استفسار بخصوص زيادة نور الكشافات للوجان

**bika_2006** · 25-01-2012 06:46 PM

السلام عليكم

هل يوجد حل لزيادة الاضاءه لنور للكشافات الاماميه
مثلا مثل تركيب الزينون وهل ده هياثر على حاجه فى العربيه البطاريه مثلا

ولو حد جربه ياريت يقولنا وممكن يتكلف اد ايه

**mostafabakry** · 25-01-2012 07:14 PM

بصراحة معرفش بس أكيد عادي ممكن تركب زينون للوجان زيها زي اي عربية بس ممكن يطلع العربية من الضمان الا لو ركبته في التوكيل لو ينفع

و بصراحة انا شريف ان اللوجان اضائتها. كويسه جداً علي الطريق و العالي بتاعها بيفرش كويس. لقدام

**bika_2006** · 25-01-2012 09:23 PM

هيا فعلا كويسه بس انا بمشى كتيير بالليل وبتبقى الطرق مفيهاش نور
فا بالنسبه ليا بيبقى مش كده
يمكن عشان انا لابس نظاره نظر

وحكاية الضمان دى كده هتبقى رخمه
مشكور على ردك اخى

**mohammednabil** · 25-01-2012 11:21 PM

بص يا سيدى انا شارى لوجى من 6 شهور وكان عندى نفس المشكله بتاعتك فى الطرق والحل عملته ركبت طقمين زينون واحد مكان الشبوره والتانى مكان النور العالى والنتيجه عبقريه الطريق بقه ظهر وتقدر تتحكم اما تقيد الشبوره بس او تقيد الطقمين لو الطريق عتمه قوى والتكلفه حوالى 450 الطقم صينى وارد الامارات لقيته انظفهم وشغال معايا زى الفل والنتيجه تستاهل التغيير

**sherifboo** · 26-01-2012 02:50 AM

الموضوع ده انا كمان شكلي هعمله لاني حاسس ان النور الواطي بتاعها " خابط في الارض " مش عارف ده احساس و لا حقيقة انا معايا ستب واي بالرغم ان البكرة بتاعت الفانوس اللي تحت الطارة على الزيرو يعني كدة المفروض ان نور الفانوس يبقى دي اقصى ارتفاع ليه او بمعنى تاني انه فارش لابعد مدى .... ياريت حد يفيدنا يا رجالة و مشكووور على المعلومة يا mohammednabil

**bika_2006** · 26-01-2012 09:06 AM

المشاركة الأصلية كتبت بواسطة mohammednabil

بص يا سيدى انا شارى لوجى من 6 شهور وكان عندى نفس المشكله بتاعتك فى الطرق والحل عملته ركبت طقمين زينون واحد مكان الشبوره والتانى مكان النور العالى والنتيجه عبقريه الطريق بقه ظهر وتقدر تتحكم اما تقيد الشبوره بس او تقيد الطقمين لو الطريق عتمه قوى والتكلفه حوالى 450 الطقم صينى وارد الامارات لقيته انظفهم وشغال معايا زى الفل والنتيجه تستاهل التغيير

مشكور اخى على ردك
وفكره حلوه قوى اللى انت عمللتها انك تركب طقمين واحد بدل العالى وواحد بدل الشبوره
طيب وهل ده هياثر على الضمان
وكمان اجيبه مننين وهعؤف اركبه لوحدى ولا لازم حد

**Egyzizo** · 26-01-2012 09:58 AM

المشاركة الأصلية كتبت بواسطة sherifboo

الموضوع ده انا كمان شكلي هعمله لاني حاسس ان النور الواطي بتاعها " خابط في الارض " مش عارف ده احساس و لا حقيقة انا معايا ستب واي بالرغم ان البكرة بتاعت الفانوس اللي تحت الطارة على الزيرو يعني كدة المفروض ان نور الفانوس يبقى دي اقصى ارتفاع ليه او بمعنى تاني انه فارش لابعد مدى .... ياريت حد يفيدنا يا رجالة و مشكووور على المعلومة يا mohammednabil

أفتكر ان فيه هنا موضوع عن الشكوى بتاعتك واتشرح فيه ان فيه حاجة عند الكشاف بتلففها فترفع مستواه .. بس للأسف مش فاكر اسم الموضوع أو مكانه.

**mohammednabil** · 26-01-2012 04:57 PM

المشاركة الأصلية كتبت بواسطة mohammednabil

بص يا سيدى انا شارى لوجى من 6 شهور وكان عندى نفس المشكله بتاعتك فى الطرق والحل عملته ركبت طقمين زينون واحد مكان الشبوره والتانى مكان النور العالى والنتيجه عبقريه الطريق بقه ظهر وتقدر تتحكم اما تقيد الشبوره بس او تقيد الطقمين لو الطريق عتمه قوى والتكلفه حوالى 450 الطقم صينى وارد الامارات لقيته انظفهم وشغال معايا زى الفل والنتيجه تستاهل التغيير

اى خدمه يا رجاله احنا فى الخدمه انا زى ما قلت الطقم عامل 450 بتكلفه اجماليه 900 للطقمين ومينفعش حد يركبهم لوحده يستحسن كهربائى سيارات اى حد مش فارقه لانها مش قصه بس حيشيل الفبر اللى ناحيه الجانبين الشبوره ويشيل الطقم العادى ويركب الزينون ومتنساش تاخد طقم النور القديم بتاع الشبوره لانه غالى وعلشان لو حبيت ترجع الوضع لاصله فى اى وقت اما بالنسبه لتغيير زينون العالى بمجرد فتح الكابوت يتم استبدال الطقم بدون حل الفوانيس خلال دقائق فقط ولا يتم خروج العربيه من الضمان لانه لم يتم تغيير او لعب او توصيل فى الضفيره لو فى اى استفسار تانى انا فى الخدمه

**bika_2006** · 26-01-2012 06:29 PM

المشاركة الأصلية كتبت بواسطة mohammednabil

اى خدمه يا رجاله احنا فى الخدمه انا زى ما قلت الطقم عامل 450 بتكلفه اجماليه 900 للطقمين ومينفعش حد يركبهم لوحده يستحسن كهربائى سيارات اى حد مش فارقه لانها مش قصه بس حيشيل الفبر اللى ناحيه الجانبين الشبوره ويشيل الطقم العادى ويركب الزينون ومتنساش تاخد طقم النور القديم بتاع الشبوره لانه غالى وعلشان لو حبيت ترجع الوضع لاصله فى اى وقت اما بالنسبه لتغيير زينون العالى بمجرد فتح الكابوت يتم استبدال الطقم بدون حل الفوانيس خلال دقائق فقط ولا يتم خروج العربيه من الضمان لانه لم يتم تغيير او لعب او توصيل فى الضفيره لو فى اى استفسار تانى انا فى الخدمه

مشكور يا باشا ربنا يكرمك
يعنى هو الطقم بيبقى 2 لمبه صح كده؟

طيب ده القصه سهله اهو
انا هبقى احاول اعملها لوحدى عادى بما انى مهندس كهرباء
يبقى عيب فى حقى لما اروح كهربائى على الاقل احاول الاول

وماقلتليش اجيبهم منبن الاقيهم فى التوفقيه