الموضوع: محتار مابين لانوس و جين 2

انا كان عندى لانوس 2001 كنت شاريها زيرو و ركبتها سنتين و حاليا جين 2 2011 بقالها معايا 10 شهور

عايز اقوللك مافيش اى وجه للمقارنة ( مع احترامى للانوس كاكتر عربية اقتصادية و شعبية فى مصر)

اداء الجين 2 اقوى من اللانوس من ناحية الثبات و الاتزان و التسارع حوالى 100000000 مرة
طبعا انت اكيد عارف عيوب اللانوس زى ضعف الصاج و ضعف الفرامل و تفكك الغفشة بسرعة

ميزة اللانوس الوحيدة : انها عربية اقتصادية من جميع النواحى و قطع غيارها زى 128 و موفرة جدا فى البنزين

الجين 2 : لا تعتبر عربية اقتصادية غير فى سعرها بس تكاليف تشيغيلها و صيانتها ممكن تكون اضعاف اللانوس
هى من الاخر عربية ركوبة عايزة حد غاويها و يبقى راكبها و هو متكيف منها و مش زعلان انه يصرف عليها علشان مزاجه ( كده زى الناس الى بتحب تركب الفولكس بيتل او الامريكانى القديم) ، الجين 2 الى بيسوقها بيجيله ادمان جين 2 ( انا كان عندى النترا 2005 قبلها على طول و عندى ركوبة الجين 2 برقبة الالنترا مع ان الالنترا كانت اصيلة و عمرها ما عطلت على مدار 5 سنين)

بصراحة اللانوس الشيفروليه لا تقارن باللانوس الدايو فما بالك بالجين 2
اكيد الجين 2 احسن بدون تفكير

المشاركة الأصلية كتبت بواسطة tamerosman

انا كان عندى لانوس 2001 كنت شاريها زيرو و ركبتها سنتين و حاليا جين 2 2011 بقالها معايا 10 شهور

عايز اقوللك مافيش اى وجه للمقارنة ( مع احترامى للانوس كاكتر عربية اقتصادية و شعبية فى مصر)

طب يا ترى اخبار التوكيل ايه و الضمان هل المعاملة كويسة ولا ايه ؟

المشاركة الأصلية كتبت بواسطة tamerosman

ميزة اللانوس الوحيدة : انها عربية اقتصادية من جميع النواحى و قطع غيارها زى 128 و موفرة جدا فى البنزين

الجين 2 : لا تعتبر عربية اقتصادية غير فى سعرها بس تكاليف تشيغيلها و صيانتها ممكن تكون اضعاف اللانوس

أوبا انت كده بتيجي عالجرح ، لا انا كده أقلق أصل انا حاجيبها قسط و مش حمل موضوع قطع الغيار الغالية دي

الناس بتقارن الجين2 بهيونداى RB او صنى او اوبترا وممكن لانسر وحضرتك بتقارنها بلانوس ده ظلم يا صديقى

المشاركة الأصلية كتبت بواسطة mabdelrahim

طب يا ترى اخبار التوكيل ايه و الضمان هل المعاملة كويسة ولا ايه ؟

تضاربت الاراء حول التوكيل ، فى ناس بتقول انه عادى و ما كل التوكيلات فى مصر تعبانه و ناس بتقول عليه ..

انا عن نفسى و عن تجربة توكيل اسكندرية شايفه سىء جدا جدا ، لو انت فى القاهرة معندش اى مشاكل فى مركز صيانة معتمد من التوكيل اسمه عصام و صفا كل الناس بتشكر فيه بس هو برضه غالى و نفس اسعار التوكيل

أوبا انت كده بتيجي عالجرح ، لا انا كده أقلق أصل انا حاجيبها قسط و مش حمل موضوع قطع الغيار الغالية دي

من الاخر الجين 2 مش عربية موفرة و لو بصيت للموضوع من الناحية الاقتصادية ابعد عنها و خليك فى الهيونداى و كمان الجين 2 بتاكل بنزين جامد فى الزحمة ( بس فى السفر موفرة)

هو كل الناس اليومين دوول طالعين من لانوس رايحين علي جين 2 ولا ايه

انا برده نفس المشكله بس طبعا مش بقارنها بالانوس انا بقارنها بالاوبترا والصني والاكسنت