خلصت صيانة الخمس الاف خرجت من التوكيل وفردة الكاوتش مخرومة6 اخرام 6

**wael30003** · 07-02-2012 10:07 PM

بعد ما خرجت من التوكيل وخدت هديتى ونظفوا عربيتى ومشيت فى طريق الاسماعلية اتجاه القاهرة وطلعت الكوبرى ونزلت وكملت لغاية ما عديت من تحت الكوبرى التانى شمال لقيت بتاع مناديل وقفت يمين تحت الكوبرى وخدت علبتين مناديل جه الشاب قلى الفردة الامامية مهوية اكشف عليها
ما كدبتش خبر ودخلت البنزينة اللى امامى
كشف عليها لقى فيها 6 اخرام
ودى حاجة عمرها ما حصلت لى حتى فى 128
تفتكروا ممكن يكون ليه
حسد مثلا
ولا حد عاملى عمل
والعين صابتنى ورب العرش نجانى قبل ممشى عليها وتحصل كارثة
لانى مشيت بعد ما صلحتها ودفعت 50 جنيه
الخرم = 15 جنيه والراجل عملى اكرامية وخلاها 10 جنيه وكمان خرم هدية
بس اللى قالقنى ان خلاهملى كلهم خوابير عشان المسافة بينهم قريبة
مش عارف الكلام دة صح ولا بيضحك عليا عشان يصلح بسرعة ويشوف زبون تانى
الحمد لله ربنا ستر
على فكرة الى فيها ما كانش مسامير ده كان رايش حديد

**drosamaragab** · 08-02-2012 07:27 PM

ده نصاب انت كنت اشتريت فرده جديده احسن
الحمدلله عندنا في كفر الشيخ كان عملهم كلهم ب 5 جنية ورقص عشره بلدي

**Ahmed A Rahman** · 08-02-2012 08:52 PM

حضرتك حصل معاك اللي حصل مع ناس كتير

البنزينة متفقة مع الشاب انه يوقع "زبون"

حضرتك بتدخل ويتم خرم العجلة على ما يقدر

ياخد منك على اد ما يقدر وكمان يعمل لك تخفيض على اساس انه ابن حلال وعشان مترجعش تتخانق معاهم

ياريت تقول اسم البنزينة عشان ناخد بالنا

**elmahdy** · 09-02-2012 09:28 AM

حاول تخلي العجله ديه استبن وركب الاستبن مكانها وخد بالك بعد كده... ولما تفك عجلة تقف جمبها وعينك كا تفارقش بتاع الكاوتش منين ماراح خليك جمبه
99% منهم حاليا نصابين... خصوصا بتوع البنزينه

**Johnny82** · 09-02-2012 05:23 PM

حصل معايا بس دفعت اكتر من كدة وراقبتة وهو بيكشف عليها
الصراحة هو قالى انت مشيت بيها فاشة فعشان كدة اتخرمت لانها الكوتشات الجديدة سلك من جوا !!

**wael30003** · 09-02-2012 05:23 PM

حسبى الله ونعم الوكيل فى السبب وخاصة موضوع الخوابير ده مضايقنى جدا
والواد اللى بيصلح انا اقله لأ ....
وفضل يزن على ودانى لغاية ما اقنعنى انه خابور امريكى وغالى ومضمون والكلام اللى انتوا عارفينه
فعلا انا زعلت على الخوابير اللى حصلت فى الفردة اكتر من زعلى على الاخرام اللى حصلت فيها

**Johnny82** · 09-02-2012 05:27 PM

ممكن فعلا الفردة لو مشيت بيها فاشة تتقطع وتتخرم كتير !!
انا حاسس كدة بس لا يمنع ان العجلاتية معظمهم نصابين طبعا

**saidbakr** · 10-02-2012 02:45 AM

يا باشا قولنا بس على محطة البنزين دي ومكانها؟!

**wael30003** · 10-02-2012 03:29 PM

بعد ما تسيب التوكيل وتاخد طريق الاسماعيلية اتجاه القاهرة تمشى حوالى 5 كيلو لغاية ما تلاقى كوبرى تطلعه وبعدين تمشى شوية تلاقى كوبرى ما تطلعوش عدى من تحتيه شمال تلاقى البنزينة امامك مباشرة
وحسبى الله ونعم الوكيل
مش عارف صلاحية الفردة بعد الخوابير قد ايه ؟

-

الموضوع: خلصت صيانة الخمس الاف خرجت من التوكيل وفردة الكاوتش مخرومة6 اخرام 6

LinkBack

أدوات الموضوع

عرض

-

-

-

-

المواضيع المتشابهه

هل ممكن اعمل صيانة ال 10 الاف للفيرنا برة التوكيل؟

صيانة 10 و 40 الاف دة اشتغالات من التوكيل

صيانة الخمس الاف بالحجز؟؟

قبل ماروح اعمل صيانة الخمس الاف

صيانه الخمس الاف

الكلمات الدلالية لهذا الموضوع

المفضلات

المفضلات

ضوابط المشاركة