استفسار بخصوص بوبينة المارش

**abdelmessih67** · 22-01-2012 01:34 PM

الاخوة الافاضل جميعا

أنا ظهر عندي مشكلة كنت تحدثت عنها معكم من قبل و هي انه عند سخونة العربية المارش لا يعمل و أخيرا ذهبت للكهربائي و فك المارش ووجد ان بوبينة المارش تفصل كهرباء عند السخونة لكن الاوتوماتيك و ترس البندكس بحالة جيدة .

أنا لي عدة اسئلة : هل يمكن شراء بوبينة مارش جديدة أصلية ماريللي أم لا يباع المارش الا كاملا ؟؟؟؟؟؟؟

الكهربائي نصحني بشراء مارش كامل استيراد بسعر البوبينة الجديدة مع الاحتفاظ بباقي أجزاؤه كالاوتوماتيك و ترس البندكس و القلة لو ظهر ليهم حاجة فيما بعد .

أي الحلان الافضل : شراء بوبينة أصلية جديدة أن كانت تباع منفردة أم شراء مارش كامل استيراد ؟؟؟؟؟؟؟؟

هل يعرف أحد كام سعر البوبينة الجديدة و المارش الجديد و الاستيراد ؟؟؟؟؟؟

العربية تمبرا مو 98

شكرا لكم جميعا

**misoalex** · 23-01-2012 04:18 AM

انا كان عندى نفس العيب فى مارش 127 وسيات و 128 وكنت بصلحه لما يظهر ب 8 جنيه هههههههه

بص يا باشا الموبينه دى من عند اخر اطراف السلوك النحاس كلها بتبقى متجمعه بلحام قصدير كل قطب مع بعض
المهم اللحام ده بيتاكل مع الوقت والسخونه ولافه لانه قصدير
كل اللى انت حتعمله حتروح لاى حد بتاع لف وتصليح موبينات وقوله زودلى اللحام القصدير داير ميدور بس متخلهوش عالى

وحياخد 10 جنيه ولا حاجه وحيعملهولك فى 10 دقائق
وركب وان شاء الله حتشتغل
وعلى فكره هو لو الموبينه بايظه ممكن يصلحهالك او ياخودها منك ويديك واحده تانيه
بس لو بايظه خالص وقالك حخودها منك واديك واحده تانيه والفرق قريب من تمن المارش استيراد يبقى ريح دماغك وهات واحد استياد وخلى القديم عندك قطع غيار ده ترس المارش لوحده وصل سعره 80 جنيه وممكن اكتر كمان فى التمبرا

انا الحوار ده عملته فى 3 موبينات قبل كده والموبينه كانت بتشتغل اكتر من سنه ولا تقول بم
بس المهم تعرف حد من الناس اللى بيصلحو الموبينات انت لو من اسكندريه ممكن اوصفلك واحد

**misoalex** · 23-01-2012 04:22 AM

على فكره 80 % من الكهربائيه لما بيظهر عيب فى اى حاجه فى المارش بيقولك هات واحد استيراد

وده لانه مش خسران ولا دافع من جيبه حاجه وعاوز يفك ويركب ويخلص نفسه بلا وجع قلب وتصليح وبتاع

انا الكلام اللى بقوله لحضرتك بتاع لحام الموبينه ده ممكن 90% من الكهربائيه ميعرفهوش وعن تجربه مع اكتر من كهربائى

ومتنساش تغير الشربون بالمره ده ب 8 او 10 جنيه بس بيفرق كتير فى اداء المارش

**abdelmessih67** · 23-01-2012 10:35 AM

شكرا يا أخ ميزو و أهلا بكل أهل الاسكندرية الكرام , اسكندرية ماريا و ترابها زعفرة

الحقيقي هو الكهربائي أرسلني لاحد ورش تصليح البوبينات و لكن لتأخر الوقت كان قد اغلق ابوابه و شكرا لنصيحتك و لكن اليس من الافضل تغيير البوبينة بواحدة جديدة بدل ما كل سنة أو سنتين أفك المارش و الحم البوبينة و أدفع مصنعيات غير الوقت و المشاوير ؟؟؟؟؟؟؟؟؟؟؟؟؟؟؟؟

**misoalex** · 24-01-2012 01:10 AM

يعنى هى الجديده اللحام بتاعها مش حيتاكل برضه بعد سنه او اتنين او 3

مهو كله لحام قصدير برضه اصل ده سلك نحاس ومتجمع مع بعضه باللحام يعنى ولا حتفرق جديده من استعمال طالما الموبينه سليمه وبتدور المارش وعلى العموم اللى يخليك تجيب موبينه جديده هات مارش استيراد افضل