دبرياج الجراند بونتو

**m2loba** · 20-01-2012 08:59 AM

السلام عليكم
انا عندى استفسار صغير قالقنى شويه
انا لسه جايب جراند بونتو مستعمله و كنت جايب القفل اللى بيمسك الدبرياج بالدركسيون "علشان السرقة الى ماشيه اليومين دول"
و انا بركبه فى الدبرياج الدبرياج طلع لفوق و على قوى و مش راضى يوطا تانى يعنى هوا شغال عادى لما بدوس عليه و العربيه ماشيا عادى جدا بس الدبرياج عالى قوى و كمان لقيت بلستكه مكسوره وقعه تحته
معلش على الرغى الكتيير بس ممكن حد يفدنة :)

**prince93** · 20-01-2012 04:53 PM

بالنسبة للاستفسار الحقيقة مش حقدر افيدك
بس بالنسبة للسرقة فالجراند بونتو و اغلب العربيات الجديدة من فيات فيها Immobiliser
يعنى الموتور عمره ما حيدور الا لما يدخل المفتاح اللى عليه الelectronic code بتاع الموتور
حتى لو حصل مشكلة ما و الموتور شيك على المفتاح فى الاول و Failed انه يAuthenticate المفتاح العربية مش حتدور
ساعتها حتضطر تشغل العربية بالelectronic code بتاع المفتاح (المفروض تكون اخدته من صاحب العربية اللى قبلك) و بتدخله المفروض عن طريق دواسة البنزين
يعنى العربية بالكامل تتسرق فى فيات تقريبا مستحيلة.. انما ممكن تتسرق حاجات من جوة العربية عادى

**m2loba** · 20-01-2012 07:29 PM

اشكرك جدا على ردك علشان طمنتنى

**Ghamrawy** · 20-01-2012 09:53 PM

العربيات دى مش بتتسرق غير لو اترفعت على كساحة
انما ممكن تتكسر او الجنوط تتسرق عادى

**yoko** · 20-01-2012 09:57 PM

غالبا إنت كسرت قاعدة الدواسات زي ما العضوة ضحى عملت في عربيتها البونتو كلاسيك

**yoko** · 21-01-2012 12:42 AM

معرفش والله السعر ممكن تصور الحته المكسوره وتصور الدواسات عشان نقدر نقيم الوضع وفي التوكيل القطعة بالتركيب هتخش في 2000 جنيه وهيقولك مش موجوده إستنى فجبها إستيراد وركبها وخلاص وملهاش علاقة بالضمان مش هيعرفوا أصلا

**Formulator** · 21-01-2012 01:19 PM

يا جماعة أيـــــــــــــــه اللى بتعملوه ده, انتو بتهرجوا..؟؟!!
قفل دركسيون ايه اللى بتركبه فـ جراند بونتو, فيها Immobilizer
والمفتاح عليه 2 كود, Mechanical و Electronic
أوماترا نفسها لو مفتاح عربية ضاع.. بيفتحوها بالطريقة اليدوى, يزق سلك من بين الباب والقايم.. ويفتح الأكرة من جوا..؟؟!!!

استاذ m2loba
قول الحمد لله انها جت على قد كده,
لو كنت قرأت المانيوال بتاع العربية.. هتلاقى أول كلمة كاتبهالك فـ الـChapter ده:
NEVER use Anti-Theft Lock on the Steering-Wheel

عشان المشكلة الأكبر (لا قدر الله) انه ممكن يبوظ علبة الدركسيون, الباور الكهرباء..؟؟!!!
دى عربية "فيات".. يعنى Electric Power Steering, وشوف ساعتها أوماترا هتديلك علبة الباور أو الأسكاترة (القطمة) بكااااااااااااام؟؟!!!

-

الموضوع: دبرياج الجراند بونتو

LinkBack

أدوات الموضوع

عرض

-

-

-

المواضيع المتشابهه

تغير زيت الجراند بونتو

جد ركب جاك mp3 فى الجراند بونتو

سحب الجراند بونتو

سعر الجراند بونتو

>> بروشور الجراند بونتو <<

الكلمات الدلالية لهذا الموضوع

المفضلات

المفضلات

ضوابط المشاركة