اولا السلام عليكم
انا ناوى ان شاء الله اشترى انهاردة بومه 2004 1300cc كامله اوتو خليجى تابلوة ابانوس وجنوط عامله 115 الف كيلو فابريقه بالكامل عدا مرمات صغيرة برة بدون معجون
اولا عايز اعرف من الناس متوسط سعر العربيه دى بيعمل كام؟
ثانيا انا لاحظت ان فتحه السقف بتاعتها بتفتح وتقفل مش اوتوماتيك يعنى لازم ادوس على الزرار عشان تفضل تتحرك لادام وورا شويه شويه وبعد حبه كدة وانا بجربها اتعدلت وبقت اوتوماتيك يعنى دوسه واحدة على الزرار وبتقفل وتفتح للاخر.
تانى حاجه لاحظت بردو ان الكاوتش بتاعها من برة تقريبا ناقص حته هوا الراجل بيقولى انه متنى تحت الفتحه بس لسه هتاكد لما اشوفها انهاردة فى النور فلو فرضنا انه متاكل هل ياترى بيتغير؟ وفين ؟ وبكام وهل بيفك السقف كله ولا ايه ومين احسن حد بيصلح ويصين فتحه السقف مع العلم بانى ساكن فى العاشر من رمضان
حاجه كمان ازاى احافظ على فتحه السقف من البوظان وصوت التزييق
ويارات كمان تفيدونى وانا رايح اشتريها انهارد ايه الى ممكن اجربه فى العربيه بشكل عام وفتحه السقف بشكل خاص؟

وشكرا ليكم ومنتظر افادتكم