◄O*oo (تجربتى المصورة):::: لفك العدادات من تابلوه الشاهين لتنظيفها oo*O►

**Elawany13** · 21-01-2012 09:17 PM

الأخوة الأحباب أعضاء منتدى نايل موتورز
الأخوه الأحباب أعضاء رابطة الشاهين والدوجان

ديه تجربتى المصورة المتواضعه

لمحاولة فك العدادات من تابلوه
الشاهين موديل 2004

طبعاً واضح الفرق فى الصورة
منظر العدادات بقى نظيف وبيبرق
والإضاءة اتحسنت جدااااااا
النظافة حلوووووووة

فيديو صورته لمنظر العدادات
بعد الفك
واضح فيه اللمبات بتاعت العدادات
وعليها غطاء أخضر اللون

Shahin Tabloh-20120121-1242.3GP - YouTube

الواد كريم إبنى الصغير مش عاوز يبطل كلام
وعمال يأنب فيا علشان كسرت العدادات !!!!
يواد أسكت ياواد .... مفيش فااااااايده
هههههههههه

كان نفسى أفك ورقة العددات وأوصل للمبات وأتعرف على نوعها
وأحاول أغيرها بلمبات أخرى ليدات مثلاً علشان أقوى الإضاءة شوية كمان
بس خوفت أبوظ الدنيا
فاكتفيت بهذا القدر

ملاحظاتى النهائية

* منظر العدادا بقى يفرح ومريح للنظر عن الأول
* بالليل أنا مكنتش بشوف أرقام عداد ( RPM ) دلوقتى بقت واضحة والحمد لله
(بس بردوا إضاءتها أقل شوية من باقى العداد ياترى ده الطبيعى فى الشاهين ؟ )
* عداد الرحلات وعداد الكيلومترات بردوا لسه مش واضحين بالليل محتاجين تقوية للإضاءة

يااااااارب أكون وفقت فى الشرح
وينال إعجابكم

أخوكم : أحمد العوانى ... مدرس رياضيات

**Elawany13** · 22-01-2012 07:36 AM

المشاركة الأصلية كتبت بواسطة hrh_sameh

الله ينوّر عليك يا أحمد باشا
وفي انتظار باقي الموضوع

وعليك يابشمهندس سامح
شكرا على مرورك الطيب
نورت الموضوع

**Elawany13** · 22-01-2012 09:31 PM

المشاركة الأصلية كتبت بواسطة HRH_Sameh

طب سؤال ايه اللي منعك من فك التابلوه كامل؟
يعني كانت مربوط من تحت؟ والا معرفتش مكان الربط الباقية؟

وأنا كنت طالب منك طلب
تصورلي علبة الفيوزات

لأن عندي لمبة الـ fog الخلفي في التابلوه مش بتنوّر من و العربية زيرو مع ان اللمض نفسها شغالة فحاسس ان فيوز مش راكب يعمل كده
وشكرا ليك

خوفت اكسر حاجه
أو أفك حاجه ومعرفش أوصلها تانى
كان فيه موضوع قريته عن فك العدادات
اخ فك ورقة العدادات وبوظ الدنيا والمؤشرات كلها بقت بتقرأ غلط
لو حصلى حاجه زى كده هتنكد قووووووى
فقولت كفايه انظفه وخلاص

ديه صورة علبة الفيوز

طبعا انت عارف ان فيوز نور الشبورة مش فى العلبة
انما موجوده فوق العلبة مع فيوز مروحة الراداتير

بس متهيألى ان مشكلتك مش فيوز
ممكن يكون كلبس مش متوصل فى العدادات وده مكانه سهل
لو فكيت التابلوه
شوف الصورة ديه

**Elawany13** · 23-01-2012 06:44 AM

المشاركة الأصلية كتبت بواسطة hko

الله ينور يا استاذ احمد
بالنسبه لنوع اللمض فزيها زي لمض نور السهاري بتاعت الفانوس الادماني بس لوغيرتها هاتبقي هي هي الاضاءه الضعيفه اجسن حل انك تركب سيريا ب5جنيه من جوا العداد مش من برا زي الميكروباصات هههههه
بحيث الاضاءه بس تبئي هي اللي باينه مش السيريا نفسها كنت عاملها وكانت الاضاءه قويه وكنت بشوف كل حاجه في الضلمه
علي فكره الرابط بتاع الرابطه مش شغال وبيدخلني علي الصفحه الرئيسيه لنايل موتورز هل ده عندي بس؟؟؟؟

