الموضوع: اعمل عمرة ولا اشترى ماتور استيراد انقذونى من حيرتى

السلام عليكم ورحمه الله وبركاته
انا معايا عربية فولكس فاجن بولو موديل 97 معايا بقالها سنها
مشكلتى ان بحكم اكتر من ميكانيكى ماتور العربية خفيف وبتاكل زيت والدنيا غرقانه زيت الحيرة بقى فى الحل وانا خبرتى محدودة جدا فى اراء تقولى عمرة للماتور يرجع احسن من الأول ( ميبقاش ابنك على كتفك وتروح تدور علية ) واراء تانيه تقولى لأ العمرة مش بتنفع فى العربيات الألمانى بالذات الحديثة وهتفتح معاك فى الفلوس جامد الأحسن انك تجيب ماتور استيراد حالته كويسة ( شراء العبد احسن من تربيته ) فأنا بجد مش عارف اعمل اية وخايف اعمل عمرة متنفعش وتفتح معايا وأندم وخايف اجيب ماتور استيراد يطلع مش كويس مع ان الميكانيكى اكدلى انه بيتاعمل مع واحد ثقة وأكدلى ان الماتور هيبقى كويس لكن تبقى مشكله اثبات الماتور فى الرخصة امامى بدون حل لأن كتير قالى انها صعبة جدا ارجووووووووووووووووكم المساعدة

طبعا تجيب موتور استيراد من مكان موثوق فيه....... لانه تقفيل المصنع اللي عمل العربيه. وبييجي علي التجربه لو فيه حاجه بترجعه في حدود اسبوع تقريبا ولما تروح تجيبه تاخد معاك واحد متخصص وبيفهم فيهم. وما تعملش عمره للمحرك القديم × لانها مكلفه جدا لو هتجيب قطع الغيار من التوكيل وتركبها عند الميكانيكي × لان اللي هيعملها الاسطي الميكانيكي وبليه الصبي وعمرهم ما هيعملوه صح خاصه في السيارات الالمانيه لان فيه مقاسات داخليه في منتهي الدقه وعمرهم ما هيعرفو يعملوها وللاسف مش هيعمر معاك وهيقرفك .