عايز نصيحتكم كلكم بالله عليكم

**Chrispo** · 06-02-2012 06:50 AM

السلام عليكم ورحمة الله وبركاته

طبعا يا جماعة انتو اخواتى ولما حبيت اخش فحاجة حبيت اسالكو مبدئيا انا كان جايلى شغل على

عربية مرسيدس 2011 والمرتب هيكون 1200 فى الشهر وهيبقى الشغل لمدة 4 ساعات فى اليوم

والعربية هتبات عند الشركة اللى هاشتغل فيها مش هتبات معايا

هو هاخد سياح وكده اوديهم هنا وهنا والكلام ده

دلوقتى طبعا عشان العربية غالية فالشركة عايزة تمضينى اقرار استلام سيارة ووصل امانة

وانا مقلق من الحتة دى بس ارجع واقول اماال كل اللى شغالين على ملاكى سياحى شغالين ازاى

هو انا بس قلقان من ظروف البلد ليحصل حاجة وانتو عارفين البلطجية وبرضو مش عارف موضوع وصل الامانة ده

خايف صاحب الشغل يمسكو عليا بعد كده لو حبيت اسيب الشغل انتو ايه رايكم بالنسبة للشغلانة وكل حاجة وهل اوافق ولا لا انا محتاج انى اجيب دخل شهرى زيادة ودى فرصة كويسة اوى

**mohamedbook** · 06-02-2012 07:03 AM

والله مش عشان 1200ج في الشهر يعني تشتغل عندهم سنة ب 14400 تمضي علي وصل امانة بمبلغ وقدرة انت محددتهوش
متحطش طوق حولين رقبتك
يعني لو حصل لاقدر الله والعربية اتسرقت هيستعبدوك عندهم بوصل الامانة
لو حصل اي مشكلة واعيز تمشي هيكون نفس النظام باردوا
الايام الي احنا فيها مش مضمونة ممكن حد يتعرضلك انت والاجانب الي معاك
بلاش
مش عشان تحسن دخلك تودي نفسك في دهية وتجيب لنفسك مصيبة ثم ان المبلغ مش مغري عشان تتمسك بيها

**أبو إياد** · 06-02-2012 07:57 AM

بالنسبه للموضوع ده مش هاينفع غير بوصل الامانه بمعنى ان هوده النظام الطبيعى السائد لازم وصل الامانه
اما اقرار استلام سياره بصفه امانه ده بيكون اقوى من وصل الامانه لانها تعتبر تبديد ولو هاتمضى عليه يبقى لازم يتغير مع كل عربيه تستلمها