حسبنا الله ونعم الوكيل

**khaled4allah** · 02-02-2012 12:38 PM

حقيقة ما حدث في بورسعيد ! ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ معلومات موثوقة حصلت عليها من الصديق "عماد عوض الله " وهو من بورسعيد ، أبلغني أن كلها تؤكد أنا مؤامرة ضد الثورة . وبدأ مشيرا إلي أنه بعد دخول الكثير من الجهور ، قام الامن متعمدا بفتح البوابات أمام الجماهير ليسمح لهم بالدخول المجاني بدون تذاكر او حتي تفتيش ، لتدخل مجموعات مسلحة بالمسدسات والسيوف ، وهذا... ما لم يحدث أبدا من قبل ، هذا إلي جانب ما يؤكده الجمهور بعدم حضور محافظ بورسعيد ومدير الأمن . وبعدها قام مجموعة من هؤلاء الذين دخلوا فيما بعد بدون تفتيش بالدخول إلي مدرجات الأهلي ورفع لافتة كبيرة مكتوب عليها " بلد البالة .. ما فيهاش رجالة " .. مما أثار استياء جمهور بورسعيد فبدأ يهتف ضد جمهور الأهلي ، وأصر علي مطالبة الأمن بإزالة اللافتة ، إلا أن الامن رفض ازالتها كما يقول ، وحين سئل ألتراس الأهلي فيما بعد لماذا فعلتم ذلك قال البعض منهم " هؤلاء ليسوا منا ولا نعرفهم " ويضيف "عماد عوض الله" أن غضب الجمهور استمر طوال المباراة بسبب ذلك ، وحاول البعض النزول لضرب اللاعبين والجمهور فور انتهاء المباراة ففوجئ بأن الأمن ترك لهم الأبواب مفتوحة ، وكذلك لم يمنعهم من النزول وولوا وجوههم الناحية الأخري ، من ناحية أخري فقد تواجد هناك مجموعة مشبوهة خارج الإستاد تنتظر "ألتراس الأهلي" مسلحة بالمسدسات والسيوف ، وبدأوا في انتظار الألتراس وإطلاق الرصاص عليهم فور خروجهم. لكن الأخطر هو ما يؤكده "عماد" مضيفا أنه حينما سمع أهالي بورسعيد أصوات إطلاق الرصاص علي "ألتراس الأهلي" حاولوا الدخول إلي منطقة الإستاد لحمايتهم فوجئ بالجيش يغلق الطريق لمنطقة الاستاد بالمدرعات .. ويمنع الاهالي من الدخول لحمايتهم ، ويقف في مكانه وهو يسمع أصوات الرصاص دون أي تدخل . ويضيف أن البلطجية أطلقوا النار أيضا علي مواطني بورسعيد حين حاولوا إنقاذ ألتراس الأهلي من القتل ، بل أن البلطجية ذهبوا لضرب الناس بداخل المستشفي العام لبورسعيد ، ولم يمنعهم سوي الأهالي الذين جاءوا لحماية المستشفي بصدورهم ، بينما مدرعات الجيش كانت قد اختفت بصورة مفاجئة اليوم من أمام المستشفي لأول مرة منذ بداية الثورة ، ويؤكد أن الأمر تجاوز ذلك إلي إطلاق الرصاص علي أهالي بورسعيد في مناطق مختلفة من مناطق بورسعيد و هناك 28 بورسعيدى .
ويختم "عماد عوض الله" أن الغريب أن منطقة الإستاد هي أكثر منطقة مؤمنة في بورسعيد لأنها منطقة البنوك والأثرياء ، ووجود الجيش فيها وجود مكثف ، خاصة أن الاستاد يبعد ما بين 500 و 700 متر عن مديرية الأمن ومبني المحافظة الذي هو في نفس الوقت مقر إدارة الحاكم العسكري في بورسعيد ...........

**alfath8** · 02-02-2012 07:57 PM

ان العين لتدمع وان القلب ليحزن ولا تقول الا ما يرضى ربنا
انا لله وانا اليه راجعون
والله انا اول مرة فى حياتى اكره بلدى بالطريقة دى

**khaled4allah** · 02-02-2012 08:19 PM

محمد بورسعيد بريئة من اللي حصل ورجالة بورسعيد كانوا بيتبرعوا بالدم بالالاف
والالتراس المصري كان بيساعد الالتراس الاهلي وبينقلهم للوحدات الطبية ودي انا شفتها بعيني وكان نفسي اصورها بس مكانش معايا موبايلي
تاكد ان كل ده مدبر ومتخطط ليه
ويمكرون ويمكر الله والله خير الماكرين

