انا بصراحه بدات اتخنق جدا جدا جدا من معظم الناس الي بتبيع عربيات حاجه يعني لا تطاق
طبعا انا كان معايا سنيوره النترا 2005 وبعتها لظروف وللعلم وانا ببيعها كان الفتيس تعبان قولت للي بيشتري ان فتيسها تعبان وهتحتاج تغيره وهو احترم ده واخدها مني ونزلته بسعرها بمزاجي
كان ممكن كبر دماغي وهو ميعرفش وعادي بس كنت هبقى لحد النهارده مرعوب انه يتحسبن فيا
وابدت بقى رحله البحث عن عريبه ب 55 الف (والحمد لله المبلغ زاد النهارده بقى 65 الف)
حاجه صباح الجنان انا كلي قاهرني غياب الضمير فعلا غياب كلي
الاقي اعلان صني 2001 ب 55 الف اوتوماتك فبريكه الا اكصدامين ورفرف
اروح الاقي العربيه مفحوته وصاحبها بياوح معايا رشه بره كلها ورشه حته في دواخل الشنطه وبرضو الفتيس تعبان والمتور بيجيب زيت من كل حته وصاحبها عايز يقنعني ان كل دي تهيات
وعربنته واتفقت معاه اكشف عليها وكشفت وفعلا وطلعت في الضياع اخدت عربوني والراجل ساعتها قافش في 52 الف ومع ان ده سعر الفبريكه والنضيف اوي اوي اوي
0000000000000000000000000000000
كيا سيفا دي بقى الاسطوره الي عمري ما شوفت حد بالمنظر ده لدرجه اني بدعي محدش يلبس العربيه دي فعلا
الاقي اعلان كيا سيفيا تحفه التحف مانيوال ماشيه 40 الف بس رشه برا نضافه وكلها فبريكه الفبريكه مفيش مسمامر اتفك فيها اتصلت بيه انا في الهرم وهو في شبرا مصر ومعييش عربيه طيب انا جايلك
واركب ابو المترو ده الخط كله واقف وانزل اتصل بيه الاقيه بيقولي اركب توكتوك واديله التلفون واتسحلت اليوم ده سحله ميا يا عشان اوصل الاقي الصدمه الي مستنيه الراجل طبعا طالب 47 الف وكنت مش هفاصل معاه في جنيه لو فعلا زي ما بيقول
اوصل الاقي مبديا العربيه متركب لها كاوتش ماكسس اقذر فرده كاوتش في التاريخ
العربيه في ازازين فيها متغيرين باسلوب بشع يدل على سمركه فاشله
وفي حتت كتير اوي في الدواخل مرشوشه وده من غير ما اكشف عليها ده بعيني بس
والمتور ابو 40 الف ده دخلت جوه صالون بايز اساسا عايز الحرق مش التنضيف
زودت المتور وانا جوه الاربي ام مش عايز يتحرك
نزلت لقيته واقف عند الشكمان قالي بص اهو الشكمان بينزل ميا متور زيرو يامعلم ابص الاقي بركه ميا (مش عارف شايفني اهبل ولا ايه )
وكان معاه واحد واقف بيحشش في الشارع قالي شوفت مفيش انضف من دي سيفيا في العالم وانهالوا الاتنين عليا باكاذيبهم وان العربيه كزا وكزا وكزا
قولتلوا اخرك فيها كام قالي اسيب فيها 500 جنيه قولتله لا 44 قعد يحور فاكر اني هفاصل قولتله لا سلام عليكم
------------------------------------------
ودي بقى برضو اسطوره انا كنت واقف بضرب كف على كف
اعلان اف ار في برليانس فبريكه بالكامل 8 الف كيلو فقط السعر 55 الف مكدبتش خبر وطرت على مدينه نصر معرض في وش وندر لاندد (قولت بس الحلم اتحقق)
الاقي العربيه غريبهه اوي من جوه الدركسيون وعصايه الفتيس مقشرين سنه
كان واقف معايا واحد من المعرض وصاحب المعرض مش موجود طبعا ده والي واقف معاي عامل عبيط
المهم اكصداماتها راشيين وفيها رش تاني بس ممتاز جدا ومش باين وده الي صاحب المعرض وقعته فيه
الكاوتشات متهانه اوي اوي واي ونوع تاني غريب وهي اساسا بتنزل ب كومهو
روحت متصل بيه اول وخد عندك بقى
يا استاذ الاكصدامات راشه قالي اه مهو عادي
قولتله وفي حاجا تانيه راشه برضو راح قايلي اه الجنب اليمين والشنطه فيهم حاجات وانا كنت عارف ان الشطنه راشه برضو
طب معل متفهمنيش غلط الكاوتشات دي م كاوتشات زيرو ده ميتين على الاخر
قالي اه مهو هي اتحرق العداد بتاعها وده عداد جديد وهي كانت ماشيه ب 20 الف وطبعا ده مستحيل كاوتشات غيرالاوريجينال وكمان متهيانين مش اقل من 100 الف بالميت
طبعا مشيت
وغيره وغيره وغيره وغيره انا بس كنت متدايق شويه حبيت افضفض معاكم
اخواني في الله كلكم بدون استثناء
وربنا يعدي الايام الي جايه على خير باذن الله
المفضلات