الموضوع: هسوق عربية افيو اتوماتك بكره

المشاركة الأصلية كتبت بواسطة amrelsaqqa

بص يا باشا في الاوتوماتيك عموما اهم حاجة تركن رجلك الشمال على جنب وتنساها خالص ، لأن مع اول حركة بالعربية هتحاول تدوس دبرياج والنتيجة هتكون انك هتدوس على القرامل جامد برجلك الشمال وهتبقى خضة جامدة ههههه

استعمل رجلك اليمين فقط في الدوس على البنزين او الفرامل



انا معرفش الافيو عاملة ايه بالظبط
بس عامة
p وضع الباركنج او الركن ده ما تجيبش عليه الا والعربية واقفة تماما وتكون هتركن و( تعشق ) العربية
r ده وضع الريفرس او المارشدير وضرورى جدا تنقل منه او ليه والعربية واقفة تماما ورجلك على الفرامل حفاظا على الفتيس
n وضع المور
d وضع القيادة
بعد كدة ممكن يكون فيه 1 2 3
او l1 l2
دى لو عايز تجبر العربية تمشى نقلة معينة


وممكن تلاقى + و - لو استيب ترونيك تزود نقلة وتقلل نقلة ( بس مش في الافيو )



النقل بين r p d يكون وانت واقف تماما ورجلك على الفرامل وتضغط على الزرار اللى في العصاية

ما تقلقش من طريقة تحريك العصاية هتعرفها لوحدك بمجرد ما تمسكها

حاجة كمان ، خلى بالك من حركة العربية كويس جدا ، لانها هتتحرك بمجرد ما ترفع رجلك من على الفرامل وحتى لو ما دوستش بنزين ممكن تمشى وتجمع سرعة لوحدها ..

تجربة موفقة ان شاء الله

+1111111111111111

تسلمووووووو ... احرك الدراع ازاااي

خد معاك حد علشان مش هتعرف تسوقها اول مره لوحدك هتدوس برجلك الشمال على الفرامل كأنها الدبرياج :)

المشاركة الأصلية كتبت بواسطة ahmadmidop

تسلمووووووو ... احرك الدراع ازاااي

عامه الأوتوماتيك نوعين

الأول العادي اللي تلاقي فيه كل النقلات ورا بعض و دا بيبقي فيه زرار في طرف الفيتيس العلوي يمين او شمال اضغط عليه و انقل للنقلة اللي انت عايزها



التاني زجزاج و ده مفيهوش زرار انت بس تتعوض علي اماكن الحارات



لازم لما تنقل من P الي اي وضع تكون دايس فرامل علي الأخر و خصوصا لو الفتيس زجزاج و الا الفتيس مش هيتحرك "مش عارف الكلام دا في الفتيس العادي كمان ولا لا"

و الأحسن انك تعود نفسك علي انك تفصل بين كل حركة بالفرامل احسن للفيتيس "انا بعمل كده" و ده لو يتتحرك من R, N, D و لكن لو بتتحرك بين ال D, 1, 2 ما تفصلشي بالفرامل لأن العربية بتكون ماشية