**khaled4allah** · 02-02-2012 08:22 PM

شهاده احد جماهير (المصرى) بورسعيد

والله اللى حصل ده مؤامره رخيصه مدبره بشكل يفوق الوصف
انا هقول اللى شفته واللى اعرفه واللى متأكد منه
متصدقوش اى حد يقولك اللى حصل بسبب يافطه اترفعت ولا شتيمه
فى بلطجيه معروفين كانوا ف الاستاد ومعاهم سلاح ابيض ف الماتش وطول الشوط التانى كانوا موجودين جوا الملعب
الظباط شايفين معاهم السلاح ومش بيمسكوا حد .. سايبينهم ليه؟؟
اول م الحكم صفر بوابات الاستاد اللى بتودى على الملعب كلها اتفتحت
هنقول مثلا مثلا ان جمهور بورسعيد كان متعصب وكسر البوابات اووووكى انا معاكوا وهنمشيها كدا
طيب مين بقى اللى فتحت بوابات مدرجات الاهلى؟؟؟
جمهور الاهلى هو اللى فتحها عشان يموت يعنى؟؟؟
هنقول جمهور الاهلى كان ليه مزاج يموت امبارح ف فتحها اوووووكى
مين بقى اللى حط سلالم عشان الناس تطلع لمدرج جمهور الاهلى ؟؟؟؟؟؟؟؟؟؟؟؟؟؟
جمهور بورسعيد داخل بسلم الاستاد كمان ولا ايه !!!!!!!!!
ومين قفل باب الخروج الخاص بجمهور الاهلى ومنعهم من الخروج واتسبب ف اختناق ناس كتير ولم حاولوا يكسروا الباب وقع عليهم ومات بسببه ناس كتيييييير
اول م ده حصل النور طفا ف الاستاد وسمعنا ضرب النار وده اللى اكدته النيابه النهارده الصبح بوجود طلقات ناريه وخرطوش
جمهور بورسعيد هو اللى كان بيودى جمهور الاهلى المستشفيات عشان الجيش كان قافل الشوارع والاسعاف معرفش يوصل
جمهور بورسعيد هو اللى كان بالاااااف عند بنك الدم بيتبرع بدمه عشان نقدر ننقذ اى مصرى مصاب
لو فى نيه مبيته من جمهور بورسعيد لعمل شغب كان الناس كسرت اتوبيس الاعيبه قبلها بيوم وهو داخل بورسعيد
او كانوا استنوا جمهور الاهلى اول م يدخل بورسعيد
ايــــــــــه السبب انه البورسعيديه يعملوا كدا وهما كاسبنييييييين
لو البورسعيديه عايزين يعملوا كدا مين قال للناس تقفل محلاتها والبلد كلها طافيه النور والقرآن ف كل مكان
لسه مش متأكد ان كلامى بيأكد المؤامره اللى حصلت
طب قولى ليه ف نفس الوقت فض اعتصام ماسبيرو وحرق الخيام وسحل المتظاهرين؟؟؟؟
نفس طريقه حرق المجمع العلمى اللى عمرنا م كنا نعرفه وشغلوا الرأى العام بيه وسابوا البنت اللى اتعرت وكانت لابسه ايه ومش لابسه ايه !!!!!
برده مش مصدق كلامى اسمع شهادة شباب الالتراس العائد اليوم .من بورسعيد بيقول
الهجوم اللى حصل علينا مش من ناس بتتخانق ..احنا متعودين على الاشتباك والخناقات.
دول كانوا ناس كل ماتوصل لواحد فينا تقتله مباشرة بضربة واحدة وكانوا بيستخدموا حركة كسر الرقبة اللى بتقتل فورا علشان كده معرفناش نتعامل معاهم

لسه برده مش مصدق كلامى ؟؟؟؟
ممكن تقولى طيب ازاى بعد م البورسعيديه جامدين اوى كدا وبيقتلوا مصريين بسهوله ودم بارد عشان ماتش كوره ف الوقت اللى بكتب فيه الكلام ده وقت اذان الضهر صلاه الجنازه على 27 واحد بورسعيدى ماتوا امبارح؟؟؟؟؟؟؟؟؟؟؟؟؟؟؟
طب ماتوا ازاى ومين اللى موتهم؟؟؟؟
من الاخر اللى فتح البوابات للجماهير هو اللى سمح للجمال تعدى وتوصل للميدان يوم موقعه الجمل اللى بتشبه احداث بورسعيد جداااا ف كل حاجه حتى ف التاريخ موقعه الجمل 2/2/2011 واحداث بورسعيد 1/2/2012
لو تشويه بورسعيد والبورسعيديه هيكون اخر مسمار ف نعش طنطاوى ومجلسه فأهلا وسهلا بالتشويه والشتيمه
دى شهادتى قدامك وقدام ربنا على اللى انا شوفته واللى متأكد منه
تحيا مصر والمجد للشداء
الثوره مستمره ... يسقط يسقط حكم العسكر

**ashouhdy** · 02-02-2012 08:22 PM

كلااااااااااااااب

**ashouhdy** · 02-02-2012 08:24 PM

على فكرة مفيش حد مصدق ان البورسعيدية يعملوا كدة غير = المجلس المحرك !

**joacky** · 03-02-2012 04:20 PM

والله يا جدعان أنتوا ظالمين الجيش والشرطة لأن ببساطة اما بيضرابوا بتقولوا الي ماتوا دول شهداء وى بتحسبوهم على الشهداء غلط وى يقولك ان الشرطة وى الجيش هما اللى قتلوا وى سوا الهوايل وى أما يسييب الجيش وى الشرطة تقولوا تقصير أمنى لا صراحة الكلام دة مش مظبوط وى فية مهموز اتضرب وى اسفين اتفقع , لكن بالله عليكم متظلموش رجال الشرطة أو الجيش