صيانة ال5000 قربت.... شوية ملاحظات

**ophthahmed** · 12-02-2012 07:16 PM

معايا لوجان مو 2012 من حوالى 6 شهور عاملة 4500ك .صيانة ال5000 قربت ان شاء الله هاعملها فى العامرية عندى شوية ملاحظات محتاج اشاركها مع وحوش المنتدى قبل ما اروح لانى بصراحة شايل هم انه يقولو فى التوكيل كالعادة ده طبيعى فى اللوجان

اقصى سرعة جبتها بالعربية 120ك/س و دواسة البنزين على الارض(ملحوظة:انا مركب فرش جلد للارضية بس مش معاكس الدواسة خالص)
الى الان حاسس ان سحب العربية مخنوق و صوت العربية عالى جدا عند rpm 3
احيانا فيه حكة مع الغيار الاول من الثبات
دواسة الفرامل بتاخد مسافة طويلة على ماالعربية تقف و احيانا الواحد بيحتاج الفرامل تسعفه اسرع من كدة فى بعض المواقف(هل ممكن يتعمل للدواسة رجلاج؟؟؟)
احيانا بسمع صوت خبط خفيف ورا يمين على السلانسيه ممكن من تنك البنزين بيتهيألى صعب يكون مساعد لان العربية لسة جديدة
اخيرا محتاج حل للخدوش الموجودة فى العربية و المرايات من الجراج لان شكلها وحش اوى(يا ريت حد يفيدنا عن تجربة شخصية)

و شكرا مقدما اخوانى لمشاركتكم

**gebreel** · 12-02-2012 07:36 PM

بالنسبة لموضوع السرعة فده بيتوقف على مجموعة عوامل زي اتجاه الهواء و نوع البنزين و حمولة العربية و الطريق نفسه و هكذا
موضوع صوت العربية العالي فده طبيعي لكن اللي مش طبيعي هو سحبها المخنوق و السؤال هنا هل وانت طالع و ظابط رجلك على الدبرياج في رجة؟ هل بعد ما تنقل و تسيب دبرياج بتلاقي الrpm علي مرة واحدة و بعدين وطي للطبيعي؟
قلهم على موضوع الحكة دي و هما هيعملوا الازم ان شاء الله
الفرامل قلهم انج عاوز ترجلش فرامل اليد و هي هتظبط معاك ان شاء الله
بالنسبة لصوت الخبط فده انا مش عارف عنو حاجة الحقيقة
الخدوش ممكن تشمع العربية كل شهرين و هي هتقل بنسبة كبيرة لكن مش هتختفي

**ophthahmed** · 14-02-2012 03:45 PM

هل فيه حد عنده مشكلة السرعة دى و لا انا بس ؟ هل من نصائح؟ افيدونا

**amr.elsayed** · 14-02-2012 04:45 PM

كل اللى حقدر افيدك بيه انى اقولك الطبيعى واللى مش طبيعى
1 - مشكلة السرعة بتقف عند 120 ... دى مشكلة حقيقية ومالهاش علاقة بفرش ولا حاجة وانا اتوقع انك تحتاج للضمان
ودة حيبان صحته بعد الصيانة لما تجرب على الصحراوى
2 - خشونة فى النقلة الاولى .. لاحظ ان العربية بتليين والفتيس حينعم معاك اكتر بالاضافة ان فى الجو السقعة بيبقى فيه خشونة شوية عن الجو الكويس .. لا تقلق
3 - صوت الماتور عالى عند 3000 دة طبيعى فى اللوجان .. لكن سحب العربية ضعيف دى مش طبيعى ..
اللوجان بتبدأ يظهر سحبها صح عند الر بى ام دة اعتقد ليها علاقة بالبند الاول
4 - دواسة الفرامل طبيعية عندك لكن بيتعملها رجلاش وبتبقى ممتازة ... لا تقلق
5 - صوت الخبط الخفيف .. انا معرفش الحقيقة لكن دة مش حاجة طبيعية
6 - موضوع الخدوش بقى دة حقولك على حاجة علشان تريح نفسك
لو حتفكر فى بوليش ولا كومبوند ولا بوليش بلون العربية ولا ولا ولا كل دة كلام فى الباى باى وكبيره بيقلل حجم الخربوش لكن مش بيشيله وبيفضل ظاهر
الحل الوحيد علشان تدارى خربوش انك تعمل شوية بوية بلون العربية وتجيب قطنة وتبرمها وتخلى بوزها مدبب تبقى شبه القلم كدة
وتضع سن القطنة فى البوية وتغطى الخدش وطبعا بحرص وواحدة واحدة مع الخربوش وماتخدش بالقطنة غير يدوب تنتوفة بوية علشان ماتسيلش
ولازم تبقى عارف انك بتدارى الخربوش مش بتملى الفراغ بتاعه
يا رب اكون قدرت افيدك او على الاقل افكر معاك بصوت عالى
تقبل تحياتى

**ophthahmed** · 15-02-2012 08:15 PM

[QUOTE=ringoo;3874113077]كل اللى حقدر افيدك بيه انى اقولك الطبيعى واللى مش طبيعى
[gdwl]1 - مشكلة السرعة بتقف عند 120 ... دى مشكلة حقيقية ومالهاش علاقة بفرش ولا حاجة وانا اتوقع انك تحتاج للضمان
ودة حيبان صحته بعد الصيانة لما تجرب على الصحراوى
[/gdwl]

اولا الف شكر كالعادة ا.رينجو بس بصراحة انت قلقتنى اوى بخصوص الموضوع ده ...انت شاكك فى حاجة معينة , برجاء سرعة الرد لانى حجزت ميعاد لصيانة ال5000 الاسبوع الجاى و مش عايز حد فى التوكيل يشتغلنى