قسط ولا كاش؟

**shaddadfalcon1** · 05-02-2012 01:53 PM

السلام عليكم

عايز اعرف لو انت معاك عربيه تمنها مش هيكمل 38 الف او 40 الف وعايز تشتري بروتون جين 2 مثلا هتبقي عامله جوالي 87 الف
وانت في خلال فتره قريبه تقدر تجمع المبلغ ده وتشتري كاش هل هتعمل كده ولا تاخد مثلا 50 الف وتشتريها قسط وتقسط الباقي علي سنتين او تلاته وبالتالي هتدفع حوالي 12 الف ذياده في اسوأ الظروف

طبعا ناخد في عين الأعتبار الظروف الحاليه وكده

انا بس صعبان عليا اني ادفع فوق تمن العربيه 50 الف جنيه مره واحده عشان اركب عربيه جديده وفي نفس الوقت بقول اشتري مستعمل واكملهم 70 الف بس برده الفرق حوالي 17 الف بس هبقي راكب جديد

ال 50 الف دوول الواحد ممكن يعمل بيهم حاجات كتيير بصراحه

ياريت الناس لو مكاني تقولي هتعمل ايه وايه احسن حاجه فعلا

**egyptiandiver** · 05-02-2012 02:10 PM

رأيي هات ميتسوبيشي لانسر حديث، شكل ال-gen2 تحفة بس قطع غيارها، مشاكلها و انتشارها إيه؟، و بكام معلش؟ و سعر إعادة البيع ؟ حضرتك راكب لانوس زي ... يعني متعود تجيب قطع غيارك بسهولة و كمان أي مكانيكي عادي يقدر يشتغل فيها بدون مشاكل. و بعدين ذي ما حضرتك شايف ظروف البلد .... ربنا يستر! و العربيات دي معرضة للحوادث و السرقة و و ...تقوم تدخل نفسك في اقساط و تنام مديون كل يوم بليل و العربية بتلمع تحت البيت و يجي واد تيت و يرسملك عليها بمسمار مصدي.... ربنا يوجه حضرتك للصالح - أخوك أحمد سامي

**shaddadfalcon1** · 05-02-2012 02:31 PM

المشاركة الأصلية كتبت بواسطة egyptiandiver

رأيي هات ميتسوبيشي لانسر حديث، شكل ال-gen2 تحفة بس قطع غيارها، مشاكلها و انتشارها إيه؟، و بكام معلش؟ و سعر إعادة البيع ؟ حضرتك راكب لانوس زي ... يعني متعود تجيب قطع غيارك بسهولة و كمان أي مكانيكي عادي يقدر يشتغل فيها بدون مشاكل. و بعدين ذي ما حضرتك شايف ظروف البلد .... ربنا يستر! و العربيات دي معرضة للحوادث و السرقة و و ...تقوم تدخل نفسك في اقساط و تنام مديون كل يوم بليل و العربية بتلمع تحت البيت و يجي واد تيت و يرسملك عليها بمسمار مصدي.... ربنا يوجه حضرتك للصالح - أخوك أحمد سامي

شكرا استاذ احمد

حضرتك تقصد لانسر حديث زي البومه كده يعني؟

بالنسبه للجين 2 هي ب 87 يعني هي افضل واحسن من كل الفئات التانيه زي الاوبترا ولاصني والحاجات دي ومسمعتش عن مشاكل فنيه فيها غير موضوع قطع الغيار واعادة سعرالبيع

بس هي هتبقي جديده وبالتالي موضوع قطع الغيار مش هيبقي مشكله لاني مش هحتاجه كتيير المفروض وموضوع انها تعمل حادئه وكده فده بايد ربنا سبحانه وتعالي

وانا لو هجيب جديد مش هبيع قبل 4 سنين مثلا وساعتها بيهيالي سعرا لبيع مش هيبقي بالنسبه للأوبترا مثلا
يعني سعرها هينزل كام مثلا؟ اكيد مش هتبقي ب 40 الف يعني

**M.Alaa92** · 05-02-2012 03:11 PM

بص انا رايى تخلى الانوس شوية لحد م الدنيا تتظبط خااالص لانه الدنيا مش امان و السرقة عينى عينك

وبعد م الدنيا تتظبط بيعها و زود شوية و تجيب جين 2 يوزد بس اهم حاااجة الحاالة مدام حضرتك مستكتر تدفع 50 الف زياادة ف عربية ف حالة الكاش و 62 ع اسوء تقدير ف حالة القسط

