الموضوع: فيكترا 2007 ولا فانتازيا 2010

فانتازيا احسن .. قطع غيار متوفرة اكتر وارخص .. كماليات اكتر .. موديل اعلى واحدث .. ده غير انها اوتوماتيك على ما اعتقد

بص هقولك لية فانتازيا

1- عربية فخمة جدا i drive ... كمبيوتر في النص .. فتيس محترم وجديد

2- واسعة وكبيرة وشنطة تشيل اي حاجة

3- استابيلتي فظيع ما شاء الله عليها مجمع بيها 193 علي الدائري ولا كأني راكب ولا حاسس بحاجة

4- قطع غيار متوفرة

5- سعر ممتاز في اعادة البيع

فنتازيا أفضل أعتقد وسعر اعادة البيع طبعا معروف

المشاركة الأصلية كتبت بواسطة moody_687

ياجماعة انا لسة شاري فيكترا 2007 مانيوال كاملة ومعروض عليا فانتازيا 2010 اليجانس وفاتحة سقف وجنوط والراجل طالب منى اني ابيعله العربية بتاعته وانا بفكر لو مش لقيت مشتري للفانتزيا بتاعته انا اخدها منه فانتم ايه رايكم هل الاوبل برقبة الاسكودا زى ماالناس قالولى ( مفيش حد يتحمق انا بقول اهو ده كلام الناس ) مع العلم ان كماليات الفانتزيا اكتر واللى يقولي اختار ايه يديني السبب اللى بنى عليه اختياره معلش بتعبكم معايا ولا خليني ف الفيكترا وخلاص

انت لسه بتفكر --- طبعا فانتازيا -- اعتمادية أحسن -- ثبات -- راحة- اتوماتيك أحسن من اتوماتيك الفيكترا ---

لا ماهو انا جيبت خلاص الاوبل وكاملة ع ايام 2007 كان كلها مانيوال وكنت عايز مانيوال مفيش اتوماتك 2007 فيها كل حاجة كانت موجودة ساعتها فرش جملى و4 ايرباجز ومرايات تعتيم وضم ودركسيون مالتي فانكشن وفوجات وايه بي اس وايه بي دي اما الفانتزيا فطبعا احدث وكماليات اكتر سخانات كراسي وبخاخ فوانيس وطبعا اوبشن كتير ملهوش اى لزمة بالنسبالى بس هو النقطة اللى عايز اعرفها بعيدا عن الكماليات هل الفانتازيا تكسب الاوبل ف الثبات وفي قوة الماتور ولا لا

المشاركة الأصلية كتبت بواسطة rompo10

لو عربيتك الاوبل كامله كنت قلتلك اوبل طبعا بدون نقاش بس بدل عربيتك مانيوال ممكن تبدل عادي بس المهم نعرف فرق السعر عشان ممكن بفرق السعرتكمل وتجيب اوبل كامله (الاوبل اوبل من زمااااااان اما اسكودا ظاهره بعد الاوبل وانالا اشكك في قدرات اوكتافيا مع اني راكب اوكتافيا بس الاوبل ماتور اقوي كل المشكله قطع الغيار اغلي شويه

اول مرة حد يقولي ويديني امل انى معايا عربية محترمة واحسن من الاسكودا يااااااااه حسيت مش رميت فلوسي ف الارض كنت فين ياراجل من زمان وانا الحمدلله عربيتي كاملة مانيوال ع ايامها كانت اعلى فئة