وينور عليك ياباشا
فعلا معلوماتى ان اللمض اللى جوه العدادات هيه زى لمبض السهارى حتى ساعات الكهربائية بيسموها لمض تابلوه .... بس لما انا فتحت التابلوه حسيت انها مختلفه هيه مش باينه لإنها متغطيه بباغه خضراء اللون بس جالى احساس (مجرد احساس) انها اكبر شوية ومدوره مش مبططه .
ولو هيه زى لميات السهارى طيب ما احنا لسه مغيرين لمبات السهارى بلمبات ليدات أقوى بكتير وشكلها أحلى
شوف الموضوع ده
http://www.nilemotors.net/Nile/26222...right-led.html

تقصد بالسريا (شريط الليدات) ؟
جه فى بالى الموضوع ده وروحت فعلاً أسأل عليه لاقيت اشكال وانواع كتيره كان نفسى ألاقى لون أخضر زى لون الفابريكة علشان يبقى شكلها طبيعى مش زى التاكسيات ومتعملش زغلله فى العين

بس هيتوصله كهرباء منين ؟ الموضوع هيحتاج كهربائى كده وهيقطع فى اسلاك ويلحم بشيكيرتون وكده ؟

بالنسبة للرابطة شغاله عادى ومفيش مشاكل فى اللينكات
جرب اللينك المباشر ده
http://www.nilemotors.net/Nile/71127-a-97.html

شكراً على مرورك الطيب ...

**HRH_Sameh** · 23-01-2012 08:35 AM

المشاركة الأصلية كتبت بواسطة Elawany13

ديه صورة علبة الفيوز

طبعا انت عارف ان فيوز نور الشبورة مش فى العلبة
انما موجوده فوق العلبة مع فيوز مروحة الراداتير

بس متهيألى ان مشكلتك مش فيوز
ممكن يكون كلبس مش متوصل فى العدادات وده مكانه سهل
لو فكيت التابلوه
...

شكرا على ذوقك يا أحمد وسرعة ردّك
طيب بالنسبة للجزء اللي فوق العلبة
بص كده عندي وقولّي رأيك ايه ؟
هل في فيوز مش راكب؟
وايه دول؟

**Elawany13** · 23-01-2012 12:14 PM

تحت امرك ياسامح ... بعض ما عندكم ياباشا

المنطقة اللى فوق علبه الفيوز ديه مهمة جدا
أنا شايف عندك 2 فيوز فوق مش راكبين
جرب ركب فيهم فيوز وشوف

المنطقة ديه فيها فيوز نور الشبورة
خد بالك ان الشبورة الأمامى ليه فيوز
والخلفى ليه فيوز تانى
وأهم فيوز بتاع مروحة الراداتير خد بالك لازم يكون فيوز اصلى
علشان ميسحش ويقطع ويبوظ الدنيا (الموضوع ده انا اتقرصت منه ودوخنى من كام شهر)

على العموم انا هصورلك المنطقة اللى فوق ديه وانزلها
النهاردة بالليل ان شاء الله

-

-

-

الموضوع: ◄Ooo (تجربتى المصورة):::: لفك العدادات من تابلوه الشاهين لتنظيفها ooO►

LinkBack

أدوات الموضوع

عرض

-

-

-

-

-

المواضيع المتشابهه

وش تابلوه الشاهين

عاوز افك تابلوه الشاهين

إزالة البقع من على البلاستيك الشفاف في تابلوه العدادات

تابلوه الشاهين

تابلوه الشاهين

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: ◄O*oo (تجربتى المصورة):::: لفك العدادات من تابلوه الشاهين لتنظيفها oo*O►

-

-

-

-

-

-

-

-

المواضيع المتشابهه

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: ◄Ooo (تجربتى المصورة):::: لفك العدادات من تابلوه الشاهين لتنظيفها ooO►