تغيير كاوتش للوجان

**AIRSUPPLY13** · 12-02-2012 01:41 PM

السلام عليكم...

عربيتي عملت 30 الف الحمدلله و راضي جدا عن اختياري للوجان

كنت عاوز اغير الكاوتشات بالرغم من ان ناس بتقولي لسه بدري ...بسفي كاوتشين مش مريحيني نفسيا واحد في حتة سلك صغيرة بارزة و التاني فيه اتر من خابور

عاوز نصيحتكم لو هاغيرهم 2 في 2 اجيب اية ؟ و منين ؟ و بكام ؟

جزاكم الله خيرا

**amr.elsayed** · 12-02-2012 05:26 PM

بص يا باشا انا عن نفسى خبرتى مع تغيير الكاوتش بعافية شوية
بس انصح حضرتك انك تنتظر شوية وتشترى الاربع فرد مرة واحد علشان الكاوتش القديم ما يزودش
تآكل الكاوتش الجديد
لكن لو قررت انك تشترى اتنين بس يبقى على اقل تقدير تجيب نفس نقشة الكاوتش
وربنا يوفقك وانتظر رد باقى الاعضاء

**gebreel** · 12-02-2012 05:43 PM

2 مع 2 هيعملك مشكلة مع ثبات العربية لاختلاف النقشة

الافضل انك تستنى 5000 كمان مثلا و تغيرهم ال 4 مرة واحدة علشان يبقوا كلهم نفس النقشة و نفس العمر و يتغيروا كلهم مع بعض بردو

**Ahmed A Rahman** · 12-02-2012 05:45 PM

استنى لغاية الاربعين وغير الاربعة

لو تمسكت برأيك وغيرت اثنين بس حضرتك حتحط الاثنين الجداد ورا مش قدام زي ما قالت جميع شركات الكاوتش مش زي ما الصنايعية المصريين بيقولوا

اللهم قد بلغت اللهم فاشهد

**Egyzizo** · 13-02-2012 01:08 AM

المشاركة الأصلية كتبت بواسطة frhateg

اعرف طول عمري ان الكاوتش الجديد يركب قدام . ايه الحكمه ان شركات الكاوتش تقول عكس اللي طول عمري اعرفه . ياريت تفسير من الخبراء .

ده كان فعلاً المتعارف عليه لغاية التسعينات وعلى مستوى العالم كله مش فى مصر بس.
بس أبحاث الأمان الحديثة لقت العكس : لو هتغير كاوتشين فقط، الجداد يركبوا ورا مش قدام لأن ده بيساهم فى زيادة الأمان. والسبب باختصار لأن الكاوتش القديم هيخللى العربية تعوم وخاصة على الطرق المبلله ، بينما يحافظ الاطار الجديد ذو النقشة السليمة على العربية من غير تعويم.

والسبب بالتفصيل فى الفيديو التالى كما وضحته شركة ميشلان :

Install Two New Tires on the Rear Axle - YouTube

**tamer61** · 13-02-2012 01:11 PM

أنا شخصيا غيرت الأربع كاوتشات بعد 45000 كم وجبت بريدجستون B250 ... مريح وهادى على الطريق والأفضل منه أكيد ال Turanza بريدجستون برضه بس أغلى في السعر . وربنا يوفقك للخير.

**RenaultLover** · 13-02-2012 01:16 PM

بجد وعن تجربة انصحك ببريللي cinturato جامد جدا
الفرق بينه وبين الكومهو زي الفرق بين الشبشب والكوتشي بالظبط
هو حراق شوية بس يستاهل
الفردة بتعمل تقريبا 480
وياريت لو تغير الأربعة علشان الكومهو ده كاوتش تعبان جدا وما يتبكاش عليه

وعلى فكرة انا مهندس برامج وماليش دعوة ببريللي ولا اللي بيوزعوها

وشكرا

**AIRSUPPLY13** · 13-02-2012 04:49 PM

شكرا يا تامر.....بس جبتهم بكام و منين لو سمحت
شكرا يا RenaultLover على و حاحطها في الحسبان

معني كدة يا جماعة ان مافيش توصيات لحاجه محددة زي النقشة او رقم الكاوتش؟؟

-

الموضوع: تغيير كاوتش للوجان

LinkBack

أدوات الموضوع

عرض

-

-

-

المواضيع المتشابهه

اول صيانه للوجان و تغيير زيت بعد كام كيلو

كاوتش جديد للوجان

برجاء الافادة اجيب منين كاوتش المساحة للوجان

تغيير الزيت في فترة التليين للوجان

أفضل كاوتش للوجان

الكلمات الدلالية لهذا الموضوع

المفضلات

المفضلات

ضوابط المشاركة