ياريت تنصحوني بين اكسنت rb كاملة ولا النترا فاضية

**snake_eyes** · 06-02-2012 08:30 PM

ازيكم يا اجمل اعضاء في احلي منتدى بجد منتدي جامد والناس اللي فيه بيحبو يقدمو كل اللي عندهم علشان يفيدو الناس

انا كان عندي استفسار بسيط انا ناوي ان شاء الله اجيب هيونداي بفكر مابين الأكسنت rb اللي ب116 الف او النترا الفاضية اللي برده ب116 الف ياريت تنصحوني انا حابب اجيب هيونداي جدا بعد ما صرفت نظري عن اللانسر ياريت تنصحوني وياريت بسرعة شويه ويكون عن تجربه لواحده منهم وشكرا جداااااا

**heart_sugar** · 06-02-2012 09:35 PM

بسم الله الرحمن الرحيم
بالتوفيق ان شاء الله وربنا يكفيك شره
انا معايه اكسنت 2012 فاكيد حنصحك بيها :))
بص حقلك على حاجة تريحك
1- ما هي احتياجاتك للعربيه؟
2- عدد افراد الاسره؟
3- يهمك تركب عربيه بس ولا يهمك عربيه ومظهر؟
4- الاوبشن مهم ليك ولا لا ؟
5- يعني من الاخر تاخد شقه كبيره 3 غرف وتجهزها وتفرشها ولا تاخد شقه 2 غرف مفروشه ومتجهزها؟
لو رأي خد الاكسنت 2012 الكامله لانك حتستمتع

**adel1212** · 06-02-2012 10:29 PM

المشاركة الأصلية كتبت بواسطة heart_sugar

بسم الله الرحمن الرحيم
بالتوفيق ان شاء الله وربنا يكفيك شره
انا معايه اكسنت 2012 فاكيد حنصحك بيها :))
بص حقلك على حاجة تريحك
1- ما هي احتياجاتك للعربيه؟
2- عدد افراد الاسره؟
3- يهمك تركب عربيه بس ولا يهمك عربيه ومظهر؟
4- الاوبشن مهم ليك ولا لا ؟
5- يعني من الاخر تاخد شقه كبيره 3 غرف وتجهزها وتفرشها ولا تاخد شقه 2 غرف مفروشه ومتجهزها؟
لو رأي خد الاكسنت 2012 الكامله لانك حتستمتع

+1

**sabregas2010** · 06-02-2012 10:55 PM

اكيد اكسنت ار بى لان متعة العربية فى انك تستمتع بكمالياتها
اما الانترا فاضية مافيهاش اى متعة نهائى غير انها عربية شكلها حلو وبس
وعموما مفيش فرق كبير فى الشكل بين الاتنين
توكل على الله وهات الاكسنت

**atyam** · 06-02-2012 10:55 PM

المشاركة الأصلية كتبت بواسطة adel1212

+1

+1111

**el_nahal2004** · 06-02-2012 11:52 PM

انا افضل الاكسنت الكاملة

**ahmed.badie** · 07-02-2012 11:34 AM

المشاركة الأصلية كتبت بواسطة memo823000

راى شخصى
بلاش تجيب حاجه دلوقتى فى ظل الظروف اللى احنا فيها ووفر الفلوس محدش عارف بكره فيه ايه
لو مزنوق هات حاجه فى حدود 60 او 70 الف مستعمل حالته كويسه تمشى الحال زى لانسر ولا النترا قديم ولا ياريس ولما الظروف تتحسن اشترى زيرو واهو مش هتخسر كتير لما تيجى تبيع وتقدر تجيب اللى انت عايزه

لاكن لو مصمم فطبعا الالنترا (بس طبعا اتوماتيك) اقوى من الار بى (موتور - فتيس - وسع - شاسيه - عفشه - شكل خطير بره وجوه)
وطبعا انت لو جبت الانترا الفاضيه اتوماتيك وطقم جنوط 16 مع كاوتش 16/50/225 وفرش جلد لون جملى وجبت دى في دى مع جى بى اس وكاميرا خلفيه انسى الدنيا وركبت فئه محتلفه تماما تماما وتركب وتفخد ياريس واللى معاك يفخدو كمان لان العربيه وسعه بصراحه
بصراحه الار بى الكامله بالجنوط 14 ملهاش اى لزمه ولا شكل ولا ثبات يبقى ايه لزمتها وكمان بترقص جامد مع مطبات الهواء لاكن الالنترا بصراحه عربيه بسم الله ماشاء الله جباره من كله

++++++11111111111

**dreslam** · 07-02-2012 02:02 PM

انا كنت بفاضل بين الاكسنت الهاي لاين الفئه ب 119 الف وبين الالنترا اوتو فئه 128 الف وعشان انا محتاج شنطه كبيره وصالون كبير "فقط" استقريت عالالنترا لكن بكل المقاييس الاكسنت الكامله افضل مليون مره...لان اي عربيه تتركب فاضيه بتبقى ناقصه وتحس بالمتعه لما تركب الكامله اكثر..على فكره رغم تفضيلي للالنترا لكن نظرا لانعدام الاير باجز والايه بي اس اشتريت ميجان مستعمله "عشان ماكنتش عايز اغامر بالتقسيط في ظل الظروف الراهنه في البلد

**sabregas2010** · 07-02-2012 03:35 PM

المشاركة الأصلية كتبت بواسطة dreslam

انا كنت بفاضل بين الاكسنت الهاي لاين الفئه ب 119 الف وبين الالنترا اوتو فئه 128 الف وعشان انا محتاج شنطه كبيره وصالون كبير "فقط" استقريت عالالنترا لكن بكل المقاييس الاكسنت الكامله افضل مليون مره...لان اي عربيه تتركب فاضيه بتبقى ناقصه وتحس بالمتعه لما تركب الكامله اكثر..على فكره رغم تفضيلي للالنترا لكن نظرا لانعدام الاير باجز والايه بي اس اشتريت ميجان مستعمله "عشان ماكنتش عايز اغامر بالتقسيط في ظل الظروف الراهنه في البلد

كلام سليم 100 *100
وبخصوص الجنوط انا لو مكانك هركب فى الاكسنت جنط 16 وعيش يا نجم