تغيير كبالن الاكسنت وتربيط العفشة وتغيير زيت الفتيس

**egy_3assy** · 29-01-2012 11:00 AM

للافادة ..
انا غيرت الاسبوع دة جوز كبالن الماني جبتهم ب 250 علما باني سالت قبل كدة ولقيتهم ب 320 .. وانا جبتهم ب 250 من محل في الشارع اللي بعد سنترال عين شمس يمين .. جنب احمد فرج بتاع الفورد .. وركبتهم عند علي الميكانيكي الي هناك وبد الميكانيكي دة هايل ومجتهد جدا .. يعني ظبطلي الدبرياج بالظبط و ظبطلي الموتور بالظبط .. العربية صوتها هدي تماما ,, وبعدين مغيرش الكبالن بس دة راح مطلع الاكس كلة و ظبط راس الكوبلن الداخلي عشان كان فية جزء بوش .. المهم انا خارج من عندة مستريح جدا و خد 80 جنية و بعدين ظبط زوايا ب 50 جنية ورا و قدام .. العربية بقت ناعمة و صوتها هدي جدا و بقت تجري احسن بكتير والدركسيون نعم جدا .. انا منشكح .. طبعا الحلو ميكملش بما اني في نفس اليوم وانا رايح اجيب فوجات كسر عليا عيل بموتوسيكل صيني و كسرلي فانوس الاشارة .. فهحتاج انزل التوفيقية اجيب فانوس الاشارة والفوجات مع بعض .. هبقى اجيبلكو الاسعار عشان كمان عايز اجيب سبويلر ,

**Ashraf_Ibrahim** · 29-01-2012 03:37 PM

مبروك التغيير
وشكرا على التجربة والافادة

**samirsaid1** · 30-01-2012 09:56 AM

انا عربتى نيو اكسنت 2007

وكل الخبطات اللى عندى بتبقى مع الموتسيكلات الله ينتقم منهم

انا عندى العربية بتهبد جامد من الامام والخلف بس الخلف اكتر
وخصوصا لو الطريق منقر بيبقى فية موسيقى بالعربية

كان العجل بيتشال ويتهبد فى الأرض بالرغم من انى بكون مظبط الكاوتش على 30

**egy_3assy** · 30-01-2012 01:09 PM

المشاركة الأصلية كتبت بواسطة samirsaid1

[gdwl]انا عربتى نيو اكسنت 2007

وكل الخبطات اللى عندى بتبقى مع الموتسيكلات الله ينتقم منهم

انا عندى العربية بتهبد جامد من الامام والخلف بس الخلف اكتر
وخصوصا لو الطريق منقر بيبقى فية موسيقى بالعربية

كان العجل بيتشال ويتهبد فى الأرض بالرغم من انى بكون مظبط الكاوتش على 30

[/gdwl]

طيب كدة لازم تكشف على المساعدين طالما فية هبدة .. بص المفروض تروح عند عفشجي كويس و يشيك على العفشة كلها يعني مساعدين وكبالن واكس ومقصات علشان لو حاجة مش مظبوطة متاثرش على عمر باقي العفشة ... وربنا يسترها علينا ,, وبالنسبة للموتسيكلات انا بكرههم مراية و فانوس اشارة و خرابيش اكصدام ولسة ...

**samirsaid1** · 30-01-2012 01:59 PM

شكرا لحضرتك

وربنا يكرمك

هاشوف كدة واحد كويس للعفشة

ولو انى كان نفسى اشترى المساعدين مونرو واركبهم فى التوكيل بس معنديش تاكيد لان دة ينع ولا لأ ومش شرط الضمان وكدة كدة غبور وكيل مونرو فالمفروض انه بيركب حاجة من عندة

فمعرفش لوحد عند فكرة عن الموضوع دة

**egy_3assy** · 31-01-2012 10:43 AM

بص التوكيل مش هيعمل حاجة اكتر من اللي ممكن يعملة العفشجي .. ودة عن تجربة .. الموضوع كلة سرقة في سرقة .. ونفس قطع الغيار اللي هتجيبها من محل موثوق فية وتركبها بس بققل بكتير من اسعار التوكيل اللي هيحسبلك خدمة و ضريبة علي كل مسمار.

**alsakr** · 08-02-2012 04:10 PM

ان شاء الله ناوى اشترى الاكسنت 2011 الشكل القديم حابب اعرف مميزاتها وعيوبها مع العلم الشكل الجديد غالى وكمان منخفضه على المطبات علشان كده مستبعده والصنى متجابش غير هاى لاين وغاليه علشان كده باذن الله ناوى على الاكسنت الشكل القديم

**egy_3assy** · 09-02-2012 11:24 AM

كدة قصدك النيو اكسنت .. بس على فكرة ال ار بي مش واطية ولا حاجة هي شكلها يقول واطية بس جسم العربية من تحت عالي انا مجربها من ابن عمتي وبصراحة هموت واغير عربيتي واجيبها بس بما اني داخل على جواز يبقي متشكرين خليني قنوع و امشي بالعربية زي الفل كدة :]