استفسار عن فوجات الفيرنا

**dfsdfsdfs** · 10-02-2012 12:30 PM

انا معايا فيرنا 2009 وعايز اجبلها فوجات نضيفه انا سمعت انها في التوكيل بتعدي ال1000 وطبعا كدا هتبقي غاليه اوي فلو بتتباع الاصليه بسعر ارخص تكون بتتباع فين وبكام ؟ ولو في نوع مش اصلي بس يكون نضيف يكون بيتباع فين وبكام
وكنت عايز اعرف هو المفتاح بتاع الفوجات بيركب في دراع النور ولا بيبقي في التبلوه

**m7mda7md** · 10-02-2012 01:13 PM

فعلا فوانيس التوكيل غاليه جدا بس الصراحه مش عارف السعر بالتحديد......عندي حاليا فوانيس صيني ممتازه بس اعتقد اخرها اللمض ال 27 وات و لو ركبت لمض اعلي الفوانيس هتسيح(في ناس بتقول اي لمض عاليه حتي لو علي فانوس اصلي في الفيرنا الفانوس هيسيح).....يعني كبر دماغك و هات فانوسين صيني تقربا الاتنين ب 120 مش فاكر بالظبط و لمبتين 27 وات فيليبس او اي نوع نضيف و خلاص......ممكن تجيب لمض تلجي بس طبعا اضائتا هتبقي اضعف كتير بس شكلها احلي....الزرار بيركب في التابلوه جمب لاانتظار و تقريبا ب 40 جنيه.....لو عاوز فوانيس اصلي ممكن تدور عند بتوع الاستيراد ممكن تلاقي

**original** · 10-02-2012 07:02 PM

فعلا أنا شفت الصينى ب 75 جنيه والمفتاح شاحح ولو عايز النصيحة إشترى المفتاح الأول لو لقيته وبعد كده هات الفوانيس

**dfsdfsdfs** · 10-02-2012 07:26 PM

انا نزلت شوفت عند بتوع قطع الغيار مفيش غير الصيني بس باسعار مختلفه بيبدا من 50 وبينتهي ب80 للاتنين بس المشكله في المفتاح دة مش موجود ولا حتي في التوكيل وبالنسبه لسعر الفانوس الاصلي 340 جنيه للفانوس الواحد وده طبعا سعر خرافي يعني للفوج بس الخامه بتاعت الصيني وحشه اوي

**dfsdfsdfs** · 10-02-2012 07:34 PM

الف شكر يا رجاله علي الاهتمام وانا ان شاء الله هشوف سعر الفوج بره مصر كام لو كويس هجيبو من هناك ولو نفس السعر هجيب الصيني من هنا وخلاص

**tamatemo** · 19-02-2012 11:38 AM

الفوج الاصلي ب 350 الواحد من غير سعر الزرار بس اخر مرة سالت عليه كان في حدود 300

**fOlanz** · 19-02-2012 01:30 PM

انا لسه شاري الفوانيس من غير الزرار واللمض ..

النوع اللي يتحمل والبرنس والميه ميه اسمو ديبو تيواني depo

والمفتاح فعلا يعمل 40 او 35 انت وشطارتك .. واللمض من 35 ل 50 الواحده ..

وعيش يا باشا

**fOlanz** · 19-02-2012 01:40 PM

لمؤخذه اسعارهم 165 الاتنين من عند واحد اسمه الزقازيقي في التوفيقيه .. او سنتر الاخلاص بتاع الحاجه اخلاص

وخد بالك اسعار التوفيقيه مش رخيصه زي ما كل الناس فاكره

**sabregas2010** · 19-02-2012 02:30 PM

ممكن تسأل على الفوجات الاصلية عند اى موزع معتمد قطع غيار وهتكون ارص من التوكيل بكتير وده عن تجربة شصية لفوجات النيو اكسنت كانت فى التوكيل 900ج واشتريتها اصلية من موزع معتمد فى التوفيقية ب 475 ج ومركب فيهم الزينون من فترة ومفيش اى مشكلة تماما الحمد لله واهم حاجة مصفروش
الخلاصة حاول تشترى الاصلى من اى موزع معتمد

**Kareem Fawzy** · 19-02-2012 07:08 PM

هتلاقيهم عند السجان ماركة اسمها dlaa هى صينى بس نضيف
بيجوا الفانوسين بالضفيرة بالمفتاح
كنت شاريهم للالنترا ب250 جنيه جاهزين على التركيب
وركبت فيهم زينون ومساحوش ولا حاجة
بالتوفيق