الموضوع: العربية بتطفى لوحدها اوقات و بتتعبنى فى الدوارة (فولكس بورا)

اولا الف مبروك على العربيه انا معايا اسكودا فابيا 1400 ولما اشتريتها كنت امشي بيها شويه حلوين وبعدين تعمل زيك وتبطل
المهم بعد معناه وبهدله مع الميكانيكيه طلعت الطرمبه الي فيها المشكله كانت لما العربيه بتمشي كتير كانت الطرمبه بتسخن وتقطع بنزين مع العلم اني كشفت كمبيوتر ومطلعش اي اخطاء
وبعد ماغيرت قلب الطرمبه العربيه اتظبطت والحمدالله وعمرها ماطفت لوحدها

انت متروحش لميكانيكي روح لكهربائي بس يكون متخصص انا ممكن اقلك على واحد في الحرفين شغال skoda-vw-audi فقط

حاول تروح لحد يكون عنده جهاز قياس ضغط البنزين وده عباره عن عداد بيركب على مسطرة الرشاشات فى فتحة قياس خاصه له للاسف كتير من الميكانيكية بيفتكرها لتسريب الضغط من المسطره لو طرمبة البنزين فيها مشكلة هيبان لان التناسب بين معدل استهلاك الوقود وسرعة دوران المحرك وضغط الوقود بيكون طردى او لو حد عنده جهاز vag بسسكون فاهم هيلاقى معدل ضخ الوقود فى measuring blocks

المشاركة الأصلية كتبت بواسطة toola

الحمد لله, اتبعت حدسى و ذهبت الى ورشة محمد سمير و هانى عصمت الورا حديقة بدر و السبب اعتقادى ان الراجل ده بيعدى عليه عربيات كتير جدا و غالبا أكيد عيب زى ده أكيد عدى عليه قبل كده, و بالفعل الصنايعية عندو فكوا و حلوا, و جيه هوا سالهم ايه الشكوى و ايه البيحصل حكولو, راح قايلهم على شوية حاجات عملوها و تمت بحمد الله وتم اكتشاف العيب و كان كالأتى:

1- حساس الأوكسجين, تم تغييره جديد ب 100 ج.
2-موبينة توزيع الكهرباء, تم تغييرها استيراد ب 300 و شوية هبص فى الفاتورة و أقولكو.

النتيجة: العربية لغاية دلوقتى مبطلتشى ولا مرة الحمد لله, تهييسة الrpm محصلتشى تانى, تحسن ملحوظ جدا فى السحب والنتش البسيط الكان بيظهر فى بعض النقلات.

شكرا لمقتراحتك جميعا.

عموما رأيى ان الميكانيكى بتاعى كويس و فاهم فى العربية لكن فى حالة المشاكل الغريبة لابد من الذهاب الى الأكثر خبرة و تجربة حتى لو كان غالى شوية (بصراحة بالنسبة ليه فالعمولة معقولة مش حراقة و عملوا تخفيض نظرا ان العربية اول مرة تخوشلهم) و هانى نفسو فعلا خبرة فى العربية ,و يكفى ان اقولكو ان كان فى فى حدود 30 عربية على الأقل عندو, تبتدى من بولو و فابيا و خش على البورا و الجولف 4 و من ثم الجيتا و أوكتافيا 5 و فولكس ايوس و باسات الجديدة, و انتهاءا ب باسات cc من ليبيا موتور 2000 سى سى تربو و بالطبع عدد مهول من الصنايعية المتدرجى الخبرة بدءا من العيال الصغيرين المساعدية و من ثم البيشتغلو بايدهم و من ثم الأكثر خبرة و البيلفوا على العربيات لابداء النصيحة و التأكد من جودة العمل و انتهاءا بهانى نفسو.

المشكلة فى العطلة و الوقفة الكتير و الزحمة خصوصا انه كان يوم جمعة.

اه هما بصراحه ناس فاهمه وشغله حلو بس مقبلتهم مبتكنش حلوه وممكن تقعد كتير مستني