الموضوع: صيانة ال 10000 تم بحمد الله

خلصت اليوم صيانة ال 10000 فى عيسى المنصورة ولكن فى بعض النقاط أحب أقولها :
1- سمعت على المنتدى قبل كدة أن توكيل كيا اتسحب منهم والحقيقة غير كده ما زال التوكيل معاهم .
2- سمعت أنهم ( عيسى المنصورة ) أفضل من عيسى طنطا وفعلا دى حقيقة (تحس الناس هناك فاهمه).
3 - كان صوت الهوا الخارج من فحات التكييف مقطع وتحس انها مسدوده ومكنش عارف السبب ، المهم ان الفنى وهو شغال فك فلتر التكييف وكانت أول مرة أعرف ان التكييف له فلتر منفصل عن فلتر الهوا وكمان أول مرة اعرف مكانة (خلف باب الدرج فى الطابلوه على يمين السائق) المهم الفنى نفخة بالهوا وطلع منه تراب السنين وركبه مكانه تانى وحسيت يا معلم بالفرق وانا مروح ( صاروخ هوا خارج من فتحات التكييف يفكرك بأول يوم اشتريت العربية ).
4 - الفنى شيك على كل شيئ وبص على فلتر الهوا وقالى أنه مفيد فايده فيه حتى لو نفخته ونصحنى طبعا انى أغيرة وفعلا غيرته بس ب 100 جنيه .
5 - تربيط العفشة وقالى انها كانت سايبة نص نص وطبعا ده من شوارع المحروسة .
6 - تغيير الزييت شيل 10000 وده نفس الزين الى أنا غيرته فى صيانة ال 1000 وحتى كان باقى نصف لتر من غيار صيانة ال 1000 خليته يضيفة الأول وبعدين كمل من الجيركن الجديد وبالتالى بقى من الجيركن الجديد حوالى لتر ينفع المرة الجاية ان شاء الله .

الف مبروك على الصيانة
وعقبال ال 100000