الموضوع: مشكلة كهرباء ولا ايه؟؟؟؟؟؟؟؟؟؟؟؟؟؟؟؟

عندى مشكله فى العربيه البيكانتو عند الطلوع بالعربيه بتكون تقيله جدا ولازم تحرق بترول عشان تتحرك من مكانها ( اتوماتيك جير) وبعد ماتتحرك بتبقى عادى جدا ونقلاتها ناعمه جدا والحمد لله خفيفه وعاديه ناس قالو المشكله فى الانجكشن
1-روحت نظفت الانجكشن وبصراحه بقت ممتازه وتشيل رجلك من الدواسه تمشى لوحدها
بس بعد فترة رجعت اتقل من الاول حطيت منظف انجكشن مع البنزين ماعملش حاجه
2- روحت بيها عند ميكانيكى قالى الجير خربان حانفتح الجير نشوف ممكن يبقى الاول بس هوا اللى خربان وده بيتركبله حاجه كدا عشان يعطيه اشاره ويمشى
وممكن الجير كله اللى خربان وساعتها الجير لازم يتغير بس نفتح الاول ونشوف
طبعا انا خايف يفتح الجير مايعرفش يلمه تانى وبعدين حاسس ان المشكله موش من الجير واللى اكدلى انى لما نضفت الانجكشن كانت العربيه شغاله تمام يعنى موش جير
3- ناس كتير قالولى مشكلة كهرباء لكنى مابفهمش فى كهرباء السيارات فموش عارف
ولو فعلا مشكلة كهرباء ازاى اعرف وهل فى فى اسكندرية اماكن كشف على كهرباء السيارات بالكمبيوتر عشان اتأكد
ارجو المساعده

الحقيقه الموضوع مالوش دعوة بالتسخين العربيه حتى لو سخنه وماشى بيها مجرد انك تقف فى اشاره وتيجى تطلع بيها بتكون تقيله جدا ولازم تحرق بنزين عشان تمشى ومعظم اللى سئلتهم اجمعو انها مشكلة كهرباء لكن للاسف ماعرفش كهربائى شاطر او عنده جهاز فحص كهرباء السيارات فى اسكندريه