الموضوع: إزاي أروح المعادي عالدائري من طريق إسكندرية الزراعي

احسن حاجة بس طويلة شوية تدخل شمال ف اتجاه المطار
هتفضل ماشي وتعدي 3 أنفاق ... نفق طريق الاسماعيلية وبعده نفق أكاديمية الشرطة وبعدين التجمع هتكمل بعديهم شوية حلوين كده لغاية ما تلاقي كارفور على شمالك وبعده هتلاقي بنزينة وطنية على يمينك الحوار ده بتاع ساعة الا ربع مشي
بعد وطنية ابدأ امسك يمين شوية لغاية ما تلاقي نزلة يمين للمعادي والاوتوستراد
هتنزل النزلة دي وتخليك ماسك يمين خالص هتلاقيك طالع كوبري كده يلف بيك وينزلك على الأتوستراد وعلى يمينك صقر قريش والمعادي

هناك اسال بقى عايز تروح فين

عايز توصل فين في حدائق المعادي وانا اوصفلك بالتفصيل

يبقي اسهل طريق انك تطلع الدائري من شبرا في اتجاه الهرم
لحد ما توصل لوصله المريوطيه الجديده تطلعها
عتنزل في خرها علي الدائري عند المنيب تفضل ماشي

هتعدي نزله المنيب وتكل شويه وتعدي من فوق النيل

وتنزل او نزله هتنزل علي الكورنيش في اتجاه حلوان

هتمشي شويه عليه لغايه ما تلاقي المحكمه الدستوريه ومستشفي القوات المسلحه علي شمالك تخش الشارع الي ما بينهم

تمشي فيه لحد اخره وتعدي التقاطع زي ما انت

هتوصل لمحطه المترو

المشاركة الأصلية كتبت بواسطة _hema

اخى الكريم



اسمح لى ان اشترك بموضوعك



هناك طريقان من الدائرى


الاول :

من الزراعى عند مطلع الدائرى اتجاه مصر الصحراوى من ميت نما

وطول هذه الوصله حتى المعادى القديمه حوالى 38 كم تقريباً

طريق السير

من مطلع الدائرى بميت نما بقليوب اتجاه الصحرواى وهى اول مطلع يمين من الزراعى

وحضرتك تظل سائراً وبعد نزله ميدان لبنان تتابع العلامات الارشاليه لإتجاه المعادى وستجد حضرتك على هذا الطريق مطلعين متباعدين اولهما مطلع محور صفط اللبن ويعلوه الكوبرى المار للجهه الاخرى

بعد هذا المطلع بكام كيلو هتلاقى ف اقصى اليمين مطلع محور المريوطه المؤدى الى المعادى ومدينه نصر والمطار والقاهره الجديده إطلع هذا المطلع واستمر فى حركه السير مع الطريق سيأخك الطريق الى الناحيه الاخرى من الدائرى تظل سائراً هكذا وعيناك دائما متابعه اتجاه اليمين حتى ترى النيل وهنا تبداء تستعد وتأخذ يمينك تدريجياً حتى تعبر النيل من على الكوبرى وفى اول نزول للكوبر يمين تنزل... هكذا تكون فى طريق كورنيش المعادى ولاحظ وان سائر ان ترى مستتشفى القوات المسلحه ( مستشفى المعادى) عن شمالك

بعد فتحه الاتجاه للخلف او الدخول خلف المستشفى ستكون قريب جداً من المعادى وسياقبلك مدخلان للمعادى اي منهما شئت ادخل وان افضل ان تظل سائراً وماسك شمالك وبسرعه متناسبه حتى تقترب من بنزينه توتال المعادى فهذا مدخل المعادى2 ادخل مع الطريق شمال وفاول ميدان هو ميدان مستشفى الفاروق اركن على جنب وأسأل عن المكان اللى عايز تروحه



الطريق التانى اطول شويه حوالى (52)كم تقريبا


وفى عجاله تظل سائراً بعد مطلع الصحراوى الى المطلع الاخرى المؤدى الى مصر الجديده وطريق اسماعليه وعندما تكون فى الطريق على الدائرى ستظل سائرا الى ان تجد ( ثلاثه انفاق) نفق السلام ونفقات للقاهره الجديده وبين كل نفق والاخر مسافه


بعد الخروج من اخر نفق ستظل سائراً الى ان يقابلك بعد بنزينه وطنيه على اليمن مطلع الاتوستراد المؤدى الى المعادى وحلوان


ولكن هذا الطريق سيؤدى بك الى المعادى الجديده اولاُ ومنها الى المعادى الجديده



اسف على الإطاله وارجو او اكون قد افدتك


لكل كل الود

احسن كلام
و شرح وافى تماما
جزاك الله خيرا



.

المشاركة الأصلية كتبت بواسطة ahmed_mido1889

يبقي اسهل طريق انك تطلع الدائري من شبرا في اتجاه الهرم
لحد ما توصل لوصله المريوطيه الجديده تطلعها
عتنزل في خرها علي الدائري عند المنيب تفضل ماشي

هتعدي نزله المنيب وتكل شويه وتعدي من فوق النيل

وتنزل او نزله هتنزل علي الكورنيش في اتجاه حلوان

هتمشي شويه عليه لغايه ما تلاقي المحكمه الدستوريه ومستشفي القوات المسلحه علي شمالك تخش الشارع الي ما بينهم

تمشي فيه لحد اخره وتعدي التقاطع زي ما انت

هتوصل لمحطه المترو

ده طبعا اقصر واسلم طريق ما تطلعش الوصلة التانية بتاعة المرج ومدينة نصر لانها لفة كبيرة جدا ومالهاش اي معني .... زي ما احمد قال لحضرتك بعد قليوب هاتخد اول طلعة دائري يمين وتكمل دائري عادي هاتقابلك نزلة ميدان لبنان تفوتها ووراها صفت تفوتها ... وبعدين هاتلاقي مخرج الدائري المعادي مدينة نصر ... هاتخد اقصي اليمين و تطلعه .... وتكمل زي ما احمد شارح لحضرتك بالظبط

وحمد الله عالسلامة مقدما :)