العربية مش بتدوووووووووووور

**wel781** · 11-02-2012 05:20 PM

السلام عليكم

أرجو المساعدة سريعا يا شباب

أنا معايا بيكانتو مانيوال 2006 عاملة 122000 الف كيلو (وعملت صيانة ال 120000 فى التوكيل)

بقالى أسبوع كده تقريبا لما باجى بدور العربية بعد فترة وقوف مثلا 3 أو 4 ساعات

بتفضل تترج بتاع حوالى 20 او 30 ثانيه أكنها مش عارفة تدور كويس أو هاتبطل.

من يومين بقى الوضع أتدهور شوية وبقت كل ما ادورها تبطل مرتين كده و التالتع تشتغل !!!!!!!!!!!!!!!

المهم إنهاردة الصبح بقى مش عاوزة تدور خاااااااااااااااااااااالص
(أدور المفتاح تقوم عاملة صوت المارش و بعدين تلقط دوارة و مافيش ثانية و تبطل)

فضلت كده نصف ساعه تقريبا,
قمت قلت ههانطرلها

فضلت مديلها الغيار و عمال أرميلها و الناس عماله بتزق و العربية ماشية كأنها "دايرة" بس عمالة تترج جامد لغاية لما سمعت صوت الموتور دار عادى خالص وطلع دخان من الشكمان كتير.

أنا شاكك فى ترمبة البنزين ؟؟؟؟ هل أنا صح ولا ايه ؟؟

**SAMEH_FOUAD** · 11-02-2012 06:06 PM

انت اول حاجة هتشوفها طلمبة البنزين وتشيك عليها وانت ممكن تعرفها لوحدك من غير ماتوديها لميكانيكى كل اللى عليك انك تيجى تدورها عادى لو دارت يبقى خير وبركة مادارتش يبقى حضرتك هتروح مهوى بس صامولة فلتر البنزين وبعد كدة تخلى حد يفتحلك كونتاكت بس لو لقيت فية بنزين بدفع قوى بيطلع يبقى كدة اعرف ان الطلمبة شغالة كويس

ويبقى اتجهاك كلة رايح ( البوجيهات + تنظيف للثروتل بودى )

**wel781** · 16-02-2012 09:15 AM

فى حاجه غريبة حصلت العربية فضلت ثلاث أيام بتشتغل عادى
ويعد كده عملت تانى نفس الموضوع مش عارف بقى المشكلة أيه ؟

الموضوع ده أبتدى من ساعة ما حطيت بنزين من محطة فى المعادى أيام الازمة بتاعت البنزين
ومشهور عنها أنها بتخلط البنزين بحاجات تانيه (مياه مثلا)

أزاى أعرف ؟ أنا حاسس أنها مشكلة بسيطة بس أحط أيدى عليها

**moha4tec** · 17-02-2012 01:58 AM

المشاركة الأصلية كتبت بواسطة wel781

فى حاجه غريبة حصلت العربية فضلت ثلاث أيام بتشتغل عادى
ويعد كده عملت تانى نفس الموضوع مش عارف بقى المشكلة أيه ؟

الموضوع ده أبتدى من ساعة ما حطيت بنزين من محطة فى المعادى أيام الازمة بتاعت البنزين
ومشهور عنها أنها بتخلط البنزين بحاجات تانيه (مياه مثلا)

أزاى أعرف ؟ أنا حاسس أنها مشكلة بسيطة بس أحط أيدى عليها

ربنا معاك و مشكلتك تتحل باذن الله
يا ريت تقولنا اسم و مكان البنزينه دى عشان منمونش منها تانى

**wel781** · 17-02-2012 03:06 PM

المشاركة الأصلية كتبت بواسطة moha4tec

ربنا معاك و مشكلتك تتحل باذن الله
يا ريت تقولنا اسم و مكان البنزينه دى عشان منمونش منها تانى

بنزينة إسو فى شارع أحمد زكى حدائق المعادى

**wel781** · 17-02-2012 03:07 PM

المشاركة الأصلية كتبت بواسطة ahmedsrs

غيرت فلتر البنزين اخر مرة امتى

حقيقى مش عارف انا بعمل الصيانة علطول فى التوكيل

**mohmmedzohier** · 17-02-2012 04:58 PM

حساس الايدل لو العربيه بيتدور وبطبطل تانى وممكن حساس الحراره دا طبعا بعد ما تكون شيكت على الطرمبه + الفلتلر
لو العربيه مش عيزه تدور خالص بس سامع صوت المرش شغال
يبقى حساس الكرنك او حساس الكامه