صيانه العشره الاف

**akramtiti** · 26-01-2012 08:36 PM

كنت النهارده في فرع العمريه بعمل صيانه 10000 وعامل حسابي علي فلوس الصيانه المعتاده افوجا بالمهندس جي بيقولي التيل عايز يتغير انا صعفت لان ةالحمد لله سواقتي كويسه ولا بضرب فرامل امركاني ولا الحاجات دي سواقه عاديه بعد ماروحت ببص عل التيل القديم حاسس انه ماليان انا مشفتش الجديد بس شكله ماليان والحمدلله كعيت في الصبانه 785 جنيها حسبي الله ونعمه الوكيل

**Egyzizo** · 26-01-2012 11:26 PM

أنا داخل على 40 ألف ولسه ما غيرتش التيل ..
لدرجة إنى فى آخر صيانتين بقيت بأقول لهم يبصوا على التيل لو عايز يتغير ، بس بيردوا بيقولوا انه تمام ولسه بدرى عليه.

بس الكلام ده فى مركز معتمد فى المنصورة مش فى العامرية.

**akramtiti** · 27-01-2012 06:35 AM

المشاركة الأصلية كتبت بواسطة egyzizo

أنا داخل على 40 ألف ولسه ما غيرتش التيل ..
لدرجة إنى فى آخر صيانتين بقيت بأقول لهم يبصوا على التيل لو عايز يتغير ، بس بيردوا بيقولوا انه تمام ولسه بدرى عليه.

بس الكلام ده فى مركز معتمد فى المنصورة مش فى العامرية.

طيب ربنا يكفيك شره الاول بالنسبه للفرامل كويسه معاك انا حاسس انهم بيعقبوني لاني تالت مره اشتكي من الفرامل لانها مش قويه مع السرعات العاليه

**wael30003** · 29-01-2012 10:28 PM

انا عندى فى السلانسيه بدوس براحة باسمع صفارة خفيفة لكن فى السعات العالية او المتوسطة مفيش صفارة وعامل 4850 كم اعمل ايه يغيروه على حسابهم ولا ادفع تمن التيل
افيدونى بالله عليكم
بلاك لاين 2012

**wael30003** · 29-01-2012 10:29 PM

والفرامل كويسه معايا

**akerima** · 30-01-2012 09:39 AM

المشاركة الأصلية كتبت بواسطة wael30003

انا عندى فى السلانسيه بدوس براحة باسمع صفارة خفيفة لكن فى السعات العالية او المتوسطة مفيش صفارة وعامل 4850 كم اعمل ايه يغيروه على حسابهم ولا ادفع تمن التيل
افيدونى بالله عليكم
بلاك لاين 2012

صوت الصفارة دا عادي وعند كتير من الناس - انت محتاج تنضف الطنابير وباذن الله الصوت حيختفي دا مش عيب تيل

ولكاتب الموضوع انا كده شايف انك غيرت التيل بدري اوي انا غيرت عند 25000 بس انا كمان سواقتي خشنة وبستعمل الفرامل كتير والطبيعي انك تغير التيل بعد 25000 مش قبل كده

**blackhorse123** · 07-02-2012 10:59 PM

انا معايا لوجان 2012 هاف اوبشن الفرامل كانت فى الاول كويسه بس بعد 8000 كيلو االفرامل بقت خفيفه مع السرعات العاليه مش عارف ليه مع انها كانت فى الاول ممتازه بمجرد ما تدوس فرامل العربيه تبقى زى الحجر على الارض دلوقتى الله اعلم ايه اللى حصل ؟؟؟؟؟؟؟