الموضوع: بنزينة ولا التوكيل

المشاركة الأصلية كتبت بواسطة dr_hady4447

وبيتحجج

أنا مش محتاج أقتبس منك غير الكلمة دي.. فيها كل المعاني.
لو الراجل واثق ان العربية تمام كان راح معاك التوكيل فعلا وكشف وطلع العربية 100 100 وبعدها يطلب فيها المبلغ اللي هو عاوزه. ومش حاتقدر تفاصل معاه.
انما يا تري يا هل تري ايه اللي يخلي واحد بيرفض يروح التوكيل؟

للعلم: 90% من العربيات المستعملة بتتباع لعيوب وعيوب شنيعة. مهمتك تدور علي ال 10% الباقيين.

المشاركة الأصلية كتبت بواسطة moh19227

بص علي قد معرف ان البنزينه مش وحشه علشان في موقف حصل مع واحد صاحبي وانا كنت معاه
كنا في سوق الجمعه وشاف عربيه كورولا عجبته وبعد متفقنا مع صاحبها وكل حاجه فابريكه برا وجوه قولناله هنشوف اي بنزينه علشان يعملنا تقرير عن العربيه ولو فيها حاجه مش هناخدها امين امين
رحنا بنزينه وطنيه اللي جنب السوق علطول ودفعنا 100 جنيه تمن الكشف وطلع ان العربيه مغيره ربع وصاحبها عمل عبيط وقاله مش مغيره وانت مبتفهمش حاجه وكلام فاكس
المهم البنزينه دي فيها عمال شاطرين وعندهم جهاز بيقيس كبس الموتور وجهاز بيشوفوا بيه البويه بتاعة العربيه فابريكه ولا لا ولو فيها اي حته راشه بتبان يعني الامور عندهم امان الي حد ما
واستني خد راي باقي الاخوه

يعنى من رايك لو حججه بسيطة وصادق فى حججة اروح بنزينة عادى

المشاركة الأصلية كتبت بواسطة crayvor

أنا مش محتاج أقتبس منك غير الكلمة دي.. فيها كل المعاني.
لو الراجل واثق ان العربية تمام كان راح معاك التوكيل فعلا وكشف وطلع العربية 100 100 وبعدها يطلب فيها المبلغ اللي هو عاوزه. ومش حاتقدر تفاصل معاه.
انما يا تري يا هل تري ايه اللي يخلي واحد بيرفض يروح التوكيل؟

للعلم: 90% من العربيات المستعملة بتتباع لعيوب وعيوب شنيعة. مهمتك تدور علي ال 10% الباقيين.

لا الحجج بتبان

يعنى فية واحد بيبقى باين عليه بيزوغ
وواحد باين عليه من لاكمة انة بجد مش فاضى

بس مهو اللى خايف من التوكيل يخاف من البنزبنة ولا اية ؟؟



واية الفرق بين التوكيل والبنزينة ؟

المشاركة الأصلية كتبت بواسطة kareemz

لو عربيه فيات 127 .. 128 .. هيونداى اكسل .. أكسنت .. لانوس .. أو أى عربية فى الفئة دى .. اكشف فى بنزينة و خلاص.

لو رينو ميجان .. بى ام دبليو .. بيجو حديث .. أى عربية حديثة و فيها حساسات و كده .. حذار حذار متكشفش فى التوكيل.

طيب لو

كريستالة
مكوة
بومة
نوبيرا
نيو اكسنت
ماتريكس
ماتيرا
؟؟؟

المشاركة الأصلية كتبت بواسطة احمد المصرى

ال بيخاف يروح يكشف على العربيه فى اى مكان يبق العربيه معيوبه انا لما بعت عربيتى الراجل قالى هنروح بنزينه كذا وهو ال اختارها ورحت ركنت العربيه وقعد بعيد خالص وهو معاهم يكشفوا براحتهم ولما خلصوا قلتله ايه الاخبار قالى امين وخلصنا وكل العيوب ال هما قالوا عليها انا قلتلوا عليها قبل ما هما يكشفوا عليها خالص

علشان كدة ربنا بيباركلك ويبارك فى البيعة