مشكلة و أحتاج مساعدة ضرورية

**civilengforum** · 09-02-2012 02:59 AM

السلام عليكم و رحمة الله و بركاته

عندي مشكلة كبيرة و محتار مش عارف أعمل ايه
العربية أوبترا 2011
و أنا وضعتها في جراج جنب البيت و معايا المفتاح اللي فيه الريموت و المفتاح التاني مع الراجل في الجراج و قد ضاع هذا المفتاح من الراجل
سألت ناس كتير و قالولي علي كذا حل منهم :
1- تغيير الكوالين للباب و الكونتاكت و الشنطة من التوكيل و دة هيتكلف 1400 جنية من الضمان بالخامات و المصنعية
2- تغيير الكوالين من راجل برة الضمان بحوالي 600 جنية و بالتالي هيضيع الضمان
3- تغيير ريش الكوالين من محل مفاتيح بالمنيل و هيتكلف تقريبا 300 جنية و الراجل هيخرطلي مفتاحين جداد و في ناس بتقول ان دة هيضيع الضمان و ناس بتقول لا
4- تركيب مفتاح فصل كهرباء سواء في العربية بالداخل أو توصيله بالريموت و طبعا ملوش علاقة بالتوكيل

ياريت يا جماعة مساعدة ضرورية و خاصة حوار الريش للكوالين و هل هو بيطلع العربية من الضمان و لا لأ.

شكرا مقدما للجميع

**hmada9009_99** · 09-02-2012 07:12 AM

رأيي متغيرش حاجه لسبب لو حضرتك خايف ان العربيه تتسرق فممكن من النسخه التانيه قبل ماتضيع يكون بتاع الجراج عمل عليها الف نسخه وده سهل هو ممكن حل وسط انك تجيب قفل من بتاع الدركسيون وتركبه وتدي نسخه لسايس واما تركن العربيه في اي حته تركب قفل الدركسيون وخلاص وطبعا متنساش ان السايس ده تحاول تبهدله شويه و تنشف عليه شويه لأن ممكن القصه ديه متفبركه والمفتاح ماضعش ولا حاجه انما دي قصه هو و حد تاني عملها علشان يوم ماتتسرق يقول اصل المفتاح ضايع ونصيحه انك تعمل بلاغ في القسم بان المفتاح ضاع من السايس وهما هيقرروا و يعرفوا المفتاح ضاع ولا بيستهبل وحتى لا قدر الله حصل حاجه تبقى مبلغ عن ضياع المفتاح

**MIGOS** · 09-02-2012 10:55 PM

الراجل ده بيستهبل ومفيش حاجه اسمها المفتاح ضاع من سايس
غير كل حاجه في التوكيل!!
هتغرم شويه بس مش هتخرج من الضمان
بالإضافة إلى ان غرامه زي دي هتبقى درس ليك (أنا آسف)
وهتبقى اشتريت عربيتك تاني وراحة بالك أحسن ما تخسرها هيا ودي الخسارة الأكبر