الموضوع: فيه هنا حد فى شركة لينك يقدر يساعدنى ؟؟؟؟؟؟

الموضوع وباختصار : إن الخط بتاعى كان 2 ميجا والسرعة كانت بالنهار ضعيفة جداً والتحميل لا يتعدى 60 كيلو بايت فى الثانية ، والسرعة تبدأ تتحسن من بعد 12 مساء وحتى 9 صباحا يوميا ولمدة شهر كامل مع متابعة الخط ، فذهبت للوكيل وقررت تنزيل سرعة الخط إلى 1 ميجا بعد أن علمت منه أن هناك ضغط من العملاء على الخطوط ، ومع بداية هذا الشهر وبالسرعة الجديدة اللى هى 1 ميجا فوجئت بإن الخط أصبح أسوأ من الأول والتحميل لا يتعدى 60 كيلو بايت فى النهار أو الليل ، على مدار 24 ساعة مع التجارب بالتحميل من موقع ياهوو جيمز مع إنه فى السابق كان أسرع فى الليل حتى الصباح من 12 مساء حتى 9 صباحا 2 ميجا كاملين والتحميل سرعته لا تقل عن 230 كيلو بايت فى الثانية .

الخط ده أنا جبته 2 ميجا مش علشان أعمل منه دانلود ولا الكلام ده ، أنا كنت جايبه علشان مبحبش أشوف التحميل التقيل الخاص بالسرعات الأقل ، ففوجئت بالخدمة السيئة المقدمة من شركة لينك ، وأنا بصراحة مش عارف أعمل إيه تانى مع الشركة مع إنى من العملاء المتلزمين بالسداد فى ميعاد الاشتراك ولم أتأخر عن السداد مرة واحدة أبداً معهم ، يعنى انا لم أقصر معهم فى شئ ، ومع ذلك أخد منهم خدمة سيئة جدا جدا جدا .

ولكم وافر التحية