خدمة دفع المخالفات و تجديد الرخص عن طريق التليفون في الاسكندرية

**Amr Axel** · 27-01-2012 03:41 PM

أعلن اللواء مدحت قريطم مدير الإدارة العامة لمرور الإسكندرية أنه سيتم إدخال خدمة جديدة للمواطنين بالإسكندرية تسمي خدمة "الكول سنتر" وستعمل علي تمكين المواطنين من التعرف علي مخالفات سياراتهم وقيمتها المادية من خلال الاتصال برقم محدد وإدخال رقم رخصة السيارة.

وأوضح قريطم أن المواطن سيكون بإمكانه تحديد موعد للتوجه إلى وحدة المرور الخاصة به لدفع الغرامات المطلوبة منه وتجديد رخصته، مما سيوفر الكثير من الوقت على المواطنين ويجنبهم متاعب وعناء الوقوف فى طوابير.

وأكد أن المواعيد التى سيتم تحديدها مع المواطنين لدفع الغرامات والتجديد ستكون ثابته حرصا على وقت المواطنين، موضحا أنه سيتم تحديد 50 موعدا مع المواطنين المتعاملين مع الخدمة لتجديد رخصهم بشكل يومى، وذلك لضمان الالتزام بالمواعيد. ومن المقرر أن يتضاعف هذا العدد خلال الثلاثة أشهر الأولي من بدء الخدمة.

**AhmdDomar** · 27-01-2012 10:50 PM

جميل

**فتح الباب** · 28-01-2012 12:28 AM

A great good thing in Alexandria

**I.ABUBAKR** · 28-01-2012 01:16 AM

شكرا علي الخبر الجديد
بس يا تري الخدمه هتبدا من امتي
ورقم الكول سنتر كام

**misoalex** · 28-01-2012 04:28 AM

خبر كويس كفايه بتوع القاهره بيعرفو مخالفاتهم من على انت اشمعنى احنا

**Amr Axel** · 28-01-2012 10:02 AM

المشاركة الأصلية كتبت بواسطة me_medoo

شيء ممتاز ... وعظيم ، وعقبال القاهرة وبقيت المحافظات بدل مالواحد بيقعد يستنى المخالفات وهو على اعصابو لا يكون عسكري مستقصدو ولا حاجة ...

بس الجدير بالذكر أن أخويا جي من السعودية بيقولي مفيش حد بيشيل فلوس في جيبوو ، لكن موبايلو متل على حسابو البنكي وليه رقم سري ... كل الي هو بيعملو بيحول رصيد للمرور ولا الاقامات مثلا بمبلغ 250 ريال او 400 ريال ويكون رخصتك او اقامتك على رقم موبايلك فبيعرفو هما ان الفلوس دي تبعك انتا وبتم معاملتك وانتا قاعد في البيت ... يعني من الاخر الدفع عن طريق الموبايل ... زي هنا في المنتدى الاشتركات عن طريق الموبايل بتحول رصيد وكده .

فليه منطورش كده زيهم ياريت لو في حد في السعودية يوضح لنا الطريقة دي ... وازاي الناس دي بتشغل مخهم ... علشان يمكن نقدر نشغل دمغنا زيهم ونخفف عن المواطنين والناس ونختصر وقتهم ... بدل ماقعدين بنعطل بعض ... وطوابير وشبابيك والخزنة قفلت والكلام الفاضي بتاع بلدنا دهوو ...

وشكراً على المعلومة يا جميل .

و احب اضيف كمان ان عملت مخالفة في السعودية هتلاقي المخالفة مبعوتة ع الموبيل في الرسالة
بس احنا عشان نعمل كل ده محتاجين اننا نظبط الشوارع و المرور من اول جديد و كاميرات و نظام متكامل يشتغل و ان شاء الله تعمم

**amigooo** · 04-02-2012 10:14 AM

فين ياسيدى (الكول سنتر ) ولا اى حاجة والكلام كلة سوف .., سيكون .., سيبدأ .. ودة كوم والقر اللى ع. الفاضى كوم .. وكمان بيقولك العقبى لنا .. (حكومة الكترونية صحيح ).