عايز اروح من الهرم ل طنطا بعربيتى من طريق غير الزراعى

**hanyyacot** · 18-01-2012 03:21 PM

السلام عليكم :
لو سمحتوا يا جماعة انا ساكن فى الهرم وكل اسبوع تقريبا لازم اروح طنطا مرة , وطبعا بروح بالزراعى وهو اسوأ طريق فى الدنيا , ف كنت عايز اعرف اذا كان فى اى طريق تانى اروح منه طنطا حتى لو اطول بس المهم انى ماستخدمش الزراعى ولا اجى جنبه . ياريت لو حد عنده طريق متجرب يقولى . وشكرا

**mohamed_selim** · 18-01-2012 07:12 PM

انا مجربتش اللى هقولك عليه بس شوف كده لو ينفع تطلع صحراوى لحد مدينة السادات و من هناك تخش على الزراعى او اىطريق داخلى و توصل لطنطا .... ينفع؟

**hanyyacot** · 19-01-2012 09:36 AM

انا مجربتش اللى هقولك عليه بس شوف كده لو ينفع تطلع صحراوى لحد مدينة السادات و من هناك تخش على الزراعى او اىطريق داخلى و توصل لطنطا .... ينفع؟

انا فكرت فى كده بس ماجربتهوش ومش عارف فى امكانية ولا لأأ عشان كده باسأل اذا كان حد جرب طريق ومشى فيه وكان سالك ولا لأ , وشكرا يا فندم لردك

**pro_samir** · 19-01-2012 09:40 AM

ممكن فعلا ومن السادات > شبين الكوم=60كم > طنطا=25كم

بس طريق السادات شبين بعد ما بتخلص المسافه الصحراوي بيكون وحش وضيق فرده واحده رايح جاي

وطريق شبين طنطا في اتنين واحد معقول بس مليان مطبات صناعيه، والتاني ماشي في وسط القري ومقرف ومليان مطبات برضو

الزراعي بيكون حلو بالليل متأخر أو يوم الجمعه

**hosammoner** · 19-01-2012 10:56 AM

الصحراوى تدخل السادات وبعدين تاخد الطريق الاقليمى على طول هتوصل عند مفارق الخطاطبة كمل على طول برده فى الطريق ده هتعدى على كوم حمادة وبعدين تطلع ع الزراعى يمين على طنطا بس عايز اقولك على حاجة بقى الطريق ده طويل جدا وبرده مليان نقل تقيل ونص نقل ومطبات الاحسن لك الزراعى من الدائرى ع الزراعى على طول احسن واقصر ومفيش مطبات خالص توصل بالسلامة ان شاء الله

**mesaharaty** · 19-01-2012 11:11 AM

[frame="1 80"]
الصحراوى تدخل السادات وبعدين تاخد الطريق الاقليمى على طول هتوصل عند مفارق الخطاطبة كمل على طول برده فى الطريق ده هتعدى على كوم حمادة وبعدين تطلع ع الزراعى يمين على طنطا بس عايز اقولك على حاجة بقى الطريق ده طويل جدا وبرده مليان نقل تقيل ونص نقل ومطبات الاحسن لك الزراعى من الدائرى ع الزراعى على طول احسن واقصر ومفيش مطبات خالص توصل بالسلامة ان شاء الله
[/frame]

طيب بعد إذن صاحب الموضوع لو أنا عاوز اروح طنطا فأنا أعرف أروح لحد نزلة قليوب ومش عارف بعد كده الوصفة إزاى فممكن الوصفة بالتفصيل شوية إذا سمحتم خدمة لأخوكم وجزاكم الله خيرا

**KemozTanta** · 20-01-2012 10:56 AM

تيجي نبدل :d
انا من طنطا وعايز اروح اكتوبر

شوف ياسيدي الطريق الزراعي اسهل طريق لمدينة طنطا ويوم ماكان واقف انا واحد قريبي خد طريق الاسماعيلة الصحراوي ووصل طنطا في 5 ساعات
انما بين القاهرة وطنطا زراعي ومن غير مشاكل في الطريق و الحوارات دي ساعة لو ماشي سرعة 100 وساعة الا ربع لو ماشي 120 لاني مرة حسبتها وكنت ماشي 120 ووصلت قليوب في ساعة الاربع..
فانا فس راي انه افضل الحلول بس تختار مواعيد مناسبة علية يعني يوم الخميس انتحار علي الزراعي لانه بيبقي سىء جدا وزحمة