و كفائتها عاليه زي الكحول و الهيدروجين و حاجات ثانيه كتير

**besso** · 18-01-2012 04:14 AM

متفق معاك بنسبه 100% وده فعلا اللى بيحصل وحصل قبل كده فى امريكا ذات نفسها
كان فيه فيلم وثائقى على قناه الجزيره اسمه من" قضى على السياره الكهربائيه"
الكلام ده كان فى امريكا وكان فى الالفينات او التسعينات على ما اعتقد

بس انا بقى مش عارف هنعمل ايه فعلا لما ينتهى البترول من العالم
انا اتوقع انو هتحصل كوارث

**littlepharohe** · 18-01-2012 06:11 PM

الحقيقه انك جيت على الجرح انا احمد اخوك من المهوسين بال EV من زمان جداً و بجمع فلوس عشان ابدأ البروجيكت ده .ال EV فكرة كويسه و دلواقتى بقى فيه باكس جاهزه ببتباع عشان تقلب عربيتك و كمان فى تكنولوجيا اسمها Surge technology عبارة عن مولد كهربائى لو لفته بايدك يفضل شغال على طول و يطلع كهربه بس الراجل الى اخترعه اختفى و لو عملت سيرش على يوتيوب هتلاقى فيدوهات منها عربيه هوه قلبها خلاها شغاله من غير بطاريات دايركت على المولدات الى فى الشنطه . انا كنت بفكر فى شوية افكار و عندنا عربيه قديمه امريكانى مرميه ممكن اجرب عليه بس اكمل المبلغ الى محتاجاه وان شاء الله ممكن اعمل موضوع عن ال EV conversion بالنسبه لان امريكا عايزه تخلص البنزين ده اقتراح فاشل اوى يا جماعه عشان همه عندهم المسافات ضخمه جداً يعنى مثلاً ولاية مونتانا قد مصر تخيل بقى واحد فى جنوب مونتانا و عايز يورح سان فرانسسيكو او مثلاً كندا هيسوق حوالى 1200 كم فعشان كده اقل حاجه عندهم 1800 سى سى و عندنا الجمارك غاليه على المواتير الكبيره و فى السعوديه نفسها العربيات كلها امريكانى و موتير ضخمه عشان المسافات رهيبه , انا فاكر كويس ان والدى كان بيظبط العربيه على 200 بمثبت السرعه و يسبها وانا طفل !!

**Mzeid** · 18-01-2012 06:13 PM

الدراسة مرمية في الدرج في الهيئة العامة للبترول
بس فين التنفيذ

**Land_Cruiser** · 18-01-2012 07:05 PM

فى رايي المستقبل للسيارات الكهربائيه وده لانها غير ملوثه للبيئه و اكيد تكلفه التشغيل ارخص و معظم صانعى السيارات أنتجوا سيارات منها بالفعل و بيطوروا فيها للمستقبل القريب .

**aly_hosny** · 18-01-2012 07:16 PM

في عربيات كتيرة انتجت بالهيدروجين
بس للاسف منجحتش "رغم ان كان في عربية من هوندا واحدة من احسن 10 عربيات 2010 و كانت هيدروجين"
انا شايف ان قريب جدا عالميا هيبقى فيه عربيات كتيرة بتمشي بالكهربا بس بيتحطلها بنزين "زي البريوس و ال فولت"
المشكلة في العربيات ال بتمشي بالكهربا هي فترة الشحن الكبيرة جدا و البطارية ال بتخلص بسرعة
الموضوع لسه في دراسات كبيرة فيه

بالنسبة لنظرية المؤامرة
ف لو امريكا مش عايزة في دول تانية ممكن تطور التكنولوجيا دي عند في امريكا بس
انما الموضوع صعب و بياخد وقته عشان يصلح للاستخدام اليومي

**besso** · 18-01-2012 07:19 PM

بس فيه عقبات واقفه قدام السياره الكهربائيه
1-محطات الشحن لازم تكون متوافره زى محطات الوقود
2-الوقت اللى بتستغقه الي بتستغرقه السياره فى الشحن
3-السرعات اللى وصلت ليها السيارات الكهربيه كانت قليله مقارنه بسيارات البنزين
4-فى بعض السيارات اللى انتجت بالفعل بس كانت تلكفتها عاليه بسبب وجود تكنولوجيا كتيير فى السياره

بس انا فاكر ان الهند عملت عربيه بتمشى بالهواء المضغوط ايه ظروف العربيه دى

وشوفت افلام وثائقيه كتيير عن خلايا الوقود
وهى عباره عن خليه بحجم معين بتستخدم الهيدروجين فى توليد الكهرباء بس عيبها وزنها العالى ولازم بردو يكون فيه محطات لشحن الهيدورجين
ومين عارف بكره فيه ايه.......

**hossam_elwani** · 18-01-2012 10:39 PM

انا مؤمن جدااااا بنظرية المؤامره فى الموضوع ده بلذات المليارات بتعمى صاحب القرار عن اتخاذ القرار السليم

صدقونى لو عايزين حيعملو ....طب ازاى طلعو القمر فى الستينات!!!!!!!!!

**Elawany13** · 18-01-2012 10:55 PM

المشاركة الأصلية كتبت بواسطة besso

بس فيه عقبات واقفه قدام السياره الكهربائيه
1-محطات الشحن لازم تكون متوافره زى محطات الوقود
2-الوقت اللى بتستغقه الي بتستغرقه السياره فى الشحن
3-السرعات اللى وصلت ليها السيارات الكهربيه كانت قليله مقارنه بسيارات البنزين
4-فى بعض السيارات اللى انتجت بالفعل بس كانت تلكفتها عاليه بسبب وجود تكنولوجيا كتيير فى السياره

بس انا فاكر ان الهند عملت عربيه بتمشى بالهواء المضغوط ايه ظروف العربيه دى

وشوفت افلام وثائقيه كتيير عن خلايا الوقود
وهى عباره عن خليه بحجم معين بتستخدم الهيدروجين فى توليد الكهرباء بس عيبها وزنها العالى ولازم بردو يكون فيه محطات لشحن الهيدورجين
ومين عارف بكره فيه ايه.......

المصدر الاساسى للكهرباء فى كل دول العالم هو النفط

طبعا فيه مصادر تانية زى الكهرباء المتولدة من المياه
والهواء والطاقة الشمسية والطاقة النووية
بس طبعا كلنا عارفين الصعوبات فى توليد الطاقة
من هذه المصادر