**mailo** · 05-02-2012 05:35 PM

بغض النظر عن العربيتين
الكاش أحسن في كل التعاملات

**mohamed_rhem** · 05-02-2012 05:36 PM

انا انصحك في عربيات موديل 2011 بيبقي عليها خصم كويس

اكتر من 5 الاف جنيه انا شخصيا اخدت خصم 9000 جنيه في ديهاتسو سيريون 1 موديل 2009 استلمتها اغسطس 2010

وقسط تقسيط اسلامي طبعا بدون تامين شامل وان كان في شركات دلوقت اسلامية تكافليه زي بيت المال السعودي او المصري السعودي حاجه كده هما في

عباس العقاد

لو دفعت اكتر من نص ثمن العربية مش شرط التأمين

وبكده تكون اخدت زيرو وجزء من الزيادة اخدته خصم

ومتنساش السيولة ضروريه جدا الفترة ده

وكمان الجنيه في النازل يعني مهما كانت المرابحه 8.5 او 9 % انت الكسبان

التضخم مش اقل من 20%

ارجو ان اكون افدتك

**shaddadfalcon1** · 05-02-2012 05:38 PM

المشاركة الأصلية كتبت بواسطة mailo

بغض النظر عن العربيتين
الكاش أحسن في كل التعاملات

ليه احسن؟ انا طول عرمي بتاعمل بكاش
بس تخيل كده لو انا معايا 50 الف اروح احطهم في عربيه ولا ادفع منهم 10 بس والباقي اقسطه؟ ويبقي معايا ال 40 اعمل بيهم اي مصلحه؟

من حوالي سنه الكهربائي بتاعي كان بيتحايل عليا عشان ادخل معاه في جمعيه ب 1000 جنيه 40 نفر ووصلت ب 48 وكنت هدخل بدورين واحد في الأول وواحد في الأخر

كان بيقولي تعملك بيه مصلحه وانا قلت لا

كان زماني دولقتي قابضها وكنت جبت بيها العربيه وسددتها علي 48 شهر من غير فوايد

**shaddadfalcon1** · 05-02-2012 05:40 PM

المشاركة الأصلية كتبت بواسطة mohamed_rhem

انا انصحك في عربيات موديل 2011 بيبقي عليها خصم كويس

اكتر من 5 الاف جنيه انا شخصيا اخدت خصم 9000 جنيه في ديهاتسو سيريون 1 موديل 2009 استلمتها اغسطس 2010

وقسط تقسيط اسلامي طبعا بدون تامين شامل وان كان في شركات دلوقت اسلامية تكافليه زي بيت المال السعودي او المصري السعودي حاجه كده هما في

عباس العقاد

لو دفعت اكتر من نص ثمن العربية مش شرط التأمين

وبكده تكون اخدت زيرو وجزء من الزيادة اخدته خصم

ومتنساش السيولة ضروريه جدا الفترة ده

وكمان الجنيه في النازل يعني مهما كانت المرابحه 8.5 او 9 % انت الكسبان

التضخم مش اقل من 20%

ارجو ان اكون افدتك

ماشاء الله 9000 خصم حلو قوي يعني الفلوس اللي ذادت فوايد تعتبر اخدتها خصم يعني كانك اشتريت من غير فوايد خالص

بس العربيات دي مش بتبقي مركونه ومتبهدله؟؟

اصلي فاهم ان 2012 عندنا اللي هو هتلاقيه اصلا بره نص او اواخر 2010 مثلا

**gebreel** · 05-02-2012 08:42 PM

بص يا باشا الكاش افضل في راحة البال و انك مش هتبقى حامل هم القسط و لو لاقدر الله احتجت الفلوس في حاجة طارئة زي لا قدر الله مرض او حاجة ربنا يكفينا الشر ممكن تخلي القسط ده يتعبك جدا

بس لو اللانوس خلاص شنشنت و جابت اخرها بيع و قسط و خلاص لكن لو تقدر تستنى بيها شوية استنى

**shaddadfalcon1** · 05-02-2012 10:28 PM

هي شغاله مبتقولش لا بس فيها شوية برومه لو استنين عليهم بعد سنه هتحتاج تتشد وفي نفس الوقت انا شغال في القاهره دلوقتي وبسافرا لأسكندريه كتيير طبعا غير الأصوات الغريبه بتاعة اللانوس بحس اني قاعد في شخشيخه

بفكر اشوف جمعيه كبيره واجيب كاش

الموضوع: قسط ولا كاش؟

LinkBack

أدوات الموضوع

عرض

-

-

-

الكلمات الدلالية لهذا الموضوع

المفضلات

المفضلات

ضوابط المشاركة