السلام عليكم سؤال عن كلابش السياره

**mohammedsaid** · 08-02-2012 11:27 PM

طبعا من غير مندخل فى مقدمات الكل عارف وضع البلد
سمعت فيه كلابش للسياره ياريت حد يقولى طريقه عمله ازاى او بمعنى اصح ازاى اركبه اسف فى السؤال بس لانى معنديش فكره
وهبعت حد يجبهولى بكره ان شاء الله وافضل الانواع واسعارها ان امكن
مشكورين

**M.Al-Hefnawy** · 09-02-2012 10:32 AM

الموجود في السوق كله صيني بس درجات تفرق في الخامة. أنا لسه جايب نوع امبارح بـ 120 جنيه من طنطا.

أنت بتركبه في دواسة الفرامل والدركسيون وتبدأ تقصره لغاية ما يمسك فيهم جامد وما يبقاش الدوركسيون بيلف.

**moumen_hs** · 09-02-2012 12:20 PM

بص ياباشا الانواع بتبتدى من 30 جم ودة طبعا ردى حتى 200 جم وكلة نفس طريقة العمل تقريبا ابعد عن الرخيص الى لون التغليف بتاع الدراع احمر او اصفر اى كلام ودة ثمنة 30جم انا جايب نوعين الواحد 50 جم الدراع محمل ومركب الاثنين مع بعض زيادة حرص وبثمن واحد من الغالى وزى الفل وحاول تجيب نوعين مختلفين شوية وكلة من التوفقية وهتلاقى مفتاحة صليبة ولونة اسود او رصاصى وفاصل معاهم لان ثمنة 50 الى 55 فقط

**tamertamer** · 09-02-2012 01:55 PM

بصراحة الحجات هنا فى مصر تعبانة جدا وانا جى من برة جبت 3 انما جمدين اوى لو ليك حد جى من برة خلية يجبلك واحد لان بتاع برة لما بتيجى تحاول تتطفشة بيعمل بلوك ومبيفتحش الى بمفتاح تانى خالص جى معاها قصة وحدوتة كل قالى فهمتة ان فى زرار جوة الخرم بتاع المفتاح لو دخل اى حاجة غير المفتاح الزرار او الحاجة دية بتعمل بلوك ولازم المفتاح التانى حاجة جمدة جدا جبت منها 2 وخواتى خدوها وعربيتى من غير حاجة شفت الذكاء بتاعى

**Kareem Fawzy** · 09-02-2012 05:03 PM

انا جبت نوع حلو قوى من التوفيقية صلب ومبفتاح كمبيوتر
جبته ب 70 جنيه بعد فصال كبيييييييير
بس بجد تقيل وحاجة كدة محترمة بيركب بين الطارة والفرامل لان عربيتى اتوماتيك