عايزه اروع الهرم .. اروح ازاي؟

**AmatoALLAH** · 30-01-2012 10:34 PM

السلام عليكم و رحمة الله و بركاته

عايزه اروح الهرم و دا ان شاء الله هيكون يوميا لمدة 3 اسابيع

السؤال بئي , هل فيه مترو انفاق بيوصل شارع الهرم؟ يا رب يكون فيه
و لو فيه اخره فين , يعني في اول الشارع و لا اخره؟

طيب لو ما فيش مترو انفاق هل فيه اي طريقة ادمية اروح بها غير الميكروباص او الاتوبيس المكيف لاني اتخضيت لما شوفته , حاله بئي ابشع من الاتوبيس العادي غير زمان من 10 سنين ما كنت بروح به الكليه

و لو مافيش ايه افضل طريق اروح به من مصر الجديدة للهرم بالعربية و يكون سالك مش زحمة اوي و يكون ءامن؟ غير طبعا طريق صلاح سالم و المنيل طوالي

مع اني افضل حاجة غير العربية لان الطريق طوييييييل و انا هكون تعبت اصلا من الطريق علي ما اوصل ان شاء الله

شكرا مقدما

**mahmoud_afifi** · 30-01-2012 11:22 PM

المشاركة الأصلية كتبت بواسطة tawfic

لو بالعربيه
الدائرى والنزول فى المريطويه او المنصوريه
ده فى حاله لو حضرتك رايحه اخر الهرم
او النزول فى نازله المنيب لو رايحه اول الهرم

+1
انا عن نفسي لما بروح الهرم من التجمع باخد الدائري طوالي للمريوطيه. طريق سالك وتمام
وبلاش بهدلة المواصلات

**AmatoALLAH** · 31-01-2012 12:02 AM

شكرا ليكم جدا

يعني مافيش مترو بيروح شارع الهرم نفسه؟

نفسي اركن العربيه في محطة مترو قريبه و اركب عربية السيدات :)

لو مافيش , صعب اركب ميكروباص او تاكسي

انا رايحة محطة المطبعة , بتهيئلي دي اخر الهرم بس مش عند المريوطية , قبلها بشويه بس مش عارفه بأد ايه

و علي الدائري نازلة المريوطية عليها يافطة واضحه و لا هعرفها ازاي :)

**أحمد كمال** · 31-01-2012 12:34 AM

دي صابونة و لا مرتبة و لا ميدالية اللي في التوقيع دي (بتاعة بروتون كلاب) مش فاهم منها حاجة

**AmatoALLAH** · 31-01-2012 12:42 AM

المشاركة الأصلية كتبت بواسطة mnabeih

المترو بيروح لحد اول شارع الهرم من ناحية الجيزة, المحطة اسمها الجيزة بتنزلك عند النفق اللي في اول الهرم دة المترو الجديد
انت اقرب محطة مترو ليكي اية اساسا كوبري القبة واللا اية؟؟؟؟؟؟؟
لو هاتروحي لمحطة كوبري القبة و تركني يبقي كويس و تحولي في محطة السادات او مبارك للمترو الخط التاني الجديد اتجاة الجيزة و تنزلي محطة الجيزة

و تركبي بقي تاكسي ب 6-7 جنيه او ميكروباص ب جنيه
المطبعة تعتبر بعد تلتين شارع الهرم

اه كوبري القبة قريبة او الزيتون
هو فعلا التاكسي ممكن ياخد مني 6 او 7 جنيه بس؟

و لا هيوقلي 20 و 25 جنيه؟

و لو عايزه اروح محطة المطبعة طريق الدائري كويس ؟

بجد شكرا لحضرتك

-

-

-

-

-

الموضوع: عايزه اروع الهرم .. اروح ازاي؟

LinkBack

أدوات الموضوع

عرض

عايزه اروع الهرم .. اروح ازاي؟ - انشر الموضوع فى :

-

-

المواضيع المتشابهه

اروح ازاى من الهرم للبساتين

عاجل .. ازاي اروح لمستشفي وادي النيل من الهرم !!

اروح سيتي ستارز من الهرم ازاي

عاوز اروح فاقوس من الهرم

عاوز اروح الحرفيين من الهرم

الكلمات الدلالية لهذا الموضوع

المفضلات

المفضلات

ضوابط المشاركة